NEHEMIA 13:17 - Allah Wene Fano Wene Hupla Inane

¹⁷ A'nogo hilingiti lagaukwa ma re an nen it ap Yehuda mene melalinafi lagaukwa mene omanogo wenagisikhi logolik he yi'nogo isigi, ”Yago, hiren linggene Sabat sambul a'nogo emetfegepsik hilingiti lagep ari re hinonggoragepsiga, hit hinendawimo nen weak hilingiti lago lek iluk anggegepsigen inafe morue a'luk welageba?

NEHEMIA 13:17 ပူးပေါင်းရင်းမြစ်များ

NEHEMIA 13:11

A'nogo isasigisik he an nen it ap inogogwi kaindek omanogo inoba re, ”O TUHAN Awi yi hesanggema leisarek oma nenahalok,” iluk wenagisasigi. A'nogo wenagisasigisik an nen he it ap Lewi inap inom, it musik hilingitarek inap inom, omanogo wolinafigisik he, nekhengge yabu hilingiti logoni iluk yagaisasigi.

NEHEMIA 13:16

Nen, it ap Tirus inap fenakwe o Yerusalem werek mene omanogo nen he ikan inom, Yi mene ti mene amu mene inom linggene Sabat sambul afuni Yehudi mene inoba onggo wanugun nen iluk waluk waga lagaukwaat.

NEHEMIA 13:25

A'nogo ikhi lagaikhama re an nen it wenagisasigisik he homan ikfisigiat. Nen it fenare inebe yei inoatirik inesinggen kwanirogo lirisigi. A'nogo hilinginafirik an nen it inoba ikhi logolik he, ”Nit ninebe inom, nit ninagainafuri inom, afuni amu mene inom, yugunat woginafi logogun mondok lek, iluk Allah enu palogo humbuk palini,” iluk yagaisigi.

NEHEMIA 5:7

an nen ninggi'nogo hilingisiok iluk fanorogo ebethigi. A'nogo hilingitigisik he an nen it ap inogogwi kaindek omanogo inom, afuni melalinafi lagaukwa mene omanogo inom, inoba ikhi logolik he, ”Hiren he it hinagaila'lak mene hinomameba sebelinarek welagep!” iluk yagaisasigi. A'nogo yagaisigirik he an nen wene andi faget ninggi'nogo hilingisiok iluk he afuni inebe abirengge inom wene ninane misik seberogo masuogeluk kabogetugu.

AMSAL 28:4

Ap sa nen wene melalek sebelogo fugu halok he aren ap weak mene inebikhit a'luk inili woginabi'lago. Nen, sa nen wene melalek higithogo hilingitu halok he aren ap weak mene inom minggirik werek.

YESAYA 1:10

Hit Yerusalem mene hinogogwi fethinarek mene hinom he afuni o Sodom Gomora mene inobabut wanhigipsik welagebo. Nineisena Tuhan en wene yagahisikherek mene andi furogo holfuluk he nit nineisena Allah nen wene yaga hisikherek mene andi fanorogo wanhi logoni o.

YEREMIA 13:18

Tuhan nen an noba ikhi logolik, ”Raja inom at agaisa inom takhta ba re mahkota ebe mene at ungguloba puksegengge a'nogo waganogo pikhenggere hurek werek oba andoma nen puakhogo yagaisan o.

YEREMIA 5:5

Arigini'mo re Tuhan Allah nen wene ikherek mene inom, At amolo anggikherek mene inom andoma re it ap inogogwi kaindek andoma nek he inelu werek enggere an nebe it inoba lambik nane masi layok. A'nogoba nen it mondogat he Tuhan nen yagaisikherek mene faget inabit welagik, nen iren Tuhan ane hologo hilingisu inabit welagik agaregat andi.

YEHEZKIEL 20:13

Oba nen he o leimo ilinga pirimse'ma andoma nen ogore iren An nane sagalha. Iren An nawene melalek omanogo sagal figik, yi'nogo hilingi'no ti'nogo hilingi'no iluk An nen yagaisasigi mene omanogo hologo nek hilingitu mene re ineluk mondok logogun iluk yagaisasigi mene a'nogo sebelogo figik aga. Nen ekhere iren he inenggi Sabat mene a'nogo mondok emerogo faga. Andiba re o leimo ilingage pirimse'ma andoma nen he na'mage it inoba figirik inebe legetfisagain iluk wenggelogo fesigi.

IMAMAT 19:17

It afuni ekhe faget hit weak hilingitep hanogo nen he, it ekhe hinom weim palek hangge welagep mene andi, inoba ambumet fuluk logogun mondok lego. We, sagalogo legetfikhi logogun o.

MIKHA 3:1

Hit afuni Israel mene hinogogwi kaindek yi, An nen wene igin andi hinesanggo fanorogo holini o. Hiren he afuni wene fanorogo halinabu hinelu logoligenat he,

MIKHA 3:9

Yago, hit ap kaindek afuni Israel mene inobaget welagep hinap yi sani, an nen nane igin mene andi re furogo holini o. Hiren he afuni inawene katokhogo palinafi'legengge hilingfisikhi logolik, agaumhogo re weak mene nek hilingfisikhi lagep.