NEHEMIA 2:19 - Allah Wene Fano Wene Hupla Inane

¹⁹ A'nogo fesukwama, it Sanbalat inom, Tobia inom, Kesyem aiba Arab mene a'nogo inom, inesanggo holhukwasik, wagaukwasik endo ya'ninafik, inane asegen wo'nisigik, ikhi logolik, ”Hit ninggi'nogo hilingisuogeluk hilingiti lagep? Ap raja andi ninabit, iluk folim hibisuogeluk hilingiti lageba?” iluk yaganisasukwa.

NEHEMIA 2:19 ပူးပေါင်းရင်းမြစ်များ

NEHEMIA 13:28

At Yoyada andi re hun Imam Agung Elyasib a'nogo amlogo, oba nen he at Yoyada andi amlogo misik ekhere at Sanbalat awi kota Bet-Horon mene a'nogo eyamal agaikhe. Andiba re at Yoyada a'nogo o Yerusalem logogin lek iluk mugusogo wilakfisasigi.

NEHEMIA 2:10

A'nogo meneat he, ap Sanpalat aiba Bet-Horon mene andi inom, ap Tobia unggulenu Amon mene pemerintah faget yabu hilingiti lagaikhe mene andi inom, emberek inoba afuni ekhe nen he, ”Nehemia re, afuni Israel mene leberisagaluk wagasik werego,” iluk ugunem inesanggo holhukwasik he, ina'mage mondok lagasikhe.

NEHEMIA 4:1

Afuni ekhe nen he, ”Afuni Yahudi mene omanogo o kota leget pa'leget a'nogo hobuk legeisogo wusuogeluk hilingiri'lagwi,” iluk isukwama ap Sanbalat esanggo holhikhesik he, a'mage hokhorogo lagasikhesik, ina'malolo kwelafi lagaikhe.

NEHEMIA 6:6

Nen, lisu palek andiba re ane yi'nogo iluk palek welaga, ”It afuni inunggulenu inap horokwe yoma werek mene nen inane nen waluk ikhi logolik, hat inom, nen it afuni Yahudi mene mondogat inomen he weim abok egepsik he o kota leget pak leget andi legeisogo wanhi lagep mene andi faget ili'lagwi iluk at Gesyem en ogo eberogo ikhe. Nen, aren ekhe ikhi logolik he hat he afuni Yehuda mene inobaget onggwaregen raja logogin iluk legeisogo fakhikhi logolik,

NEHEMIA 6:9

Onggo a'nogo lakfesigimo nen he iren nit yabu hilingiti lago mene andi hesanggema leisal fouwageluk he ninailoap kwelafi lagaukwa. A'nogo hilingitunem he an nen samban ikhi logolik he,” Neisena Allah nendawinggen hambuget nobagain o!” iluk samban isigi.

AYUB 30:1

Oba nen he yogondak it ap souge mene omanogo nen an inane asegen wo'nabi'lagwi! O attak it ineisugwi re an nanggo domba kagalek werek mene faget fisikhi lagagiba nen he, an nen it inoba na'ma seramet fisikhi lagagi.

MAZMUR 123:4

It afuni inenggi werek mene nen li'norogo hilingninabi'lagwi mene andoma inom, nen it ap wonoget fakhagarek mene andoma nen puliarogo ninobagali'lagwi mene andoma inom, obabut mondogat hogo o, neisena.

MAZMUR 79:4

Nit he afuni inunggulenu fena nit horok horokwe werek mene oma nen li'not ninobagagu mene hilinglagosik welago, iren he nit endo ya'ninafik, inabit ninoba figik hilingninabi'lagwi.

MAZMUR 80:6

Haren he nit ninamburu nahak he, le aga lago mene andi wo'nisigik, nen ninagai nahak he nineilamusu mondok hokho pokhorogo waga logouwageluk hilingninobagagik, ikhi lagen.

MAZMUR 80:7

It afuni inunggulenu lombok, nit horok horokwe werek mene omanogo nen he, nit ninanggweang sebeluogeluk inane sagalhunem, it ninaselei mene omanogo nen endo ya'ninafi logolik inagaiyek asuageluk hera'ninobagegenma welago andi.

YESAYA 36:5

Haren anggikhi logolik he inaneba ili'lagwi andem oba re ap tentara nen hilingisugun mene wenggel fuluk hilingiri'lagwi mene inom nen it tentara inomame werek andoma inom higitsek anggikhi lagen a? Hat he saba hendawinggen himbirik logolik raja Asyur mene ninom walhogoin iluk hilingiti lagen nogo?

YEREMIA 20:8

Hundik-handik an nane igiluk he, ”Inanini mene nek! Mondok enggin tungsek mene nek!” hilinglagunem, ningginik-ningginik he nane omameba hum ngai eti lagi. Tuhan neisena, an he Haren ino iluk ugu mene omanogo yagaisikhi lagiba nen, an hundik-handik puliapnafik, li'norogo hilingnobagagik ugu mondok werego.

YEREMIA 41:10

Andi nen at Ismael en he raja a'logomi omanogo inom ap o Mizpa werek mene Nebuzaradan nen he Gedalya nen halinafi logouwageluk wogetikhe mene omanogo inom fakfisasikhesik he at Ismael en hele warogo lirinarek he o wilayah Amon fikhit andoma lagaikhe.

MATIUS 9:24

mel yagaisasikhe: ”Helenggerek andi wa'lagi'lek. We, nogo ili'logo. Halok he, wulibi lani o,” iluk yagaisasikhe mene re, it afuni hokhorogo omanogo nen he, endo hokhorogo agaukwa.

MARKUS 5:40

A'nogo yagaisasikhemo re, it afuni omanogo nen endo hokhorogo agaukwa. Endo hokhorogo agaukwama, aren he, inebe mondogat felelenghogo olulu wulakfisasikhe. Wulakfisasikhesik he, it helenggerek a'nogo eisena agaisa inom, Yesus agoromi inom lagaukwa mene omanogo inom, it enek woginarek o hulu senggelek helenggerek a'nogo welagaikheba kwisukwa.

LUKAS 23:2

Wagaukwasik wene oba fikhi logolik he, mel yagatukwa: ”Ap yi nen afuni nit mene lalinafik, uang pemerintah mene faget ap kain Kaisar a'nogo wogosugun lego, igik, hinoe Nenupogot Kristus a'nogo an aro, igik, iluk nit nineilhanem ikhi laga andi nen waluk wago o,” iluk yagatukwa.

YOHANES 19:12

at Pilatus esanggo holhikhesik he, Yesus hele fikhalogo feigeluk walhasikhe meneat he, it ap Yahudi mene omanogo inane hokhorogo paksilak ikhi logolik he, mel yagatukwa: ”Ap sa nen, An nebe kain Nenupogot, iluk onggwaregen ikhe halok he, ap Kaisar endawimo seramet fikhe ugun. Halok he, haren at ari hele fikhalogo wulakfagain halok he, hat ap Kaisar hemberek enggawe mene lego. Palek mene heogoin o,” iluk yagatukwama,

KISAH PARA RASUL 24:5

Ap yi nen he, afuni weagerinabik nugunem, obabut palho. It afuni ap Nasaret mene a'nogo ombo'ne lili'lagwi mene inoe kain logolik he, afuni Yahudi mene o yi awi ti awi welagaikharek mene mondogat inendawimo kagalik nikho.

IBRANI 11:36

Nen, ekhe re, afuni inane aik weak asegen wogisigik, yei inoatik, inenggi hele warogo kwelakfisigik,