NEHEMIA 1:6 - Allah Wene Fano Wene Hupla Inane

⁶ An nen hagainafuri Israel mene faget o hup hundik, lingge hundik, nane hoba liakfei waga lagi andi, heilenggen neambik he, nane hesanggo holino o, neisena. Nit afuni Israel mene weak hilingitugu andi. Nen an nebe inom, nombalak inom, weak hilingituguat andi o, neisena.

NEHEMIA 1:6 ပူးပေါင်းရင်းမြစ်များ

1RAJA-RAJA 8:47

iren Hat kino yagahetunem, inane hesanggo holhi logoino o, neisena. O it hele warogo woginarek logoin oba andoma logolik, iren he, nit Allah ane sagalogo hilingito andi weagat hilingito, iluk inobabut hebela'luk kino yagahetu halok, inane hesanggo holhi logoino o, Tuhan neisena.

2 TAWARIKH 28:10

Afuni Yehuda mene inom, Yerusalem mene inom, omanogo yogondak hiren hinamingmingenggeap eregepma re, hirogo At hineisena Tuhan Allah eilhanem weak hilingito lek iluk anggegepsik hilingiti lageba? Hiren hilingitep andoma re weak meneat hilingitebo.

2 TAWARIKH 29:6

Nit ninombawi nen Tuhan oba tiphogo hilingiti legengge hilingitik, At Tuhan endawimo anggikherek lek mene nek hilingitik, hilingiti lagaukwa. A'nogo hilingiti logolik he iren at oba fut figi'legengge re, At ebe were'ma a'nogo hesanggema teisal figik, hilingiti lagaukwa.

2 TAWARIKH 6:40

Neisena Allah o, yogondak o ya nen niren samban Hat hoba kino yagaheti lago mene andi hesanggo holiluk, fut ninobagain o.

EZRA 10:1

Andi iluk at Ezra a'nogo Tuhan Awiba elokhoma aremnogo nen inaweak fakhogo le aga logolik samban ugu kwelek he, it afuni Israel mene a'nogo inebe hokhorogo, ap inom, hemi inom yenggerugwi magendek mene inom, kabogesi wagaukwasik at ebe tulem haningisogo kwelakfesukwasik he inane kwi-kwerogo le agaukwa.

EZRA 10:11

Ariginik enggere At Tuhan Allah nit ninambu-ninombalagen apne wanhi lagaukwa mene a'nogoba hinaweak fakhogo herak fembik he, At endawimo agaiyek anggikherek mene nek hilingiti logolik he, it afuni endakwe mene nit ninanggweang yiba werek mene andoma hinom huniti lek logolik, hinagagwi inunggulenu endakwe mene woginafigip mene andoma re mugusogo wulak fisano,” iluk yagaisasikhe.

NEHEMIA 1:11

An nen ogo, hamlogomi fenakwe inebe mondogaren ogo, ninebe mondogen hat agaukhogo fogethafi logouwogeluk samban hayonggo fikhi lago mene andi, ninane hesanggo holin o, neisena. O yogondak he, an hamingmingengge nebe ninoe raja oba lagain enggere, aren endawit nabuageluk endawimo kagalin o, neisena,” iluk samban oba Allah ayonggo fikhi lagagi. Andem oba re, an nebe raja agai nunggu mene faget yi'nogo hilingisugun ti'nogo hilingisugun, iluk lenggalhu logolik, Allah ayonggo a'nogo fikhi lagagi andi.

MAZMUR 106:6

It ninambu ninombalagen hilingiti lagaukwa higithogo nit mondogat weak hilingito, niren he mondok kwanirogo nek hilingitik, Hat hawene melalek sagalogo hilingitik, ogo.

MAZMUR 130:2

Tuhan neisena, an nane hesanggo hol nabimbik he an nen kino yagaheti mene andi futnobagain o.

MAZMUR 32:5

Namusu a'nogo palhu were'ma, hobuk nendawimo ebetigisik, an weak hilingiti lagagi mene ekhe sebel figi'lek, fakhogo neisena heilhanen fugunem, an weak hilingiti lagagi mene mondogat Haren sagalogo leget fisasigin.

MAZMUR 34:15

Inobabut weak hilingitarek mene andi agaiserogo herakfisaluk, fano mene nek hilingiti logoino o. It ekhe hinom lambul fuluk, hinebe fano seberogo welagaikharek mene andi, hinomamerogo hilingiti logoino o.

MAZMUR 55:17

Oba nen he, an he At Allah oba nane hombuk palhu welagirego, nen At Tuhan nenat an nebe telnabigin o.

MAZMUR 88:1

Wuni it inunggulenu Korah mene inawuni. It afuni wuni wulak fuluk ugunem yanggulinafu mene faget, wuni unggulenu: Mahalat Leanot awi Ezrahi mene andi nen yagaisikhi lagaikhe awuni.

YESAYA 6:5

A'nogo hilingigen he an nen ikhi logolik, ”Egi, an nambeba re weak mene nek ikhi lagi, nen nebe ogore afuni ineranen wene nek agarek mene omanogo inanggele'ma welagi hilingi'mo re, weaget nabiginat higi! iluk ebetirigen, ariginik welagiba nen At Tuhan Omame Mondok Hokho logolik, ebe Raja werek a'nogo an neilenggen nen tukhumhogo arat higi omare agwi,” iluk igi.

RATAPAN 5:7

Nit ninambu ninombalak weak hilingitukwa mene re yogondak it inebe werek lek, oba nen he it inaweak hilingitukwa meneba yogondak nit ambisangma hikhi lago.

DANIEL 9:15

Tuhan Allah nineisena. Hat henggi omameba hagainafuri o Mesir en woginarek wulibi wagagin andiba henu ekhema-ekhema mondok wialarik lagaikhe andi. Meneat he, nit ninobabut weak hilingitik, kwanirogo hilingitik, ogorek andi o, neisena.

DANIEL 9:20

An nen Allah ayonggo a'nogo fikhi logolik, an nonggwarek inom, afuni Israel ninunggulenu misigat mene inom, ninomen Allah ane sagalogo weak hilingitugu mene omanogo fakhogo herakfisaluk, Tuhan Allah onggwarek awi meisalhukwa mene andi hobuk ambotkwe obulu'mo wusuagaluk kino yagati.

DANIEL 9:4

A'nogo neisena Tuhan Allah ayonggo fikhi logolik he, afuni an ninom ninunggulenu misigat mene ninomen Allah ane sagalogo weak hilingitugu mene andi fakhogo fikhi logolik, mel yagati, ”Nineisena Allah henu hokho andi nen, nit Hat ninailorogo logolik fogethaforego, neisena. Hagainafuri nen, haren, Yi'nogo hilingiti logoino, ti'nogo hilingiti logoino, iluk komotninafigin wene andi higithogo hilingiti logolik, hebe inendawirogo welagaikharek mene andi, haren inebe hendawirinafu mondok logolik, wene warogo ninebe wo'ninafigin mene andi higithogoat ferinarek welagik, egendegaro, neisena. Meneat he, nit hat hawe a'ma lombokhogo logou ninabiren he, hane sagalogo weak hilingitik, kwanirogo hilingitik, ikhi logolik, Haren, Yi'nogo hilingiti logoino, ti'nogo hilingiti logoino, iluk komotninafigin wene andi, hane lisu palek oba louksek hilingiti'lek herakfisaluk, hunogo mene faget hilingitugu andi o, neisena.

DANIEL 9:8

Ap nit ninombalagen inom, ninogogwi kaindek raja omanogo nen inom, ninogogwi kaindek ekhe nen inom, hat hane sagalogo weak mondok hilingiti lagagu andi nen, ninenggali hikhi lago andi.

LUKAS 18:7

Andi hangge, at Allah nen againafuri wenagaisogo fisasikhe mene halogen linggene hubanggo inane ninghogo ayonggo fugu halok he, elele woginabigin lek nogo? Inane konhi logombigen, hobuk halok elele woginabigin nogo?

LUKAS 2:37

sogwe fesikhesik oba nen, at ebe umur 84 tahun mondok yaman agaikhesik welagaikhe. Logolik enggi ekhe sumburu ninggi'lek ambe heang fakhasikhesik Allah awi wuri'mo andoma linggene hubanggo abit agi'lek samban mondok ikhi lagaikhe.

EFESUS 2:3

Attagat nit mondogat it hilingiri'lagwi hagat hilingiti lagagu. Ninobabut afuni inobabut inetogat logolik hilingitarek hak hilingiti logolik, ninoba aigage lagagunem weak hilingitik, ninendawimo anggaluk weak hilingitik, ikhi lagagu. Andem sambul he, afuni inobabut inetogat logolik hilingitarek ninom higirat were'ma, Allah a'mage lagaluk he, weagetninabigeluk welagaikhe.

1 TIMOTIUS 5:5

Mene re, hemi sogwe eberogoat afuni ero it mene le'ma inalegat logolik he, ”Allah nenat lebe'nisagain,” iluk, inendawinggen at oba himbiret fuluk, linggene hubanggo ayonggo figik, kino yagatik, ugu mondok welagaikharek.

2 TIMOTIUS 1:3

An nombalak Allah awe a'ma logolik, inonggwarek inendawinggen misigat fano logolik, at faget hilingitik, fogeratik, ikhi lagaukwa hak, an a'nogoat hilingiti logolik, hat hoba mondok eberegat, hat faget linggene hubanggo samban ugu mondogat logolik, Allah hai wati lagi o.

1 YOHANES 1:9

Mene re, nit weak hilingito mene fakhogo fogoin halok, at obabut higit mondok logolik, wene wa'nisikherek hagat hilingiterek andi nen he, nit weak hilingitorek mene sebelogo legetfisaluk, weak hilingisuogeluk ninendawimo ebetorek mene sobalninaferek.

1 SAMUEL 15:11

”At Saul An hera'nobagaluk wulifesik, An nen, yi'nogo hilingi'no, iluk yagati mene nane hologo hilingiti'lek andi nen, afuni Israel mene inoe raja menfigi andi nambigen e, iluk anggigi o,” iluk yagatikhemo, at Samuel endawimo weak agaikhesik he, hundik-handik nineisena Tuhan oba limamit falogo yagatu mondok welagaikhe.