NEHEMIA 6:9 - Allah Wene Fano Wene Hupla Inane

⁹ Onggo a'nogo lakfesigimo nen he iren nit yabu hilingiti lago mene andi hesanggema leisal fouwageluk he ninailoap kwelafi lagaukwa. A'nogo hilingitunem he an nen samban ikhi logolik he,” Neisena Allah nendawinggen hambuget nobagain o!” iluk samban isigi.

NEHEMIA 6:9 ပူးပေါင်းရင်းမြစ်များ

2 TAWARIKH 15:7

Oba nen he, hiren hilingiti lagep mene andi re ambisangma fano agunem hogoin enggere, hinendawinggen hambukhogo logolik, hinailo lekhogo logoino,” iluk yagaisasikhe.

2 TAWARIKH 32:18

It ap raja Asyur en lakfisasikhemo lagaukwa mene omanogo nen he it inebe selekhogo o kota Yerusalem a'nogo mikha kugun iluk he it ap Yerusalem mene leget pa' leget waganek mene ambolkwe werek mene omanogo inailo asuageluk youk kwelafik, inagaiyek werek mene andi legasuwageluk hilingitik, hilingiti logolik he, mondogat andoma Ibrani mene inane unggut waganogo ikhi logolik he, ngai-wai engge kwelafi lagaukwa.

EZRA 1:6

A'nogo tegelhunem, it afuni it inom welagaukwa mene omanogo inebe mondogen he, inangge yi mene ti mene emas, perak meneba hilingik mene omanogo inom, ekhe yi mene ti mene amu mene omanogo inom, inamburu ebekhalem nogoin mene inom, wam woginarek wesugun mene inom, yi mene ti mene onggo hokho mene ekhe inom, wogisasukwasik, oba loukhogoat Allah awi wusugun mene faget ekhe inendawinggen oba nenat wogisasukwa.

NEHEMIA 6:14

A'nogo hilingitaba nen he an nen samban ikhi logolik he, ”Neisena Allah, it ap Tobia inom, Sanbalat inomen hilingiri'lagwi andi faget ebethan. It inoba unggum wogisan! Nen, athe nabi Noaja andi inom nen it nabi fenakwe inomen an nendawimo nailo asuageluk kwelabi'lagwi mene andoma inomat unggum wogisan,” iluk samban igi.

MAZMUR 138:3

An nen Hat hoba nane kwetunem he, Haren hane onggo yaganeti lagen, Haren an nendawinggen omamet fugunem he, an nailo lek mene aga lagi.

MAZMUR 56:3

Linggene hundik-hundik he it an ninom seleirogo welago mene omanogo nen alperelnabi weri'lagwi o, Neisena Allah Hebe Lego welagen mene, it inebe hokhorogo nen he, an it inaselei mene hilingnobagali'lagwi o.

MAZMUR 68:35

At Allah omame logolik it afuni Israel mene inobaget along werek mene andi oba futfeni! At omame re o pogot huli andomaba werek.

MAZMUR 71:1

Tuhan neisena, an he Hat hoba lombokhogo welagimo re, an nenggali asuageluk oboget nea fugo.

YESAYA 40:29

Aren he afuni inoba lebelek agu mene inomame wogisigik, inonggwaregen hilingisu elo' lek mene inoba inagaiyek mene hilingfisigik, ikherek.

YESAYA 41:10

An ninom logogun enggere, hailo asu fugo, Hat heisena Allah re An nebeat andi nen he hendawinggen fisu fugo. Hat he An nen wuriget hafik lebethiigik ikhi logogin. An nenggi omameba wokharek laga logogin.

YEREMIA 38:4

Andiba re ap yabu legoma hilingitarek inap aremnogo nen raja were'ma lagaikhasik yagati logolik he, ”Eberogo nen he ap yi nen wene ili'lago mene andoma re ap tentara inom nen ap amu mene inom o kota yiba inaberali kwelabi'lago hilingi'mo re at ebe pinggi wasugun o. Aren afuni leberisili'lagore fuk, oba nen he alomat fisili'lago o,” iluk yagata.

YEHEZKIEL 30:24

A'nogo hilingisimbik An nen hobuk raja Babel mene enggi omamet fembik An nenggarok a'nogo at enggimo fagain. Oba nen raja Mesir mene enggi re An nen sombol foumo at aselei mene raja Babel andi elokhoma nen oak heinet warogo wa'lasigin.

ZAKHARIA 10:12

An nen nagainafuri inomamet fisagain, andi nen he, iren An nane hologo hilingiti logolik An nobaget enek hilingitu logogun, iluk An Tuhan nen nane mondogat igi o.” isikhe.

2 KORINTUS 12:9

aren he: ”Hat lebelek halok he, an nomame hokhoatma hebe nendawithafirek mene a'nogo nen, elok fanothafi logogin o,” iluk yaganetikhe. A'nogo yaganetikhe andi nen, at Kristus omame an nendawimo nobagasikhe mene andiat logouwageluk he, an nebe lebelegat logolik, nendawimo nagaiyekhogo fogerakhikhi logogin o.

EFESUS 3:16

At Allah yi mene ti mene mondok fano mene enggi werek iluk u hak, fogeratu welagaikharek a'nogo nen, Areagun oba hinomamerogo hinendawinggen wuriget hinabuageluk ayonggo fikhi lagiat.

EFESUS 6:10

Wurep oba re, wene yi yagahisak. Hineisena Tuhan hinom hundik logolik he, at omame hokho a'nogoba, hinomame hilingla'luk logoino.

FILIPI 4:13

At Kristus nen nomamet nafu kwelek andi nen he, yi mene ti mene weak agunem inom, fano agunem inom, higit logou hak enek.

IBRANI 12:12

Andi nen he, hinenggi omame lek mene omamet figik, hineindep abolok ili'logo mene hambuget figik, ino o.

1 PETRUS 5:10

Were'ma, at Allah ebe fogeratu mondok logogun andi hak, hit Kristus hinom hundik were'ma hinomat fogethinafu logouwageluk hinayonggo fesikhemo, yogondak ya endebat enek hinoba yi enggin ti enggin hikhi logombik, hobuk at obabut fano mondok a'nogo nen, katokhogo hilinghinafik, hinendawinggen wurigetfigik, hinomamethinafik, hambugethinafik, igino.

1 SAMUEL 30:6

At Daud agoromi omanogo re ninagagwi, ninagainafuri nalagaikhama iluk he inendawinggen heiselhi lagaukwa. Andiba re iren at Daud huk helep wasugun iluk hilingiti lagaukwa. A'nogo hilingitunem Daud oba enggin-fenggin mondok hokhorogo hikhi lagaikheba nen he, at endawinggen eisena Tuhan Allah nen omamet fikhi lagaikhe.