NEHEMIA 6:13 - Allah Wene Fano Wene Hupla Inane

¹³ Iren anggikhi logolik he an nailo a'luk iren hilingisugun iluk aga mene andi ombo'ne higithogo asigin halok he an weak hilingisigin anggagasik hilingita. Nen, an weak hilingisigin andiba re iren iaple agama iluk an nenu weagerogo fuluk aren a'nogo hilingite mene iluk afuni nen tindelhi logouwak anggagasik hilingita.

NEHEMIA 6:13 ပူးပေါင်းရင်းမြစ်များ

NEHEMIA 6:12

A'nogo yagatirigen wene a'nogo faget ninggi'nogo hilingiti ha iluk wil-walhigirigen he, an nen anggikhi logolik he an miming nabi'lago mene yi re Allah nen ikhemo re fuk, athe at Tobia inom, Sanbalat inomen agama. Iren he at Semaya ariba wene a'nogo yagasi lan iluk onggo inenggi a'makwe wogotama higi iluk nelu aga.

NEHEMIA 6:6

Nen, lisu palek andiba re ane yi'nogo iluk palek welaga, ”It afuni inunggulenu inap horokwe yoma werek mene nen inane nen waluk ikhi logolik, hat inom, nen it afuni Yahudi mene mondogat inomen he weim abok egepsik he o kota leget pak leget andi legeisogo wanhi lagep mene andi faget ili'lagwi iluk at Gesyem en ogo eberogo ikhe. Nen, aren ekhe ikhi logolik he hat he afuni Yehuda mene inobaget onggwaregen raja logogin iluk legeisogo fakhikhi logolik,

AMSAL 22:1

Inangge hokhorogo welagarek andi re maben hak oba nen inenu fano welagarek andi nek he mondok esin. Nen, perak inom, emas inom, wogisagarek andi re endep elo'lek meneat he, afuni inebe inendawirinafarek andi nek he mondok esin.

AMSAL 29:5

Ap ekhe nen agaila'lak ekhe legeisogo fisagain iluk agaugwerasigin, oba nen he, at onggwaregen yebet fakhagain.

PENGKHOTBAH 7:1

Amusu onggo hokho mene andi re horok harek hak oba nen, inenu fano agarek andi nek he mondok esin he andi, nen inebe ta'lagaikharek oba andi re harek hak oba nen wa'lagaikharek oba andi nek he mondok fano.

YESAYA 51:7

Yago, hit An nunggulenu mene oma re, An nane ikhi lagi mene andi holini o, hit he eberogo mene re ninggi'nogo iluk he hinelu welagebo. An nen wene yagahisikhi lagi mene re hit hinendawimo fisogo welagebaro. Afuni nen puliat hinafu halok he hinailosu fugo, iren li'not hinafu halok he hinoba sinurogo logou fuk.

YESAYA 57:11

Tuhan nen ikhi logolik, ”Sa nen tugwi kembu andomaba hinailo mene hilingfugunem hiren hineranen wene ikhi logolik An noba ebetniikhi lagep lek nogo? An nane igi'lek aloksek welagi andiba hiren An fogetnafi lagep lega?

YEREMIA 1:17

Yeremia ahwi, hat he fik-foukhogo hilingisin! Hat hebe laluk he An nen yagaisa lan. iluk yagaheti mene andoma mondogat it inoba fakhogo yagaisa lano o. Hat it hinom ambi a'luk hailo ekhe inom asuageluk An nen hilinghobagagi hanogo re hailosu fugo.

YEREMIA 18:18

Afuni nen ikhi logolik, ”Nit he ninebe seberogo nenat Yeremia pelabuogen he awene paluogen we'ni o. Allah ane andi re at amu nen yagaisoageluk werek fuk. Lego, At ane yaganisugu mene re it ap imam werek hilingi'mo re iren yanggulninafik, it ap inendawinggen wenggelek mene nen komo wene yaganisigik, ikhi logogun o, nen it ap nabi nen he Allah ane ugu mene omanogo yaganisikhi logogun aro. Andi nen he niren at ane ugunem holhi logogun lek enggere, wene katokhogo palharek oba omanogo hele warogo waluk louwogo,” iluk isukwa.

YEREMIA 20:10

It afuni ekhekwe-ekhekwe mondogat inane nguluk habuk ikhi logolik, ”Yikwe tikwe mondogat youk kwelaklagama inailo nek agasik inoak leigeri'lagwi o! Niren at ari faget ap inalong werek inap inoba yagaisa louwogo!” iluk ili'lagwi. Nen, it an ninom fano hundik welago mene nen ogore, at ki sambul weak hilingisigin iluk nenangot nafu weregat. Iren ikhi logolik, ”Niren nina'mage lagagunem sebelhikhi lago mene oma faget ambisangma at oba ogo hilingfogoin o, oba nen he niren at endawinggen wanimbik hilingisugun oba nek he, elok mabenet fogoin o,” iluk ili'lagwi.

YEHEZKIEL 2:6

Oba nen he hat afuni wa'lagaikharek mene yi sa, It inobabut an nawe a'ma logou inabit andi nen he, it inebe inom, inane ugunem inom, hailo asu fugo. Hat hebe it andi inobabut he, pimen kwagisugunem aik weak andi hangge inom, panggi alok hokho andi hangge inom, ililim aik palinaferek mene andi hangge inom, inanggele'ma logogin andi nen he, hailo asu fugo.

MATIUS 10:28

Afuni nen hinareagun inom hinoasugun elo'lek. We, hinebe nek hinoasugun andi nen he, hinailorogo logogubo. Meneat he, at Allah nek he, hinareagun inom, hinebe inom, elok mondok warogo endu ai'mo lakhinobagagin werek andi nen he, at Allah oba nek hinailorogo logoino.

MATIUS 22:15

Hobuk he, it ap Farisi mene nen, ”Nit Yesus eil warogo wene oba heinok wanhunem ane igin oba enggin oba fembik wene oba fouwok,” iluk abok palhi lagaukwa.

MATIUS 26:59

Hurek werek kwelek, it ap Allah eisewerek inogogwi kaindek inom, wene ero pilingitarek mene mondogat inomen, at Yesus wasuogeluk, mel isukwa: ”Afuni at weak hilingitunem ineilenggen haga mene uagen heraginabini,” iluk, ineranenat wene oba fouwageluk heraginafukwa mene re,

KISAH PARA RASUL 6:13

Waluk lagaukwasik he, ap ekhe nen ineranen wene Stefanus oba fouwageluk menfisasukwa. Menfisasukwama, iren ikhi logolik he, ”Ap yi nen Allah onggwarek awi wurik yi abok weak palhik, wene Allah nen komotninafikhe wene a'nogo abok weak palhik, kamo igi'lek ugu mondok welagarego.

2 KORINTUS 11:12

It ekhe Kristus nen inayonggo fuluk lakfisa wagaikhe mene hangge wagaikhasik hilingiri'lagwi mene andi nen he: ”Nit Paulus ninom higiro,” iluk ikhi logolik fogerakhili'lagwi mene andi, inane lek asuageluk an yogondak hilingiti lagi mene yi re, hilingito mondok logogino.

1 TIMOTIUS 5:14

Halok he, it hemi sogwe ekhe Iblis ombo'ne kwanirogo hela lagaikha andi nen, it ekhe nit Allah againafuri ninom weim palek hangge mene nen ninabok weak palinogo iluk, it hemi sogwe tugum mene andi, inaguni lombok woginapluk he, ineagwi tagaisogo fanorogo tegelogo ferinarek logouwageluk igi andi.

2 TIMOTIUS 1:7

Allah nen ninobabut wo'nisikherek andi re, ninailorogo logouwageluk wo'nisikherek fuk. We, ninomamerogo welagik, afuni ekhe ninendawirogo welagik, ninendawinggen sebelek welagik, ikhi logouwageluk wo'nisikherek andi.

TITUS 2:8

A'nogo yagaisugunem, it ekhe wene andi inabit mene nen, ”It weak hilingita,” iluk, wene nit ninoba le'maat ugunem, inenggali asuageluk, ebe wene fanotninaferek wene a'nogo, weak ugun lek mene andiat, yagaisikhi logoino.

YAKOBUS 4:17

Hit hinendawimo nen he, ”Higit hilingisugun he, yi'nogo,” iluk hinelu logoligat he, ebe hilingiti'lek halok he, hit weak hilingi'luk wene hinoba fakhikhi lagebo.

WAHYU 21:8

A'nogo meneat he, it afuni ekhe inailo werek mene inom, Allah ane wanharesigen herakfisagarek mene inom, Allah abit mene hilingitarek mene inom, afuni inoatarek mene inom, pailak fakfisigik, fakfisoageluk hilingitik, agarek mene inom, wesagun anggwelek inoatarek mene inom, tugwi kembu oba himbirik logolik, fogeratarek mene inom, ineranen agarek mene mondogat inom, i laut endu mene yenggelek were'ma, hendali al hangge amben weak mene enu belerang inom amulok nunggu mondok welagare'ma andoma lakfisagain o. Lakfisagain andi re, inebe attak elama faget wa'lasimbigen hobuk wa'lasugun andi aro,” iluk yaganete.