NEHEMIA 10:29 - Allah Wene Fano Wene Hupla Inane29 ”Ninebe mondogat ninogogwi kaindek ninom lambukhogo logolik Allah enu hombuk palogo mel ogo: Allah nen komotninafikhe wene, at amingmingengge Musa yagatikhemo aren yaganisasikhe wene andi hologo higithogo hilingiti logogun. ”Yi'nogo hilingiti logogun,” iluk Allah enu hombuk palogo ogo andi hilingiti'lek halok, Allah nen homan ninobagauwago. Nineisena Allah nen, yi'nogo hilingi'no ti'nogo hilingi'no, iluk komotninafikhe wene andi mondogat hologo higithogo hilingiti logogun, iluk at enu hombuk palogo ogo andi,” iluk isukwa. အခန်းကိုကြည့်ပါ။ |
NEHEMIA 10:29
38 ပူးပေါင်းရင်းမြစ်များ
An neisena ba Haren wene wareti logolik he, Hat hambisangma mene nen, haren hilingiti lagen hakhogo, An nawene melalek a'nogo hologo nek hilingitu halok he, mondok-mondok andoma ap misik ekhe hat hambisangma mene nen afuni Israel mene inobaget raja mendek logolik melalinafi logogin, iluk yagatigin. Nit afuni Israel mene nineisena Tuhan Allah, yogondak he Haren hamingmingengge an neisena Daud andiba wene waretigin mene andoma mondogat tiphogo nek hilingfein o, neisena.
A'nogo ikhi lagaikhama re an nen it wenagisasigisik he homan ikfisigiat. Nen it fenare inebe yei inoatirik inesinggen kwanirogo lirisigi. A'nogo hilinginafirik an nen it inoba ikhi logolik he, ”Nit ninebe inom, nit ninagainafuri inom, afuni amu mene inom, yugunat woginafi logogun mondok lek, iluk Allah enu palogo humbuk palini,” iluk yagaisigi.
It ap o TUHAN Awiloba yabu hilingiti lagaukwa mene inunggulenu lombok ineisok erokwe mene lombok huginabi lagaukwama andoma nen wagaukwa mene inenu palek he yi: Ziha, Hasufa, Tabaot, Keros, Sia, Padon, Lebana, Hagaba, Salmai, Hanan, Gidel, Gahar, Reaya, Rezin, Nekoda, Gazam, Uza, Paseah, Besai, Meunim, Nefusim, Bakbuk, Hakufa, Harhur, Bazlit, Mehida, Harsa, Barkos, Sisera, Temah, Neziah Hatifa inom andem wagaukwa.
Allah ayonggo a'nogo fesukwasik he, iren mel isukwa: ”Nit afuni Israel mene nen, yi'nogo hilingiti logouwok, iluk lisu palogo fogosik he, ninogogwi fetninarek werek mene inom, ap Lewi mene inom, Allah eisewerek mene ekhe inom, en inenggi amusu fouwageluk yagaisogoma inenggi amusu mondogat faga andi,” iluk isukwa.
An namingmingengge Musa nen wene yagaisikhi lagaikhe mene omanogo wenggelhikhi logoino. Wene melalek inom, wene yi'nogo hilingi'no, ti'nogo hilingi'no iluk palek werek mene omanogo inom, it afuni An nagainafuri Israel mene inebe mondogaren hologo hilingiti logouwageluk attak tom Sinaiba nen wogetigi mene omanogo ebethikhi logoino.
At Barnabas andi, obabut fano logolik, endawinggen Yesus oba himbirik mondok were'ma re, Allah Areagun endawimo peterek welagaikhe andi nen, lakfei wagaukwama, wagaikhesik eilenggen isasikhesik, endawimo nen he, ”Allah obabut fano nen fano hilinginafemo werek higi,” iluk endawimo agaiyek anggikhi lagaikhe. Endawimo agaiyek anggasikhesik he, ”Hit mondogat hinendawinggen Yesus oba eberogoat himbiret fuluk, at hinom hundigat mondok logoino o,” iluk komorinafikhe. Komorinafi lagaikhemo, afuni hokhorogoat Tuhan Yesus werekwe lambuk isukwasik inebe sik-pik ikhi lagaukwa.
A'nogo herakfisaluk wulifikhe meneat he, it afuni ekhe at oba andogosi lagaukwasik he, ”Wene andi eberogoat,” iluk inendawinggen Yesus oba himbiret fesukwa. It andi ekhe enu Dionisius, it ap kaindek o Areopagus andi inom andogoti lagaukwa mene. Nen, he ekhe enu Damaris, nen, it ekhe inomat a'nogo inendawinggen Yesus oba himbiret fesukwa.
Mene re, haren wene it aga andi, hologo hilingitun. Ap inebe 40 nen, ekhe inomat, logoligen Paulus ebe wasuogeluk weim abok agasik elokhoma salek logogun aga o. Iren he, Paulus ebe wati'lek logolik, sumburu inom, i inom, ninggi'lek logombik, arat wato halogen nogoin o, iluk hombuk palhasik werek. A'nogo logolik, yogondak iren he, wene aren onggo ninggi'nogo yaganisagain, iluk yetharek werego,” iluk yagatikhe.
ကြော်ငြာတွေ