NAHUM 2:8 - Allah Wene Fano Wene Hupla Inane

⁸ Afuni Niniwe mene re i helage palek mene huthugunem houwakhogo lagarek hak it inebe telfol ili'lagwi. A'nogo hilinglagunem afuni nen inane ikhi logolik, ”Po'logoni, po'logoni!” iluk ili'lagwiba nen he, it ekhe nen sugulogo wesure inabit mondok werek.

NAHUM 2:8 ပူးပေါင်းရင်းမြစ်များ

KEJADIAN 10:11

Andoma nen at o Asyur lagaikhesik o it kota Niniwe inom Rehobotir inom Kalah inom,

YESAYA 13:14

No rusa aben mugusogo longgo ilagarek hak athe domba ap halhu agun le'ma nalek-falek ikherek hak, ap pok o Babel werek mene re hobuk inambotkwe mugisogo inawi lombok hela logoin.

YESAYA 38:14

An nane re mondogat wonghogo pilagarik omame le'lek lagunemen, sue mulugen ane nginuk ane ugunem hangge hilinglagari'mo nen. An neilenggen pogoroba liabek-liabek he neil ou nabi'logo o, Tuhan neisena enggin mene ariba nen fikhalogo nobagain o.

YESAYA 47:13

Eige hat he enggin hokho mene hoba welagen andi re komo wene hokhorogo yagaheri'lagwi andi nen o. It andoma re pogot unggut-unggut ineil kogolik lagaikharek inaben inom, hesagal enggen obabut palharek inap andoma nen inom, tugi ket meneba hat hoba yi'nogo hilinglasigin iluk husumbi yagaheti lagaukwa inap andoma nen inom, hat hoba wesimbik he hagap telogo hobagauwageluk yagaisano.

YESAYA 48:20

O Babel andoma nen weak- weak wulibi lan o, Wene ari yikwe tikwe andoma sagarogo yagaisilik laga logoino o. Tuhan nen he At amingmingengge Israel mene a'nogo mondogat inagap telogo fisikhemo iluk mondok hinagaiyek oba hinanggilukhogo sagarik laga logoino o!

YESAYA 59:11

Nit he ninailo nek a'luk ninendawimo heiselhunem welago o, niren higithogo hilingitarek mene herati lagoba nen were'ma hikhi lago lek, ninagap telhu mene faget eberek welagoba nen we tulemat hilingiti lago.

YEREMIA 46:5

Oba nen An Tuhan nen isikhi lagimo re, it inabel fena-fena mondogat wesa polanhogo hilingirik wagunem he it omanogo inailo nen sugulogo wagunem isikhi lagi. Tentara it mene inomame legetfisugunem he ineilenggen inambotkwe yetlasi lagi'lek heise pugulik pagalik lili'lagwi.

YEREMIA 47:3

Iren he wam kuda eisok abolok ugu mene inom, kereta kilit samok erik lagu mene inom, roda abolok folongum-folongum lagu mene inom holugun. Afuni inaluendek mene re inomame legasimbik he inagainafuri inoba ekhe eberisogoin lek.

YEREMIA 50:16

Afuni nen o andoma yabu wanhik, enggen ugu palhik, ikhi logouwageluk herakfisa fuk. Ap pok mene o kweang andiba werek mene mondogat he ap tentara inoba inailo nen it inanggweang lombok inawi eroma logoin o,” ikhe.

YEREMIA 51:13

O kweang andiba yi mene ti mene mondok hokhorogo were'ma re agai lagarek mene andoma ogo hokhorogo werek, oba nen at eluk werek mene ogore arat lek aga, nen ebe legasigin oba ogore arat asi waga.

YEREMIA 51:30

Tantara Babel mene re weim yafu aple herakfisagasik he o inamu tegele'ma inalele himbirik oba omanogo kwagasik werek. It he, inailo lek hilingitarek mene a'nogo longgo ikhemo re inoak nonggok ikhemo werek. O kota bene kwe hokho ambe palek mene omanogo re afuni nen langguk isaluk kwi wagaikha, nen o wurik he mondogat endu faga.

NAHUM 1:1

Allah nen afuni Niniwe mene inoba wene yi'nogo yagaisano iluk nabi Nahum awi Elkosh agun a'nogo abikanggoba yagatikhe mene re yi.

NAHUM 3:17

Nen, it inogogwi kaindek mene inom ap inenu werek mene inom he pulue sogoi en leget pa'leget waganek ebene hina'lagarek oba nen mo lakfei wagunem it inebe tathigik lagunem he, aben ogo koma lagaikha iluk futfisagarek lek andi hakhogo asugun.

WAHYU 17:1

A'nogo higiri'mo nen ombo'ne re, it malaikat inebe 7 nen Allah a'mage i hak hinago waluk kweisalha mene omanogo mene ekhe wagasik mel yaganete: ”It afuni o kota Babel mene, he kain yanani nilik nikherek mene hangge andi, i hokhondek mene esanggoma were'ma, ap kaindek inenupogot kweangma mene nen at pailak hilingitik, afuni ekhe nen anggur enggen amusu nunggu mondok logolik, lugulugwi palharek andi hak, afuni kweangma mene nen at pailak hilingitu mondok welagik, agarek mene andi, Allah nen, he andi wene oba fembik ebe weaget feigeluk aweim kabelhe mene yagahesigen eme o,” iluk yaganete.

WAHYU 17:15

At malaikat a'nogo nen a'nogo yaganetesik, ekhe mel yaganete: ”At he yanani nilik nikherek mene hangge andi, ebe kain welagarek oba i hegen andi ebe re, afuni mondogat inunggulenu lombok, inagap lombok, inawi lombok, inane lombok mene heilenggen isegen o.