NAHUM 3:9 - Allah Wene Fano Wene Hupla Inane

⁹ It afuni Tebe inaben he, o Sudan inom Mesir inom sebelinarek were'ma re iren sebelinarek werekwe andoma re huli-huli warek legengge logolik, it Libia inap inom Put inap inom he yi wene ti wene hilingisuogeluk inebe misik sebe iluk hilingitarek.

NAHUM 3:9 ပူးပေါင်းရင်းမြစ်များ

KEJADIAN 10:6

At Ham en taginafikhe mene re Kush, Mesir, Libia, Kanaan inap inom

1 TAWARIKH 1:8

At Ham againafuri re Kus inap inom, Mesir inap inom, Libia inap inom, Kanaan inap inom andem. It inebe mondogat he afuni inunggulenu it inenu andem ebene ikhi lagaukwa mene andoma inombawi.

2 TAWARIKH 12:3

lagaluk weim yabik lagu mene re inebe 60.000 nen inom, it sikhe fisogo inap esa-esangge mondok wenasu elo'lekhogo inom, it Libia inap sikhe fisogo inap inom, Suki, Sudan mene inom, wagaukwasik o Yerusalem pin kwi wagaukwa.

YESAYA 20:5

Afuni Sudan mene inoba himbirik mene inom Mesir faget inawonok agaikharek mene inom inendawinggen heiselambik he fanotninabigin iluk eberek logogun mene a'nogo alomat lasigin.

YEREMIA 46:9

Hit kuda yoma re uarek lani o! Hit kereta re hinomamerogo laga logoni! Ap o Sudan mene inom, Libia mene inomen, ap sikhe hinenggi pagat weak mene tok peigengge waluk laga lagep hinap inom he weim yabi lani. Nen hit ekhe o Lidia kweang oba mene ap sikhe hinenggi puk mene andoma ogo lani aro ili'lago, ikhe.

YEHEZKIEL 27:10

Ap sikhe fisogo inap o Persia mene inom Lidia mene inom Libia mene inom he, tentara haren meneba kwi wagaikha. Iren he inandok kwe palengge inom inunggul topi baja inom omanogo re hat haiba leget pa'leget waganek mene omanogoba kolhigik faga. Iren hat haselei mene omanogo inomame leget fisouwogeluk lebethafik, henu hokhot hobagagik, aga.

YEHEZKIEL 29:7

Arigini'mo it inebe hat hoba himbirik were'ma, hat hebe fulokhogo it inomolo lekwe lagagunem, it inambot sombologo nonghong ugun.

YEHEZKIEL 30:5

Weim andi yafi logolik ap sikhe fisogo inap leberinabuageluk woginabugun oba nen hokhorogo wa'lasugun mene re it afuni, o Sudan mene inom, Lidia mene inom, Libia mene inom, Arab mene inom, Kub mene inom, andi nen An nunggulenu mene ogo wa'lasugunat,” ikhe.

YEHEZKIEL 31:2

”Afuni wa'lagaikharek mene yi re, An nen wene yi'nogo ti'nogo iluk ikhi lagi mene yi raja Mesir mene oba inom afuni mondogat inoba inom yagaisan: Ibi eberogo nen hat he henu werek welagen! Hat hinom walha mene ekhe werek lek!

YEHEZKIEL 38:5

Raja a'nogo re it Persia mene inom Sudan mene inom Libia mene inomen sikhe fisogo mene omanogo inom uluk-uluk laga logolik, it inebe lombogen he karok inom, topi helep baja mene inom waluk lili'lagwi.

DANIEL 11:43

Aren he, it Mesir mene inangge emas, perak inom nen inangge onggo hokho mene fenakwe inom, telogo helagain. A'nogo hilingitunem he, at he ap o Libia mene inom, Sudan mene inom inomen lebethogoin.