NEHEMIA 9:19 - Allah Wene Fano Wene Hupla Inane

¹⁹ A'nogo meneat he, haren it inoba hendawinggen hundigen, o leimo afuni le'ma andoma nen it herakfisigi'lek ferinarek mondok welagagin andi. Ohena e higit mendek andiba linggene ebekhalem woginarek wagik, nen, endu mendek andiba hubanggo inanggwe wesugun kwe omba'bak liarogo yararathilik woginarek wagik, kamo igi'lek mondok waga lagagin andi.

NEHEMIA 9:19 ပူးပေါင်းရင်းမြစ်များ

NEHEMIA 9:12

Hat hebe o linggene re, ohena anggele'ma mendek logolik woginarek wagagin andi. Nen, hubanggo re, endu amulok anggele'ma menla'luk kwe logoin kwe liarogo yat yarethilik woginarek wagagin andi.

NEHEMIA 9:27

A'nogo hilingiti lagaukwa andi nen, haren he, inebe it inaselei mene inomame a'ma ferinarek logolik, yi enggin ti enggin inoba fugu mondok logouwagaluk inenggiba fisikhi lagagin. A'nogo fisugunem, yi enggin ti enggin hokhorogo hugu mondok logolik, haren telinabuagaluk inane hokhorogo hayonggo fikhi lagaukwa. A'nogo fugunem hat hebe pogoroba nen hendawirinabluk he, inane hesanggo holfuluk hobugalep telinafi lagagin andi, neisena. Inane a'nogo ugunem hesanggo holfuluk, it inaselei mene nen ferinarek were'ma telinabuageluk inogogwi kaindek inayonggo fuluk inoba lakfisa waga lagagin.

NEHEMIA 9:31

A'nogo meneat he, hat hobabut he, nit afuni hokhorogo hendawit ninafendek andi nen, it inebe herakfisaluk wulil tagalogo legetfisigi'lek welagagin andi. A'nogo hilingitendek andi re, hat Allah hamu aro. Hat hobabut fano nen mondok hendawitninafendek andi.

MAZMUR 106:45

It andi inobaget he Aren wene warisasikhe mene a'nogoba eberisikhi lagaikhe, nen Aren endawi hundik mondok hokho mene hilinginaferek mene a'nogoba endawirinafi lagaikhe.

MAZMUR 136:16

At againafuri omanogore Arenat woginapluk o leikwe lagaikhe, Endawi hundik hilingninaferek mene andi re mondok-mondok logogin mene.

KELUARAN 40:36

Ohena a'nogo Tuhan awi wuri'mo tum oba nen lagagu halok, afuni Israel mene o ale'ma hokhumhogo logoin iluk, inawi su mene wurik omanogo meisalhigik helaluk waga lagaukwa.

KELUARAN 40:38

Afuni Israel mene a'nogo o ya wutik ta wutik wagu kwelek Tuhan ebe inom woginarek waga lagaikhe. Ebe inom hundik welago iluk, Awi tum oba omanogo linggene re ohena welagaikhe. Nen, hubanggo re ohena anggele'ma endu higit aga lagaikhe. A'nogo hilinglagunem it afuni Israel mene ineilenggen hikhi lagaukwa.

YESAYA 44:21

Tuhan nen ikhi logolik, ”Israel yei, hat he An namingmingengge mene hilingik welagenma re, mondogat andoma ebeti logoin o. Hat An namingmingengge logoinogeluk elalogo hobagasigi, Israel ao, hat he hoba nonggorasigin lego!

RATAPAN 3:22

Tuhan nen endawi hundik nafe mene andi re mondok-mondok logogin mene, At endawimo fanoba hilingnaferek mene andi re lek asigin mondok lek,

YEHEZKIEL 20:14

Oba nen he An nen nonggwarek nenu nalong palogo re, it ap inunggulenu lombogen An nen ap Israel mene o Mesir en woginarek wulibi wagunem neasukwa mene omanogo nen sebelogo nobagainogo iluk a'nogo hilingitigi lek.

YEHEZKIEL 20:17

Oba nen hobugen he An nen it inoba nendawirifigisik, An nen it inebe o leimo ilingage pirimse'ma andoma nen inoatigi lek.

YEHEZKIEL 20:22

Oba nen it inunggulenu ekhe mene ekhe mene mondogaren An nen unggulenu Israel mene o Mesir en woginarek wulibi wagunem neasukwama re, Nenu weagerogo feinogoluk hilingitigi lek.

DANIEL 9:18

Allah neisena, hesanggo langet fembik he, ninane hesanggo holhik, heilenggen fenggen lasimbik he, ninebe inom, ninawi kota Yerusalem, Allah were'ma iluk enu agarek awiba a'nogo inom, mondok weaget ninafukwama weak welago yi kwelaknisigik, in o, neisena. Nit ninobabut fano hilingiti lago, iluk Hat hayonggo fikhi lago fuk. We, Haren nit ninobaget hendawit ninabinogen iluk, hayonggo fikhi lago o, neisena.

DANIEL 9:9

Nit Hat hawe a'ma lombokhogo logou ninabiren weak hilingitorek meneat he, Hat nit ninebe hendawi nen nit weak hilingitorek mene sagalogo leget fisaluk, hendawit ninafendek andi o, neisena.

MALEAKHI 3:6

At Tuhan nen ikhi logolik, ”An nebe agam itirek lek mene o, Tuhan a'nogo nebe re An aro. Andiba re, hit Yakub en tagomangge mene andoma weaget hinobagakhi lagi lek andi.

BILANGAN 14:14

Inesanggo holimbik he, iren afuni o yoma mene yagaisogoin aro. Attagat it afuni ekhe nen he, afuni Israel mene ineisena Tuhan nen ferinarek mondok werek. Allah ebe linggene halok ohena anggele'ma menla'lugen he, hubanggo halok he endu anggele'ma menlarik weri'lago. Afuni Israel mene inelokhoma arigini'logo mene andi re it afuni o yoma mene inesanggo holha meneat he, hobuk Haren a'nogo hilingninabigin halok, it afuni Mesir mene nen it afuni yoma mene yagaisogoin aro.

ULANGAN 8:2

At nineisena Tuhan Allah nen he, hit hinendawimo anggaluk ninggi'nogo hilingisugun. Wene an nen, yi'nogo hilingiti logoino, ti'nogo hilingiti logoino, iluk komothinafi wene andi hologo higithogo hilingiti logogun a? Lega, iluk hinobabut paligiluk, kwe yatkwe nenat o leimo afuni lekwe wokhinarek wagu kwelek, 40 tahun hilinglaga andi hinendawimo ebe'ni o.

1 SAMUEL 12:22

At nineisena Tuhan onggwaregen he, It An nonggwarek nagainafuri asuagaluk woginafi, iluk onggwarek enu hombuk palogo isikhemo re, hit herakhinobagagin mondok lego.