NAHUM 2:5 - Allah Wene Fano Wene Hupla Inane

⁵ Ap sikhe fisogo inap omanogo weim yabi we'ni iluk wolinafunem wagu sambul inom, iren ap inoasugun iluk kwi lagu sambul inom he, it ineisok a'lip sulukhogo talori'lagwi. It he inebe hale'legengge o kota leget pa'leget wagane'ma omanogo asi laluk he, iren o pin tali kugungge a'nogo weak-weak inenggi omamerogo tamakhogo lakfisogoin iluk fougeri'lagwi.

NAHUM 2:5 ပူးပေါင်းရင်းမြစ်များ

YESAYA 21:5

An nen ekhe hugunemen he pesta perjamuan hilingisuogeluk he ap pok mene hu'lasugun oba foukhogo hilingik were'ma higi. Andi nen he iren inagai inom, inamburu inom, ninggi logolik were'ma nen he ferekhogo aremnogoat wene ekhe yi'nogo ikhi laga, ”Yago, hit ap weim yafi lagep mene yoma sani! Hiren tok peigengge omanogo fik-foukhogo hilingi'ni o!” iluk ikhi laga.

YESAYA 5:27

It inebe re weim yabuogeluk inoba liklouksek logolik, inaberali agi'lek, nen nogo igi'lek, nogo ineilinafi'lek welagaikharek inap.

YEREMIA 46:12

Hit hinebe nenggalirogo hilingik welagep aple omanogo re ap inunggulenu amukwe mene nen mondogat inelu agaikha o. Hiren hinane kweti lagep mene re o kweangma welagaikharek mene nen mondogat holi'lagwi. Ap tentara ekhe nen he ekheba tungeti logolik it inebe seberogo kweangma warogo hulamberi'lagwi.

YEREMIA 50:29

Tuhan nen ikhi logolik, ”Ap ekhe sikhe inenggi puk mene andoma nen Babel oba weim sineli kuakhogo yagaisani o. Ap sikhe wanhu aple hebelek inap andoma mondogat lirinapni. O kota andiba sali laluk he ap misik iluk ekhe polokhogo wilibuageluk herakfisa fuk. Aren he An Mondok Namu Horek welagi mene, Israel mene ineisena Allah a'nogo noba mondok nonghongsek mene hilingitenggere, at obabut hilingik mene andi higithogo, nen aren hilingite mene inom hilingiri'lago mene inom andem higithogo ambisangma at oba ogo hilingfeino aro.

NAHUM 2:6

I lagu agai anggwe lagukwe mondogat halogo-halogo hutfilik lagunem, afuni it inebe raja awi silimo welagaikharek mene omanogo youk laluk he, inailo ari'lagwi!

NAHUM 3:18

Hat raja Asyur yi! Hat hagoromi gubernur he mondogat wa'lagaikha, nen hagoromi bupati re inenggi mondok-mondok faget nogoi lagaikha. hat hagainafuri afuni holhu mene re tom ebene andoma linggi-longgo agama re ap misigen iluk ogo ekhe woginarek sugulogo wesugun lego.

NAHUM 3:3

It ap kuda ba lagaluk weim yabi kwili'lagwi mene re inagaiyekhogo mondok lagunem, inenggarok he amulit mondok yabelanget higik, nen inarige re amulok kulung higik, hilingiri'lago. A'nogo hilingiti logolik, inoasi kugunem he inoatu mene andoma re wenasu mondok elo'lek, ap warek enek kabok pulong lagagunem, afuni lagu mene re inoba nen peikhogo warili'lagwi.

HABAKUK 1:8

It inangge kuda uarek lagunem he no posi hangge enu macam tutul andi eisok lek oba nen he mondok furung warogo lagarek. Nen anini re mene olomene ambe nele nen hubanggo wagarek andi obabut endebat fano hangge meneat he, it inanggo kuda andoma re obabut mondogat weak. It ap andi inaiba yatma nen kuda amboroba lagaluk uarek wagunem he sue pim en at nunggu mene hikheresik indu-wandunggwe sebeli pikherek andi hak, inoasi kwi wesugun o.