NAHUM 3:7 - Allah Wene Fano Wene Hupla Inane

⁷ a'nogo hilinghobagaumo re, afuni hat hebe ineilenggen hiikhi logogun mene nen he, hagaiserogo laga logolik, yi'nogo ikhi logogun, ”Niniwe a'nogo re, o meisalek enek kabogikhe o! Ap sa nen at obaget fong wasigin nogo? Afuni at endawimo konu mene re ekhe werek lego,” ikhi logogun isikhe.

NAHUM 3:7 ပူးပေါင်းရင်းမြစ်များ

YESAYA 51:19

Hat he unggum ero pire mene hoba wesigin: Weim yafi logolik he hawi sili lilibukhogo leget fogoin, nen hagainafuri holhu mene re sumburu ouwagen mondogat wa'lasugun. Aben hat helagaik were'ma lebethafik, hendawinggen ago watfigik, hilingitu mene ekhe logogun lek.

YEREMIA 15:5

Tuhan ane ikhi logolik, ”Yago, hit afuni Yerusalem oba welagep mene re sa nen hit hinoba endawit hinabigin nogo? Hit hinobaget endawinggen heiselu hak mene re sa nogo? Hit hinoba hilingik welagep mene heinok wokhinabigiluk he sa hinambit wesigin nogo?

YEREMIA 50:18

Andiba re An Tuhan Nomame Mondok Hokho mene, Israel mene ineisena Allah a'nogo nen he raja Nebukadnezar ebe inom anggweang inom he An nen raja Asyur mene unggum wogetigi andem higithogoat hilingisigin.

YEREMIA 51:9

Ap pok mene o andoma werek mene ekhe nen ekheba ikhi logolik,” Niren he Babel telugun iluk hilingito, oba nen he aninurato! Enggere niren o kweang ari herakfuluk nit ninaggweang lombok logoin andi re fano. Tuhan nen Babel oba unggum mondok omamerogo wogetesik mondok wolelenggenhogo hilingfikhe o, ikhi logogun,” ikhe.

RATAPAN 2:13

O Yerusalem, kota Sion nendawi hundik mene yi, hat hebe wolelenggenhogo hilinglagen mene andi re i laut yenggelek esanggo mondok wurilik welagarek andi hak agen o. Hat hendawimo konogo iluk An nen ninggi'nogo yagahesu hak anggegen? Hat enggin hikhi lagen ari hak mene enggin a'nogo haga mene ekhe werek le'ma, hat hilingik welagen mene andi eberogo nen he ap ekhe nen halogo hobagaumo re elo'lego.

NAHUM 1:1

Allah nen afuni Niniwe mene inoba wene yi'nogo yagaisano iluk nabi Nahum awi Elkosh agun a'nogo abikanggoba yagatikhe mene re yi.

ZEFANYA 2:13

A'nogo hilingfisambik he, At Tuhan omameba re, Asyur wolelenggenhogo fagain. O kota Niniwe re, afuni inareng tiring-terengse'ma lei enek pirimse'ma hilingisogo fagain.

BILANGAN 16:34

It afuni Israel mene andoma welagaukwa mene omanogo nen holhugunemen he, ”Heise lani! Nit ninebe kweang en pilnisageluk ili'lago!” ugunem inesanggo holhukwasik it omanogo heise longgo isukwa.

WAHYU 18:10

Obaget le a'nogo aga logolik, ”At weagetfikhemo heinet wari'logo andi, nit ninom weagetninafunem heinet wathanogo,” iluk inailo nen inebe yatma mendek logolik, le yi'nogo aga lagaikha: ”At Allah nen, hit afuni o Babel mene hinomame hokho a'nogo re, we, misigam fagerat wene hinoba fuluk weagethinafe andi, eige, hweing,” iluk le aga lagaikha isigi.