NEHEMIA 4:3 - Allah Wene Fano Wene Hupla Inane

³ A'nogo isikhemo, at Tobia, Sanbalat era'lu logolik, mel isikhe: ”Iren leget pa'leget wuta mene a'nogo, mene olo mene enda'ma mene nen meisalu hak iriwaringge wuta andi yethani!” iluk isikheat.

NEHEMIA 4:3 ပူးပေါင်းရင်းမြစ်များ

1RAJA-RAJA 20:10

”Nit ninoe raja andi nen he ap sikhe fisogo mene hokhorogo lakfisa wesumo re, hat hawi kota wolelenggenhogo fogoin o, a'nogo foumo re o meisalogo fogoin mene andoma re it inenggi nen enek ologoilongengge furogo lagarek andi hak waluk logoin o. Nen, aren a'nogo hilingisigin lek halok he, kembu dewa nen an wene noba fagain a? athe nebe pinggi noasigin a? aren at hilingisigin, iluk hombuk palhe o,” iluk yagatukwa.

1RAJA-RAJA 20:18

A'nogo yagatikhemo at Benhadad en wene melalfisikhi logolik he, it tentara ninaselei mene andoma weim yabuogeluk wagu halok ogo, ninom wene legengge fanorogo logogun iluk wagu halok ogo, inelugengge fakfisano,” iluk yagaisasikhe.

2 RAJA-RAJA 18:23

Yogondak nit afuni Asyur mene ninoe raja nen yagahisa hak, at enuba an nen wene ekhe nailo legat yagahisak. Hit hinoba wam kuda esa mondok hokhorogo 2.000 nen wokhisamo, eberogo nen he ap hit mene esa andem wam kuda andem ebe lombok amboroba lagaluk waluk nikhi logou mene hinebe elok welagep nogo? Elo'lek anggigi.

NEHEMIA 2:10

A'nogo meneat he, ap Sanpalat aiba Bet-Horon mene andi inom, ap Tobia unggulenu Amon mene pemerintah faget yabu hilingiti lagaikhe mene andi inom, emberek inoba afuni ekhe nen he, ”Nehemia re, afuni Israel mene leberisagaluk wagasik werego,” iluk ugunem inesanggo holhukwasik he, ina'mage mondok lagasikhe.

NEHEMIA 2:19

A'nogo fesukwama, it Sanbalat inom, Tobia inom, Kesyem aiba Arab mene a'nogo inom, inesanggo holhukwasik, wagaukwasik endo ya'ninafik, inane asegen wo'nisigik, ikhi logolik, ”Hit ninggi'nogo hilingisuogeluk hilingiti lagep? Ap raja andi ninabit, iluk folim hibisuogeluk hilingiti lageba?” iluk yaganisasukwa.

NEHEMIA 6:1

Ap nit ninaselei mene, hun Sanbalat inom, Tobia inom, Gesyem inom it ekhe amu mene inom inesanggo holhunemen he, ”It afuni Israel mene nen he leget pak leget a'nogo mondok legeisogo ambotkwe wurik laga logolik, folelek omanogo mondogat to'morik lili'lagwi ugunem holhukwa. A'nogo holhukwaba nen he andem oba re o kota andi bene kwe ambe palek mene omanogo faget kwe sou ebe oan wurogo kolhi'lek kwelek oba nen a'nogo isukwa.

ULANGAN 23:3

Afuni Moab mene inom Amon mene inom, nen iren tagomangge mene taginabik laga logombik huli 10 nen taginabugun halok ogore Tuhan againafuri mene logogun legat.