NAHUM 3:10 - Allah Wene Fano Wene Hupla Inane

¹⁰ A'nogo hilingitarek oba nen he afuni o Tebe werek mene re hele warinarek fisa lagaikharek oba andoma fisa lagaikhama werek. Kwe esanggokwe omanogo nen he it inagainafuri mondogat yei warogo inebe pinggi inoata. It inogogwi kaindek he posiemanggen meneba hele warinafasik he it ap hele warinafa mene omanogo inebe lombok sumbut lagaikha.

NAHUM 3:10 ပူးပေါင်းရင်းမြစ်များ

2 RAJA-RAJA 8:12

A'nogo le agaikhemo re, at Hazael en heinok woghikhi logolik, ”Noe nenahalok le aga lagen?” isikhe. A'nogo isikhemo at Elisa nen he, ”Haren afuni Israel mene inoba mondok weak mene hilingfisagain mene andi an nelu logolik le aga lagi o. Haren he it inawi kota leget omamerogo waganek mene omanogo endu nolhik, ap souge ebendek mene mondogat inoatik, omalik fou mene inunggul kweangma al perelogo fisigik, hemi inomalik ina'marek mene inalabut kwe pelanginafik, hilingisigin mene andi faget le aga lagi o,” iluk yagatikhe.

AYUB 6:27

Hiren he it yenggerugwi suarek mene a'nogo inom helebenggen walhaluk he, it inelagaik anggigi'lek engge hilingiti lagep, hit hinare hinom hundik meneba nen ogore, hit hinenggi werek asugun iluk henarogo lalhi lagep.

MAZMUR 137:8

Hit afuni o Babel mene re, yi enggin ti enggin hilingninafi lagagip onggo, nit ninunggulmo ninobagagun mene nen, inendawimo inagaiyek asuago.

MAZMUR 137:9

Hit hinagainafuri re, it afuni ekhe mene nen woginabimbik, punu helep unggulkwe pelak fisogoin mene andoma nen, inendawimo inagaiyek asuago. iluk wuni watukwa.

MAZMUR 149:8

nen it ap raja-raja omanogo inom, it inogogwi inenuwerek omanogo inom posiemanggen oba hele warinabugun iluk hilinginafik,

YESAYA 13:16

It inonggwarek ineilenggen kwelaginarek werek kwelek inomalik fou omanogo alperel isigik, inaiba omanogo telogo heligik, inagagwi omanogo inomameba pailak hilinginafik ikhi logogun.

YESAYA 13:6

Tuhan Omame Mondok Hokho mene Awi leget fisagain sambul a'nogo arat horogasi wagama andi nen he le aga logoni.

YESAYA 19:4

Mesir he, An nen ap raja obabut mondok weak mene nen ferinarek logouwageluk enggiba fagain o, iluk An Tuhan Nomame Mondok Hokho mene a'nogo nen nane mondogat igi,” iluk ikhe isikhe.

YESAYA 20:4

Raja Asyur mene nen he o kweang pire andem oba afuni andoma hele warogo sebelogo fisambik he inebe inalfulukwa kogouk hilingfisambik lirinarek lagain o. Yaman mene inom, souge mene inom mondogat he inasu laberek legengge ineisok agut kwelabek legengge inalele weinam-weinam o Mesir mene sebel fisikhi logolik enegenggerogo iluk a'nogo lirinarek lagain andi.

RATAPAN 2:19

Hit hinendawimo anggikhi lagep mene andoma Tuhan oba fakhogo yagati logobagaigen he enu hombuk palhi logolik, ekhe sambul ekhe sambul hup enggen tulem hineluk aga logoino o. Hit hinagainafuri sumburu nele nen kwe unggut-unggut andoma inafe mori'lagwi andi faget he Aren endawit hinabuageluk, oba kinoti logoni o.

RATAPAN 4:1

Emas eil tibelenggeri'lago mene yi nogo re hobuk eil lombugikhe, helep o Allah Awi wuri'mo omanogo molulukhogo ebekhe kwe telfol ikhe.

YEHEZKIEL 29:7

Arigini'mo it inebe hat hoba himbirik were'ma, hat hebe fulokhogo it inomolo lekwe lagagunem, it inambot sombologo nonghong ugun.

YOEL 3:3

A'nogo hilingiti logolik, iren inamingming engge asuogeluk, An nagainafuri fakfisaluk he, sa asigin iluk, oagengge walhigik, inamingmingengge hilingfisigik, nen onggo it ekhe inoba paligik, uang andi re hemi hesangge hilinginafu mene faget fikhi logogun iluk heligik, ina'logomi tugum mene ogo inamlogomi souge mene ogo onggo paligik, nen uang a'nogoba re iren anggur agai faget onggo hunisugun igik, hilingiti lagaukwa. A'nogo hilingiti lagaukwa mene andi faget he wene inoba fagain o.

AMOS 1:13

Tuhan nen ikhi logolik he, ”It afuni inunggulenu Amon mene re hundik-handik weagenek hilingitu weregen he, eberogoat An nen wene inoba fagain o. Iren it inaiba wilayah omanogo hokhorogo wialasuageluk hilingiti logolik, iren hemi o Gilead hemi ineagwi ina'ma mene inalabut pelanghigik inoata andi.

OBAJA 1:11

Afuni selei mene nen o Yerusalem kwe houwak isaluk kwikhi logolik, o kota andi sebelogo fugu sambul he, hat hebe yatma mendek logolik heil fuluk welagagin. Nen, iren o Yerusalem oba andoma yi mene ti mene mondogat hogouk eraluk laga logolik it-it omanogo sumbut-sambathogo helugu kwelek he hane igi'lek welagagin andi. Hat he it selei mene andoma hinom he tagansek lek, hinom higit welagen.