NEHEMIA 13:15 - Allah Wene Fano Wene Hupla Inane

¹⁵ Lingge andem oba an neil isasigi re afuni Yehuda mene nen linggene Sabat a'nogoba afuni fenakwe anggur agai perelhigik keralhi lagaukwa. Nen, it ekhe amu mene nen ogo gandum inom anggur inom anggur enggen inom, e ara enggen inom yi mene ti mene amu mene re it inangge keledai amboloba liak fuluk he o Yerusalem waluk waga lagaukwa. A'nogo hilingitunem isigirik an nen nane menfikhi logolik he, ”O Yerusalem oba yoma hiren onggo palhi logogun lego,” iluk wene palhigi.

NEHEMIA 13:15 ပူးပေါင်းရင်းမြစ်များ

2 TAWARIKH 24:19

A'nogo inoba fesikhesik he, At Tuhan en it At ane yagaisikhi lagaukwa mene nabi omanogo nen he, it afuni nen Tuhan obaget enek hilingiti logouwageluk, komorinabi loageluk lakfisa laga wagaukwaba nen he, it afuni holhu mene omanogo nen inesanggo holu inabit mondok welagaukwa.

NEHEMIA 10:31

Nen it ap pok mene andoma nen it inangge gandum inom athe, inangge ekhe mene inom, ninenggi sabat oba ogo inenggi wesa ekhe hokho meneba ogo, onggo wilik wagu halok he niren it inangge andoma onggo wanhi logogun mondok lek. Tahun falfaligen wela'luk sabit meneba re niren yabu wanhi logogun mondok lek, nen ninombalegengge werek mene ogore obali'mo feni iluk yagaisikhi logogun mondok lek.

NEHEMIA 10:32

Tahun hundik-hundik andomaba re o TUHAN aiba andoma hilingitu mene faget onggo palhi logouwageluk nit ninebe lombogen ninangge perak 5 kilogram en higik kabogeti logogun.

NEHEMIA 13:16

Nen, it ap Tirus inap fenakwe o Yerusalem werek mene omanogo nen he ikan inom, Yi mene ti mene amu mene inom linggene Sabat sambul afuni Yehudi mene inoba onggo wanugun nen iluk waluk waga lagaukwaat.

NEHEMIA 13:21

A'nogo nogogunem an nen it inoba yagaisikhi logolik,” Hit he we elalin an oma nenangotu werek kwelek hinoba nen o wei ili'lago yoma ri! Hinelurogo hiren ekhe inom a'nogo hilingituat logogun halok he at nen hilinghinabigin mene ekhe werek!” iluk isigi. A'nogo isigi andiba re iren linggene Sabat sambul a'nogo re waga lagaukwa mondok lek.

NEHEMIA 9:29

A'nogo telinafi logolik, wene haren komotninafigin wene andi hologo hilingiti logouwageluk, inenggali warogo komorinafi lagagin andi. A'nogo meneat he, inonggwaregen fogerakhikhi logolik, wene komotninafigin wene andi herakfisikhi lagaukwa. It afuni ekhe nen wene komotninafigin wene andi hologo hilingitunem haren fano inelugerinafendek meneat he, iren a'nogo herakfisikhi lagaukwa. It inungguloak mondok helep hangge logolik, inendawimo nen seramet fuluk, inesanggo furogo holhi'lek, higithogo hilingiti'lek, hilingiti lagaukwa andi.

AYUB 39:12

Nen, haren he, yi mene ti mene yakfegen mene enggen palek waluk we'luk, e enggen sagalogo folhendek oba andoma aren andogorogo hobagauwagaluk enggiba fouhak nogo? Elo'lego.

MAZMUR 50:7

Yago, hit An nagainafuri mene yi sani, An nane ikhi lagi mene hinesanggo fanorogo holini o, Hit Israel hinap yi hineilhanem fageti logolik he, Hit hineisena Allah re An nebe aro, An he hit hineisena Allah welagi.

KELUARAN 31:12

At Tuhan nen he it afuni inunggulenu Israel mene inoba

KELUARAN 31:16

Hit hinunggulenu Israel mene nen he, linggene andi faget wene mondok-mondok logogin mene wat-wat agagumo re, fanorogo serogo logolik esinet fikhi logogun.

KELUARAN 34:21

Hit hinenggi falfaligen andi re yabu wanhi logogun. Mene athe, hinenggi sabit mene andi re, hinenggingge ekhe wanugun mondok lego. Yabu hokho lak fuluk inom, enggen palhu sambul inom, hinenggi sabit mene andiba re, wanhi'lek weat mondok logoino o.

KELUARAN 35:2

Hinenggi falfaligen andi re yabu hilingiti logogun mene faget werek, oba nen he, hinenggi sabit mene andiba re set walogo weat logogun oba hilingi'mo lingge andi re Tuhan faget horek mene logogin. Afuni ekhe nen inenggi Sabit mene andiba yabu hilingitu halok he ebe pinggi wasugun.

AMSAL 28:4

Ap sa nen wene melalek sebelogo fugu halok he aren ap weak mene inebikhit a'luk inili woginabi'lago. Nen, sa nen wene melalek higithogo hilingitu halok he aren ap weak mene inom minggirik werek.

YESAYA 58:13

Tuhan nen ikhi logolik, ”Linggene Sabat sambul andi re, Tuhan awi Horek mene iluk esinet fikhi logoni o. Linggene andiba re, hit hinoggwarek mene faget hilingiti logou fuk. Linggene andi re An nobaget tegelogo fuluk hinagaiyekhogo andogoti logoino. Nen linggene Tuhan nen mene andi legeisogo fikhi logolik he yi kwe ti kwe laga logou fuk, hineabu wanhik, hinane we hesangge matik, ikhi logou fugat.

YEREMIA 17:24

An nen hilingi'no iluk yagahisikhi lagi mene andoma hologo hilingiti logoni. Hiren linggene sabit mene andiba re hinasungge salmakhaluk o kota ari kwe ampe palekwe andoma nen wulibi la fuk. Hiren linggene sabat sambul andi re An nobaget enogo fuluk logoni. Nen hiren linggene andi sambul hinenggingge iluk ogo ekhe wanu fuk.

YEREMIA 17:27

Oba nen he hiren An nane hologo hilingiti'lek, linggene Sabat mene andi An nobaget enogo figi'lek, nen linggene sabat mene andiba kwe ambe palekwe andi nen hinasungge salmakhaluk wulibi lagik hilingiti logogun halok he, o Yerusalem kwe ambe palekwe andoma inom ap raja ebe were'ma andoma inom An nen endu oba mondogat foumo re endu andi re nagulu elo'lek logogin o, iluk ikhe yagaisano,” isikhe.

YEREMIA 42:19

Andi nen an nen nane ekhe ikhi logolik, ’Tuhan nen hit yagahisikhi logolik he hit fena o Yerusalem hineluk welagep mene oma re o Mesir la fugo,’ ikhe. Andiba re an nen yogondak hit wenggeluageluk

YEHEZKIEL 20:13

Oba nen he o leimo ilinga pirimse'ma andoma nen ogore iren An nane sagalha. Iren An nawene melalek omanogo sagal figik, yi'nogo hilingi'no ti'nogo hilingi'no iluk An nen yagaisasigi mene omanogo hologo nek hilingitu mene re ineluk mondok logogun iluk yagaisasigi mene a'nogo sebelogo figik aga. Nen ekhere iren he inenggi Sabat mene a'nogo mondok emerogo faga. Andiba re o leimo ilingage pirimse'ma andoma nen he na'mage it inoba figirik inebe legetfisagain iluk wenggelogo fesigi.

AMOS 8:5

Hit hinonggwarek hinendawimo nen anggikhi logolik he, ”Yago, niren Hari Raya faget ebetu mondok logolik welago mene yi re, mondok aninu weak oma re agwi. Nit he no gandum enggen omanogo onggo hunira hak he linggene ebeti lago mene yi weak-weak kobok ili'lago lek omari. Niren ninangge onggo hunirugu mene erorasugun enggere ki sambul linggene Sabat mene andi kobok igin nogo? Niren henarogo hilingitik ilirengge enggin waletu meneba nineranhogo lalinafik, ninane nen awia labelogo onggo heligik, hilingiti logoilo mene agwi.

MIKHA 6:3

Tuhan nen a'nogo hinoba hikhibet hisikhi logolik yi'nogo ili'lago, ”Nagainafuri e, An nen he, hit hinoba ninggi'nogo hilinghinafimo nen nogo? An nen wene ero kiba weagethinafigi nogo? Wene onggo yagane'ni o!

KISAH PARA RASUL 2:40

Wene ebe a'nogo uanat ikhi logolik he, ”Afuni inobabut weak hilingiri'lagwi mene yoma, Allah nen wene inoba fagain mene andi, herakfisaluk hinonggwaregen telano o,” iluk komorinafikhe.

KISAH PARA RASUL 20:21

An nen afuni Yahudi mene inom, Yunani mene inom, komothinafi logolik he, weak hilingiti lagep mene herakfisaluk, hinobabut hebelasimbik he, hinelokhe Allah wogo'ni o. Wogosimbik he, hinendawinggen Tuhan Yesus oba himbiret fuluk logobagaigeluk yagahisikhi lagi andi.

GALATIA 5:3

Hit ekhe hinagap hinenggalimo mene palhinabuageluk, it ekhe inayonggo fogoin halok he, hinebe lombok hobuk komothinabik. A'nogo palhinafu halok, wene Allah nen komotninafikhe wene a'nogo herakfisigi'lek mondogat higithogo hilingiti logogun o.

EFESUS 4:17

An nineisena Tuhan ninom hundik logolik, aren yagahisa hak wene yi komorogo yagahisak. It afuni endakwe mene inobabut hilingiri'lagwi andi hak, hit hinobabut a'nogo hilingiti logogubo. It andi, we tulemat mene oba ebeti logolik he,

ULANGAN 8:19

Nineisena Tuhan Allah oba hinonggoragi'lek eberek mondok logolik, hinendawimo nen hunogoat mene faget, nineisena ebe andiat iluk fogeratik, hinebe at amingmingengge hilinglagik ugubo. A'nogo meneat he, hiren fogeratep halok, At nineisena Tuhan nen hinebe mondok legethinabigin, iluk hinendawimo eberek logoubagaigeluk yogondak yagahisigi andi o.

1 TESALONIKA 4:6

Andi mene faget higithogo hilingiti logolik he, hinerugwi hinagaila'lak ineil salogo inagagwi inaguni mene pailak fakfisogoin lego,” iluk Allah endawimo nen a'nogo anggaluk yaganisikherek andi. A'nogo ikherek andi nen, attagat niren ikhi logolik he: ”It afuni pailak a'nogo fakfisagarek mene halok, ninoe Enupogoren wene inoba fagain werego,” iluk, ninghogo komothinafugu andi.