NEHEMIA 4:20 - Allah Wene Fano Wene Hupla Inane

²⁰ A'nogo were'ma, pinggong ane ugunem hinesanggo holhep halok he, hinebe nit ninoba yoma weak-weagat andogosi we'no o. Nineisena Allah nen nit faget weim yabigin werego,” iluk yagaisasigi.

NEHEMIA 4:20 ပူးပေါင်းရင်းမြစ်များ

1 TAWARIKH 19:12

At Yoab en agot oba ikhi logolik he, ”An it tentara Siria mene andi ninom walhugunemen elo'lek agu halok he, hat he weak-weak an lebetnea we'no. Nen an nen ogore hat it tentara Amon mene hinom walhugunemen elo'legat agu halok he, an nen hat lebethea wesigin.

NEHEMIA 4:19

A'nogo werek kwelek, an nen ap mondogat inom, inogogwi inom, inebe ferinarek welagaukwa mene inom, inoba mel yagaisasigi: ”Leget pa'leget yi yiling-waling mondok uanat wanhi lago andi nen, ninebe ninamu-ninamu mondok logogun andi.

NEHEMIA 4:21

A'nogo yagaisasigisik, leget andoba ohealek hupsiakhogo wulipluk he, wilik lagorek-lagorek huli o sebe-sebe hesagal pogoroba arat weinam agunemen kwi waga lagagu. It ap ekhe minggilogo re, leget pa'leget legeisogo wanhu kwelek, it ap fenakwe, sikhe sige inenggimo waluk selei mene kagalek logolik welagaukwa.

KELUARAN 14:14

Hiren ekhe hilingisugun mondok lego. We, nineisena Tuhan ebe ninebikhit asimbik inoasigiluk hilingisigin werek o,” iluk yagaisasikhe.

KELUARAN 14:25

Inangge kereta eisok nong-honget fesikhemo inoba wesu re, mondok elo'lek agaikhe. A'nogo hilingfesikhemo, it afuni Mesir mene nen he, mel isukwa: ”Afuni Israel mene ineisena Tuhan it werekwe agasik nit ninoasigiluk hilingiri'lago higi. Halok nit ya nenat heise louwogen we'ni o,” iluk isukwa.

ZAKHARIA 14:3

A'nogo hilingisumo nen Tuhan wesimbik o attak it ap inunggulenu inap andi inom hilingiti lagaikhe higithogo it inom weim yabi wesigin.

ULANGAN 1:30

O Mesir en inom, o leikwe nen inom, hilingitunem hineilenggen hasigip a'nogo hakhogo hineisena Tuhan Allah nen hit hinobaget nomamerogo hilingiti logolik wokhinarek laga logogin.

ULANGAN 20:4

Hit hineisena Tuhan Allah At hit hinom laga logolik lebethinafi logogin, Aren enek hit hinalong asuageluk hilinghinobagagin,’ iluk yagahisikhi logogun.

ULANGAN 3:22

Tuhan Allah nen hat faget omamerogo hilingiti logoginmo re, haren it faget hailorinafi logou fuk.” iluk yagatigi a'nogo, iluk yagaisasikhe.

YOSUA 23:10

Hit hineisena Tuhan Allah a'nogo nen wene yagahisikhe mene higithogo re, Aren hit hinobaget weim yafunem he ap hit hinanggele'ma nen he ap mondok hokho-pokhorogo mabenet fisikhi logogun o.