NEHEMIA 10:38 - Allah Wene Fano Wene Hupla Inane

³⁸ Oba nen he it ap imam hun Harun ambisangma mene nen niren nomolo mene iluk fugu mene omanogo andogotu halok he it ap Lewi mene ekhe ineisomarogo kabogesi laga logogun. A'nogo kabogeluk he it imam omanogo nen nomolo mene fugu mene omanogo re yi mene ti mene fuguba senggelekwe omanogo fei lagunem it ap Lewi inaben waluk he o TUHAN aiba omanogo fei laga logogun.

NEHEMIA 10:38 ပူးပေါင်းရင်းမြစ်များ

1 TAWARIKH 9:26

Oba nen he, it inebe enggaminogo inogogwi kaindek welagaukwa mene aremnogo nek he femhogo yabu hilingiti lagaukwa. It andi nen he Tuhan Awi wuri'mo elonggoma ambe palek mene omanogo halogo figik, ekhe mene ekhe mene o elonggoma andoma werek mene omanogo halogo figik, hilingiti lagaukwa.

NEHEMIA 13:31

Nen, ekhe an nen he e mezbah wurogo fei waga logouwageluk melalfisigik, nen afuni nen kweang oba nen enggen ugu attak-attak palhu mene waluk fei waga logouwageluk yagaisigik, hilingiti. A'nogo hilingitirik an nen kofokhogo samban ikhi logolik he, ”Neisena Allah, abirengge oma faget ebet haluk he Haren fanoabet nobagain o, neisena,” iluk samban igi.

IMAMAT 27:30

Hinanggweang oba nen enggen ugu mene inom, gandum inom, yi agayo-ti agayo enggen mondogat inom ogo, hiren helaluk misik 10 mene andi re Tuhan faget fikhi logogun.

BILANGAN 15:19

Hiren ambi o kweang andi oba enggen ugu omanogo nunggu mene erora'luk halok he, fena re hiren Tuhan wogetu mene iluk amu enogo fikhi logogun.

BILANGAN 15:21

Hinenggi mondok-mondok andomaba re roti gandum attak-attak palogo weratu mene andoma re hiren Tuhan wogetu mene faget iluk amu enogo fikhi logogun.

BILANGAN 18:21

Tuhan ane Harun oba yagati logolik, ”It afuni Israel mene nen 10 mene An nobaget fugu mene andoma re An nen it ap Lewi mene wogisikhi logogin. Andi re iren An nobaget An Nawi Sabumo andoma yabu hilingiti logogun mene faget inangge helikhi logouwageluk wogisigi.

BILANGAN 18:24

it faget inalolegengge logogin mene re An nobaget afuni Israel mene nen enogo fuluk wo'neti logogun mene andoma wogisigi andi. Ma re it ap Lewi mene faget An nen ikhi logolik afuni Israel mene inoba andoma it inalolegengge mene ekhe logogin lek igi andi.” iluk yagatikhe.

ULANGAN 14:22

A'nogo yagaisasikhesik, ekhe yagaisikhi logolik,” Yi tahun ti tahun hundik-hundik hit hinanggweang oba nen enggen ikhinaferek mene a'nogo sogo mene hit aga logolik nomolo mene halok he enogo fikhi logogun.