NAHUM 3:11 - Allah Wene Fano Wene Hupla Inane

¹¹ Hat Niniwe yi. Hat ogore, hebe lugulugwi palimbik hafe mosigin. Nen, haren ogore, it haselei mene inoba nen polokhogo wulibigin iluk hilingisigin aro.

NAHUM 3:11 ပူးပေါင်းရင်းမြစ်များ

MAZMUR 75:8

Oba nen he, At Allah amu nenat inawene pilingisogo ayo wurinabigin. Arenat it ekhe sebelfisigik, nen ekhe legeisogo fisigik, igin.

YESAYA 2:10

Iren he Tuhan a'mageba nen inom nen At omame mondok hokho meneba nen inom hina'lasugun iluk he, oumokwe helep hokhondek mene a'makwe kwigik, kweang habulogo pogolema kwigik, ugun o.

YESAYA 2:19

O Tuhan ebe menlasimbik kweang yelandi kwelandirisagain sambul andi re Tuhan Aniniba nen inom At Omame mondok hokho mene a'nogoba nen inom inoba feinogoluk afuni andoma re oumokwe helep hokhondek mene a'makwe inom, kweang pogolema andoma inom hina'lasi kwimbik logogun. O andi asi wesigin sambul andi re kembu perak mene inom, emas mene inom iren hilingiraluk apne wanharek mene andoma re hesanggema linisamo paik inom, kundik inom, nogo i kwikhi logogun.

YESAYA 29:9

Afuni ineilenggen puk mene welagaikharek andi hak hinetokhogo hineilenggen mumat logoni! Lugu-lugwi palhi logogun oba nen anggur agai naluk he fuk. Nen, talo-talonggerik laga logogun oba nen he e arah amusu keralek naluk he fugat.

YESAYA 49:26

An nen it hit hinaselei mene andoma inoba mep en inafekwe lugu-lugwirogo hilingfisamo re it-it wat-wat logoin o. A'nogo hilingisugun andiba re yi afuni ti afuni mondogaren, An hineisena Tuhan logolik, telhinafirek mene, Allah Yakub agap telhigi mene, nomame mondok hokho mene a'nogo hinelu asugun o.” iluk ikhe.

YESAYA 63:6

An na'mage mondok het-pet ili'lago andiba, afuni inunggulenu lombok neisogen al piril-perelhogo pinggi inoatirik inamep he kweangma kweisal isigi o,” iluk ikhe.

YEREMIA 4:5

O kweang mondogat andoma bene trompet ane futhani! Hinane hokhorogo kwe'ni. Afuni Yehuda mene inom Yerusalem mene inom he, weak-weakhogo o kota agap telogo helep leget omamerogo waganek oba omanogo loageluk yagaisani,

YEREMIA 51:57

An nen he ap pemerintah Babel mene inobaget yabu hilingiri'lagwi mene andoma inom, ap Babel mene inendawinggen wenggelek inap andoma inom, inogogwi ferinarek mene inom, inasikhe fisogo mene inom he lugu-lugwit fisagain. Andiba re it ekhe menlagi'lek mondok mondogat nogokhi logolik logogun o, iluk An nen mondogat igi. An nebe re Raja, Tuhan Nomame Mondok Hokho welagi mene a'nogo.

YEREMIA 8:14

Allah againafuri nen ikhi logolik, ”Nenahalok niren o yoma hurek-hurek mondok logogun nogo? Nit he o kota leget omamerogo waganek oba a'lima nogo lambik logouwogen we'ni o. Nineisena Tuhan Allah nen he nit ninebe lek akhoak iluk wene mondogat tekhogo ikhe. Niren At oba weak hilingitugu andiba ninebe wa'lasuageluk Aren arik weak mene noageluk wo'nisikhe.

HOSEA 10:8

O Betel punuba kembu awi wuri'mo afuni Israel mene nen fogerari'lagwi kwe andoma mondogat wolelenggen isogoin. Iren mezbah wurik mene ebene andoma re engga inom alok-alogengge inom wulibigin. A'nogo wulifunem iren inane tom andomaba kweti logolik, ”Nit salninabime o,” igik, nen punu-punukwe andomaba woleti logolik he, ”Nit sebelninabime o,” igik, ikhi logogun.

AMOS 9:3

It heise poloksek tom Karmel ungguloba lagambik hina'lasugun mene ogore, An nen it inebe heraginabimbik inebe fakfisagain o. Nen, it inebe i laut yenggelek a'ma ma'lima hina'lasi pugun mene ogore, An nen kisu Naga i laut oba welagarek mene aigen palinabuageluk yagasigin o.

MIKHA 7:17

A'nogo logolik, it inebe kisu hak a'luk kweanggwe pololangerik lagik, nen inalaburen seragap warik lagik ikhi logouwak. Nen, it inebe inailo nen inoak leigetik, inebe werek oba omanogo nen wulibi we'luk nineisena Tuhan Allah hambit waga logogun o, neisena.

NAHUM 1:10

Hat Niniwe yi re, hat he engga iringik mene inom, alok-alogengge solu-salarogo hilingik mene inom endumo nolharek andi hak nolhabugun.

NAHUM 2:1

Yago, hit Niniwe hinap yi hinesanggo holini o! Hit weaget hinabugun mene re mondogat asi wagaikha! Hiren hinaleget hinebe hinoasinogoluk waganek mene andoma fanorogo kagalek logoni! Ebekhalem kagalek logolik he, weim yabugun mene fik-fouge'ni.

LUKAS 23:30

Andi sambul afuni nen he, ninebe alperelninabigin iluk he, tom hokhondek mene yagatik, ninebe sebelogo ninobagagin, iluk tom magendek mene omanogo yagatik, ugun o.

1 SAMUEL 13:6

A'nogo wusi wagaukwasik, afuni Israel mene inoasuogoluk mondok hilingisu elo'lek inailo mene kwi wagaukwa. A'nogo kwi wagaukwama, afuni Israel mene mondok ninggi'nogo hilingisu heat hilinglagaikhe. A'nogo hilinglagaikhemo, it ap Israel mene inebe logalegat oumoukwe inom, tom oba kiling elekwe inom, helep honggolekwe inom, i mogo habulikwe inom, kweang anggwe folelekwe inom, hina'larik lagaukwa.

1 SAMUEL 14:11

A'nogo yagatikhesik, it inebe ap Filistin mene o pos kagalek welagaikharek oba a'nogo were'ma inugisasukwama re, it ap Filistin mene nen mel isukwa: ”Yethani, ap Ibrani mene inebe helep anggwe folelekwe hinago weregengge wulibi wagaikhasik a'li,” iluk isukwa.