NEHEMIA 10:31 - Allah Wene Fano Wene Hupla Inane

³¹ Nen it ap pok mene andoma nen it inangge gandum inom athe, inangge ekhe mene inom, ninenggi sabat oba ogo inenggi wesa ekhe hokho meneba ogo, onggo wilik wagu halok he niren it inangge andoma onggo wanhi logogun mondok lek. Tahun falfaligen wela'luk sabit meneba re niren yabu wanhi logogun mondok lek, nen ninombalegengge werek mene ogore obali'mo feni iluk yagaisikhi logogun mondok lek.

NEHEMIA 10:31 ပူးပေါင်းရင်းမြစ်များ

2 TAWARIKH 36:21

At Tuhan nen nabi Yeremia bene nen wene ikhi logolik he, ”Iren he tahun-tahun Sabat a'nogoba fogerati legengge nek hilingitu nen he o Yerusalem oba inom, Yehudaba inom andoma 70 tahun andi re kweang iringik mondok logogin,” iluk isikhe aple a'nogo higithogo hilinglagaikhe.

NEHEMIA 13:23

Inenggi welagagu andem huli an nen ekhe isasigi re afuni Yehudi mene inebe hokhorogo inagagwi inunggulenu Asdod mene inom, Amon mene inom, Moab mene inom, woginafukwama isasigi.

NEHEMIA 13:27

Hit he hinailo lekhogo Allah ane sagalhigipsik hemi inunggulenu amu mene woginafigip. Andi re mondok weak hokho mene hilingitep andi!” iluk yagaisigi.

KELUARAN 12:16

Hinenggi 7 nen logouwogeluk attak logogun andiba inom, hinenggi 6 en wela'luk ekhe andiba inom, hinebe misi'mo andoget fuluk, An fogetnafi logoguno o. Hinenggi andem oba logolik he, hinenggingge ekhe wanhi'lek, we, sumburu nogoin mene nek werakhigik, tegelogo fikhi logoino o.

KELUARAN 20:10

A'nogo meneat he, o hinenggi misik sabit oba andi nek he, An hineisena Tuhan nonggwarek nawi hilingi'mo re, set walogo weat logoino o. O andi sambul he, hit hinebe nen inom, hinagainafuri nen inom, hinamingmingengge mene nen inom, afuni ap pok mene hit hinaiba welagaikharek mene nen inom, hinanggo nen inom, hinenggingge ekhe wanugun mondok lego.

KELUARAN 34:16

Hiren hinagainafuri inagagwi afuni endakwe mene ina'logomi mene igisogoin halok he, it hemi andi nen he, hit Allah obokhogo herakfisaluk nit ninandugwi kembu mene fogerati logogun o, iluk inendawimo kagalumo An obokhogo heraknobagaluk wulibugun andi nen he, a'nogo igisikhi logogubo.

YESAYA 58:6

Lego! Inambe heang fuluk welagaikharek andi ebe An namolo mene re yi o: Ap enggin-fenggin inoba fisugunem werek mene andoma lologo fisigik, higithogo hilingitu le'ma anggolo hurane hagarek mene andoma lologo fisigik, ap sebelogo ferinarek welagaikharek mene fikhalogo wulakfisigik, agarek mene andi nek he An namolo re andi o.

IMAMAT 16:29

At Allah nen a'nogo yagatikhesik, ekhe mel yaga'no isikhe: ”O tugi hinenggi wenati logolik, tugi 7 mene tanggal andiba re, An nonggwarek nawi andi nen he, afuni Israel mene inom, afuni endakwe mene it inaiba welagaikharek mene inomen he, sumburu ninggi'lek logolik, inenggingge ekhe wanhi logogun mondok lego. O andi sambul he, afuni Israel mene inebe fano inoba horek logouwageluk, it weak hilingita mene mondogat andi An nen horogo legetfisoageluk a'nogo hilingiti logouwak. Hilingiti logogun mene wene palogo figi andi hologo higithogo hilingitu mondok logouwago.

IMAMAT 23:21

Yi mene ti mene An nobagakhi logogun sambul andi re, hinenggingge hokhorogo wanhi'lek, An nobaget hilingisuogeluk hinebe andogoti logoino o. A'nogo andogoti logouwageluk igi andi re, hiren tagomangge mene inebe, we, o koma it logogun kwe lombogen, andoma mondok higithogo hilingirik laga logouwago.

IMAMAT 23:3

Hinenggi 6 en pelabek andi re, hiren yi mene ti mene wanhi logombik, hinenggi sabit meneba re, An hineisena Tuhan nonggwarek faget weat set walogo logoino o. O andi sambul he, hinebe we o koma ogo, logogun lombok logolik, hinenggi ekhe wanhi'lek hinebe misi'mo andogorogo An nobaget enek hilingiti logoino o.

MATIUS 6:12

Afuni nen nit weaget ninafa mene, niren sebelogo legetfisogo andi hak, nit weak hilingito mene haren sebelogo legetfisano o.

KOLOSE 2:16

Andi nenat, it afuni ekhe nen he: ”Sumburu, i, yi mene nenggarek mene ti mene nenggarek lek mene,” igik, ”Mo yiba pugu halok, tiba lagagu halok, yi'nogo hilingisu mene,” igik, ”Tugi folelhu halok, yi'nogo hilingisu mene,” igik, ”Inenggi Allah faget weat logolik, yi'nogo hilingisu mene,” igik, ugu kwelek, hit hesangge hilingitunem wene andi mene faget wene hinoba fogoin lek.

YAKOBUS 2:13

Hiren afuni hinendawirinafi'lek halok Allah nen he, endawit hinafi'lek wene hinoba fagain aro. Menere, afuni ekhe inendawirogo welagaikharek mene andi Allah nen inanema wanhi logolik wene inoba fagain lego.