NEHEMIA 12:39 - Allah Wene Fano Wene Hupla Inane

³⁹ Andoma logalhugusik he, nit he Pintu Gerbang Efraim agarek kwe andi nen he kwe ekhe enu Pintu Gerbang Lama agarek oba a'nogo lagosik, kwe ekhe Pintu Gerbang Ikan agarek kwe andi nen Menara Hananeel oba andoma lagosik he Menara Seratus oba nen he pikhit Pintu Gerbang Domba ba andoma huli logali lagagu. A'nogo logalhugusik he esa niren mene a'nogo re Gerbang Penjagaan were'ma agarek oba nen o TUHAN Awi wuri'mo horokhogo andoma ninabolok lek asi lagagu.

NEHEMIA 12:39 ပူးပေါင်းရင်းမြစ်များ

2 RAJA-RAJA 14:13

A'nogo hilingitukwama re at Yoas nen he raja Amazia fakfesikhesik o Yerusalem kwi lagaukwasik leget pa'leget waganek mene a'nogo re kwe ambe o Efraim mene werekwe kwikhi lagaukwa mene a'nogoba nen he kwe unggutmo hilingik mene a'nogo huli 200 meter en uanhogo andoma meisak langkukhogo hilingfesukwa.

NEHEMIA 12:40

A'nogo asi lagagumo re ap wuni ugu inap esa pire aremnogo re hilingirik-hilingirik o TUHAN Awi wuri'mo horokhogo omanogo asi lagaukwa. Esa an ninom laga lagagu mene a'nogoba it melalinafu mene omanogo werek kwelek oba nen he,

NEHEMIA 3:1

Ap Imam Agung Elyasib inom at agaila'lak inomen o kota Yerusalem a'nogo leget pak leget kwe ambe enu ekhe Pintu Gerbang Domba ikhi lagaukwa mene a'nogo, kwe pakhot inom, nekhengge halogo wutukwasik TUHAN obaget enogo fesukwa. Nen, iren he leget pak leget a'nogoba nen he o eil yathogo wurik lagaukwa mene enu Menara Seratus a'nogoba nen he ekhe enu Menara Hananeel a'nogo huli andoma re mondogat pugunhogo wutukwasik TUHAN obagat enogo fesukwa mene re ebe yi'nogo yi:

NEHEMIA 8:16

A'nogo yagaisilik lagaukwama, it afuni omanogo e enggisok sombol higik wani lagaukwasik waluk wagaukwa. A'nogo waluk wagaukwasik, it inebe mondogaren o sabu andi it inawi wurik o tum oba inom, inawi silikwe inom, o TUHAN awi silimo elokhoma andoma inom, obalik kwe ambe palek enu Pintu Gerbang Air ikhi lagaukwaba horogat andoma inom, Obalik ekhe enu Pintu Gerbang Efrayim ikhi lagaukwaba andoma inom, wurik lagaukwa.

YEREMIA 31:38

Tuhan nen ikhi logolik, ”Inenggi ekhe asi wesigin oba re o Yerusalem elonggo mondogat helep oba wurogo liabek mene menara enu Hananeel oba nen he pikhit kwe ambe enu Pintu Gerbang Sudut ikhi lagaukwa huli andoma mondogat An nonggwarek nawi kota a'nogo ambotkwe wusugun.

YEREMIA 32:2

Andem sambul he tentara Babel mene re o Yerusalem pin kwi wagu kwelek. An nebe re raja Zedekia nen he an noba hikhip hikhi logolik, haren Tuhan nen yi'nogo ikhe, ”Raja Babel he An nen obokhogo lakfisamo re o kota yiba sebeli wesimbik logogin.

ZEFANYA 1:10

Tuhan nen ikhi logolik, ”Linggene andi sambul he, o enu Gerbang Ikan iluk enu salogo werek oba andoma nen le asugun mene inesanggo holugun. Nen, afuni le arik kugu mene re o sili ket halogo kugun oba andoma nen holugun, nen o wurik meisalhigik pugu mene abolok he mondok hokhorogo hilingitunem o tom-tomkwe andoma tung-tung ilaga logogin.

YOHANES 5:2

O Yerusalem andoma re, leget paleget ambe palek ekhe enu domba anggwe agarek mene era'lu i mogo ekhe it afuni Ibrani mene inaneba enu Betesda agarek mene yenggelek welagaikhe. I mogo andi era'lukwe yiling-waling andoma re, o sabu 5 nen fano wurik were'ma.