NEHEMIA 6:8 - Allah Wene Fano Wene Hupla Inane

⁸ A'nogo palek welagaba nen an nen wene onggo lakfikhi logolik he, ”Wene hun haren egen mene andoma re hane nen lalogo we tulemat egen o,” iluk lakfesigi.

NEHEMIA 6:8 ပူးပေါင်းရင်းမြစ်များ

NEHEMIA 6:7

ap nabi nen hat o Yerusalem oba andoma raja logouwageluk mennobagani iluk ikhi lagen aple faget mel ikhe. Ma re wene inane nen iluk waluk aga mene andi re at raja esanggoma ogo kwi lagain logou hak. Enggere wene andi faget nit ninane seberogo masuogen eme,” iluk palogo lakfei wagama welaga.

AYUB 13:4

Hit he hinebe kemburek welagep mene a'nogo re hineranen weneba ikhi logolik hinati lagepma re, ap heinogengge ineranen wene agarek mene a'nogo inom he agamsek welagep lek.

MAZMUR 36:3

Aren anggikhi loglik he an enek he nalong werek nagun welagi anggikherek, andiba re aren aweak hilingiterek mene a'nogo oba ebeterek lek, nen at aweak faget abit anggikherek legat.

MAZMUR 38:12

It an narugwi mene inom, nori nagaila'lak namep mene inomen he, an noba ou welagi mene kwelaknealuk he agaiset nabi'lagwi. It nogogwi nagoromi meneba nen ogore an nagaiserogo lili'lagwiat.

MAZMUR 52:2

At Daud ebe hun Abimelekh were'ma oba lagaikhemo, hun Doeg aiba Edom mene a'nogo nen Saul oba yagasi lagaikhemo isikhe awuni.

YESAYA 59:4

Hiren wene ero lek kwelek hinane hokho a'luk katokhogo hilingiti'legengge aiyo wurogo eneti lagep. Hiren he, hineranhogo wene ikhi logolik, ebe lek mene omanogoba himbirik welagep, hiren ap amu mene alomarogo fisogoin iluk wenggelogo figik, hinaniniba nek hilingitik, hilingitu welagep.

DANIEL 11:27

A'nogo hilingisogo fisambik he, it raja inebe pire aremnogo e talek misik mene elokhoma hu'lasimbik nunggungge ninggi logogun, nen it inendawimo re weim abok fisogo logolik lal-lal aga logolik hilingisugun. Oba nen he, inenggi horok asi wesigin le'ma re iren hilingisugun mene andi re we sugwi asigin.

MATIUS 12:34

Hit hinebe kisu nen tagongge mene yoma sani! Afuni nen yi wene ti wene inambeba nen agarek andi re, inendawimo peterek logolik kagalogo lagai wagunem agarek andi nen he, hit he, hinobabut weagat logolik wene fano mene ikhi logogun nogo? Elo'lego.

YOHANES 8:44

A'nogo hinabit andi re, hit hineisena Iblis atma re, hiren at amolo anggikherek mene andiat hinamolo nen hilingiti lagep andi. At Iblis andi eroba nenat afuni inoaterek mene aro. At wene ebe wene endawimo lek andi nen he, wene ebe wene ugunem inane legeterek lek andi. Iblis eranen ikherek andi re, at obabut etogat mene eranenat ikherek andi o. Ineranhogo wene agarek andi, ero araro.

KISAH PARA RASUL 25:10

Yagatikhemo, at Paulus nen he, ”An yogondak he, wene inoba figik, kotik, agarek oba yoma, ninoe kain Kaisar Roma mene enggiba welagi. Halok, wene noba faga mene yi, at were'ma andoma nenat ero heragaisogo elugun wasuak. An nen it Yahudi mene weak ekhe hilinginafi'lek andi, hat helu aro.

KISAH PARA RASUL 25:7

Yagaisasikhemo lagaukwasik ebe waluk wagaukwama re, it ap Yahudi mene o Yerusalem en wagaukwa mene omanogo Paulus ebe abel fena-fena haningisogo kwelakfesukwasik yi wene ti wene enggin mene hokhorogoat oba fesukwa. A'nogo meneat he, at weak ekhe hilingiti'lek andi nen he, ”Eberogoat weak yi'nogo hilingitunem nineilenggen hogo,” iluk yagasu lek hak agaikhe.