NEHEMIA 10:39 - Allah Wene Fano Wene Hupla Inane

³⁹ Afuni Israel mene inom it ap Lewi inaben inom he o TUHAN Awi wurik oba yi mene ti mene fugu mene werek oba omanogo iren hundik-hundik fikhi logogun mene re: gandum inom, anggur inom, Zaitun amusu inom, senggele'ma andoma fei laga logogun. Nen iren fei laga logogun oba andoma re it ap imam yabu hilingiti logolik werek mene inom, o TUHAN aiba kwi laguba kagalek werek mene inom, wuni watu mene inom, werek oba andoma fikhi logogun. Nit he o nit nineisena TUHAN Aiba andi fi-furogo hilingiti logogun, niren ekhe taganet fikhi logogun mondok lek,” iluk hombuk palhukwa.

NEHEMIA 10:39 ပူးပေါင်းရင်းမြစ်များ

2 RAJA-RAJA 7:10

A'nogo isukwasik, inambotkwe o Samaria wagaukwasik, ap o kota leget pa'leget kwe ambe palek oba kagalek welagaikhe mene a'nogoba mel yagatukwa: ”Nit ninebe ap tentara Siria mene inawi tenda wuri'mo lago mene re, ap inebe mondok le'ma, we, inanggo kuda inom, keledai inom, kombi kelik mene kelik welagabaat were'ma hogo, nen inawi tenda wurik mene, wurigat were'ma hogo aro,” iluk inane hokhorogo yagatukwa.

2 TAWARIKH 31:11

A'nogo isikhemo re at raja nen wene melalek oba re, nomolo mene waluk wagaukwa mene inom, yi mene ti mene waluk wogisa wagaukwa mene omanogo inom,

2 TAWARIKH 31:12

fuguba faget o Tuhan Awi wurik era'lukwe omanogo o gudang yi mene ti mene fugukwe wurik lagaukwa. A'nogo wurik lagaukwasik he ap Lewi mene misik ekhe enu re Kona andi nen halhi logouwageluk menfesikhesik he at agot Simei a'nogo re at lebethugu mene iluk fesikhe.

NEHEMIA 12:47

Nen, at Zerubabel welagaikheba ogore afuni Israel mene nen he it ap wuni ugu inap inom, nen o TUHAN Awi wuri'mo kwi laguba ebekhalem kagalek welagaukwa inap faget ogo yi mene ti mene kaboge'luk it inenggi ekhe sambul-ekhe sambul nunggu mene faget wogisikhi lagaukwa. It afuni holhu mene nen he ap Lewi mene yi mene ti mene enogo fuluk wogisugunem he it ap Lewi inaben ogore it ap imam omanogo it wogisikhi logogun iluk werek mene higithogo nek wogisikhi lagaukwa.

MAZMUR 122:9

Nit nineisena Tuhan Allah, awi wurik andi alisikhogo, Yerusalem fano mondok logouwageluk, Allah ayonggo fikhi lagi o, iluk wuni watikhe.

BILANGAN 18:26

wene melalek yi ap Lewi mene inoba yagaisano: Afuni Israel mene nen Tuhan faget 10 mene fugu menere hit mene agunem, hiren omanogo mene An nobaget 10 mene enogo fuluk wo'neti logogunat.

BILANGAN 18:30

Hiren andi mene mondogat woge'luk enek he fena minggilik mene andoma hit helikhi logogun, andi re it ap yabu wanhu inaben An wo'netu mene tak waluk we'lugen, it mene tindel agunemen hobuk helagarek a'nogo hakhogo hilingiti logogun.

ULANGAN 12:17

Hit hinaiba logogun oba andoma nen he, gandum inom, anggur enggen palugun mene inom, minyak zaitun amusu keralugun mene inom, hinenggi wenagaisogo 10 ba asi lagu halok, 9 nen hinonggwarek faget fakhaluk, ekhe misigat Allah faget fisogoin mene andi fisigik, nen hinanggo sapi, kambing, domba, eak attak tasigin mene andi ekhe fisigik, nen, hiren he, An nen Allah faget yi huli ti huli wogoti logogin iluk wenagaisogo fogoin mene andi higithogoat fisigik, nen, hinendawinggen nenat yi mene ti mene at faget fisogoin mene andi fisigik, fisalugen hiren Allah faget fisogoin mene andi hinailokwe ninggi logogun mondok lego.

IBRANI 10:25

Ninoe enggi welagi'legat wesigin iluk ninelu andi nen he, nit andogotunem it ekhe kamo agarek andi hak, nit kamo igi'lek he, oba ebet-ebet nit-nit ninendawinggen ago warogo komo-komo ikhi logouwogo.