NAHUM 2:13 - Allah Wene Fano Wene Hupla Inane

¹³ At Tuhan Omame Mondok Hokho mene a'nogo nen ikhi logolik, ”An he, hit hinaselei mene welagi o. An nen hit hinangge kereta andoma mondogat endu nolhik, hit hinagoromi sikhe fisogo mene weim oba nen inoatik, nen hiren yi mene ti mene afuni amu mene inangge helikhi lagep mene andoma mondogat he An nen heligik, igin o. Nen, hiren ap yonggo lakfisikhi logolik yi'nogo kinosi lani iluk ikhi lagep mene andoma re ekhe holhi logogun mondok lego,” iluk yagaisasikhe.

NAHUM 2:13 ပူးပေါင်းရင်းမြစ်များ

2 RAJA-RAJA 18:17

A'nogo lakfisasikhe meneat he, afuni Asyur mene inoe raja Sanherip a'nogo o Lakhis logolik at agoromi tentara esa misik hokho mene logalogo fisasikhesik afuni o Yerusalem mene inoasi wesuageluk lakfisa wagaikhe. Ap tentara esa hokho logalek wagaukwa mene andi re, inogogwi kaindek perwira inebe henagan mene nen woginarek wagaukwa. It andem at ekhe re, tentara inoe panglima mene, nen ekhe re, it kaindek inagai wogisikhi lagaukwa mene inoe, nen ekhe re, raja faget kagalek nikhi lagaukwa mene inoe. It andemen woginarek o kota Yerusalem arat wagaukwasik, inebe i mogo ponggwe higit habuli'mo nen anggwe halogo lakfei wagaukwaba era'lu leimo su sobalhi lagaukwaba andoma welagaukwa.

2 RAJA-RAJA 18:19

It a'nogo inoba lagaukwama, ap tentara Asyur mene inogogwi kaindek aremnogo ekhe nen he, mel yagaisasikhe: ”Nit afuni Asyur mene ninoe raja a'nogo nen wene ikhe mene yi, at Hizkia yagasi lan o. Nenahalok hat hendawimo nen anggikhi logolik he an enek he nomame werek iluk anggikhi lagen?

2 RAJA-RAJA 19:23

Hat he foget fakhikhi logolik heranen wene egen mene hagoromi lakfisa wagenma iren ikhi logolik, Ninoe nen he yi'nogo ikhe aga: Nangge kereta weim yafu mene re mondok hokho-pokhore'ma re, tom Libanon unggul uan mene andi re an nen sebelogo figik, nen e wombi hangge enu cemara uandek-awandek mene omanogo mutik, e sin mondok fano mene omanogo mutik, ikhi logolik, engga mondok hokhore'ma tulem a'lima kwi lagi o,” iluk ikhe aga andi.

2 RAJA-RAJA 19:9

Nen afuni ekhe nen he, ”Ap tentara Mesir mene esa logalek, afuni Sutan mene inoe raja Tirhaka nen woginarek hit hinoasuogoluk weri'lagwi aga o,” iluk isukwama, afuni Asyur mene inoe raja a'nogo esanggo holhikhesik he, wene lisu palogo afuni Yehuda mene inoe raja Hizkia oba lakfei wagaikhe.

2 TAWARIKH 32:19

Iren he afuni Yerusalem mene nen Allah apne wanharek mene a'nogo re it afuni inunggulenu amukwe nen inanggembu dewa ap inenggi nen hilingfuluk apne wanharek mene hak hilingik iluk ikhi lagaukwa.

MAZMUR 46:9

At Tuhan nen elalin mene o kweangma yoma hilingiterek mene andi kwelakha we'ni!

YEREMIA 21:13

Andi nen Tuhan nen Yerusalem oba yagati logolik, ”Yerusalem, hat hebe welagen he yi'nogo: O tonggo hat hera'lukwe oma re sebelek hak werek kwelek, hat enek he legoma welagen. Hat he lei pirimse'ma erang tonggoma nen punu unggul wolonghogo liabek andi higit hilingik welagen, oba nen he An nen hat ninom wal-wal ugun o. Haren anggikhi logolik, ap misigen iluk ogo o kota yi pin kwi wagik, athe helep leget inalong palogo esiale uanhogo wagane'ma andoma molulukhogo kwi wesu lek hak anggikhi lagen,

YEREMIA 46:14

haren wene igin mene yi o kota Mesir oba andoma o Memfis inom, Migdol inom, Tahpanhes inom oba wene yi'nogo menfeino: ’Hiren fakhikhi lagep engge andoma re, weim oba nen mondogat wolelenggen isogoin enggere, hinalong palobagaigen he fik-foukhogo hilingi'ni o!

YEREMIA 50:31

Babel ao, hat he mondogat hendawimo legetfakhikhi lagen! Andiba re An Tuhan Mondok Lego Welagi mene, Allah Nomame Mondok Hokho mene a'nogo nen he hat hoasigin o. Hat unggum wokhesigin oba re arat asi waga.

YEREMIA 51:25

Babel hat hebe re tom eil nagulogo waga logolik o kweangma mondogat wolelenggenhogo fikherek hak hilingik welagen. Oba nen hat he, An Tuhan nemberek walhogoin. An nen he, nenggi pisarogo lithea wesimbik he, tom helep unggul oba nen limbil habi wesumo re endu nen nambik wul asuageluk herakhobagagin.

YEHEZKIEL 21:3

iluk An Tuhan nen nane yi'nogo ikhi lagi andi, ”An yi re, hit hinaselei mene welagi. An nenggarok lisogo wanimbik hit hinebe mondogat weak hilingiti lagep mene inom fano hilingiti lagep mene inom hinoasigiluk welagi.

YEHEZKIEL 26:3

Tuhan Lego Mondok welagarek mene a'nogo nen ikhi logolik, ”An yi re hat Tirus haselei mene welagi o! An nen hat hukhogo kwelakhabuageluk yi afuni ti afuni inunggulenu hokhorogo woginarek wesigin, it andi wesugun he i laut agum founalik lenggalik wagarek hangge hilingirik wesugun.

YEHEZKIEL 28:22

It afuni o andi werek mene inoba yagaisikhi logolik An Tuhan Lego Mondok welagirek mene a'nogo nen wene yi'nogo ikhe iluk yagaisano, ”Sidon yi, An yi re haselei mene o. An nen hat hoba hilingisigin mene andi faget afuni nen An fogetnabugun. An nen afuni haren mene andoma unggum wogisagain sambul he, iren An Tuhan horek mondok welagirek mene a'nogo inelu asugun.

YEHEZKIEL 29:10

Andiba re eberogo nen An he hat haselei mene agi andi, nen hagai Nil aselei mene agi. O Mesir oba mondogat wolelenggenhogo legetfagain, andi re kota Migdol utara fikhiren erorasimbik laga logombik he, huli o kota Aswan selatan fikhit andomaba nen, hiling-hiling he o Sudan huli andomaba hilingfagain.

YEHEZKIEL 29:3

Tuhan Lego Mondok welagarek mene a'nogo nen wene hilingisuageluk ikhe mene yi hat raja Mesir mene yagahesuageluk mimingnafi logolik yi'nogo ikhe, ”An yi re hat haselei mene welagi o, buaya hokho mene i laut obakhe tulem pourek welagen mene yi re. Hat hane nen weregap hikhi logolik i Nil andi an nagai o, an nen elalhigi mene ikhi lagen.

YEHEZKIEL 35:3

An Tuhan Lego Mondok welagirek mene nen it faget ikhi lagi mene andoma it afuni andoma werek mene inoba yagaisikhi logoin o. Afuni o Edom tomkwe welagep mene yoma re, An yi re, hit hinaselei mene welagi o! Olun hit welagepma andoma An nen mondok ulunhogo ap werek legoba hakhogo lei enek pirimse'ma hilingisogo fagain, nen hit hinawi kota andoma o meisalhigik pikhe kwe hilingfagain. Andiba re hiren An Tuhan iluk hinelu asugun.

YEHEZKIEL 38:3

At oba yagati logolik, An Tuhan Lego Mondok welagirek mene andi re at aselei mene welagi o.

YEHEZKIEL 39:1

Tuhan Lego Mondok welagarek mene a'nogo ane ikhi logolik, ”Afuni wa'lagaikharek mene yi re, Gog raja o Mesekh inom, Tubal inom oba andoma enu werek welagarek mene andiba, agut palin o. Nen at oba yagati logolik An yi re hat haselei mene o, iluk yagaom.

YEHEZKIEL 5:8

Andiba re, An Tuhan Lego Mondok welagirek mene a'nogo nen ikhi logolik, An he hat haselei mene asimbik he, it inunggulenu amu-amu mene ineil oba nen hat unggum wokhesigin o.

NAHUM 2:12

Attak he, o andoma mene singa nen senggelhu mene senggelikhi laga, a'nogo senggel fuluk he, tulukhogo mene singa he mene inom eagwi inom faget fisikhi laga. Aren he inawi wuri'mo omanogo re eino senggelek senggelherek mene omanogo nen hopot fikhi laga.

NAHUM 3:1

O kota afuni inoatik, ineranhogo wene lalinafik, nen afuni inangge hugul helaluk hoporogo fetaluk welagik, agarek awi andi re weagerinabigin o.

NAHUM 3:12

Haren haleget pa'leget waganek welagen kwe andoma mondogat he e ara enggen igisogo mondogat yugula'luk welagarek hak hilingi'mo re, enggen ugu mene a'nogo elel hugunem, ap enggen taganigin iluk lagu mene a'nogo ambelema pikhit pi waga logogin.

NAHUM 3:15

Haren a'nogo hilingisigin oba nen he hat hebe endu ninggik, weim oba nen wa'lagik, igin enggere yi'nogo ti'nogo hilingisigin mene andoma re we alomarogo nek hilingisigin. Nen, hat hebe yi mene ti mene yago mene pulue nen ninggerek hak legasigin. Nen, hat hebe re pulue esa hokhorogo welagarek hak hilingik welagen oba nen wilibu re elo'lego!

NAHUM 3:5

Tuhan Omame Mondok Hokho mene a'nogo nen ikhi logolik, ”Hat Niniwe yi re, An nen hat hoba enggin-fenggin mondogat hilinghobagagin o! An nen afuni inunggulenu ekhe mene ekhe mene inelokhoma nen hasu laberek welagen mene ari nonggol heamo re, afuni nen hat henggalimongge ineilenggen heogoin o.

YOSUA 11:6

A'nogo wagaukwama Tuhan nen Yosuaba ikhi logolik he, ”Haren it inoba hailorinabu fugo. It Israel mene inili waganogo ohealek o ya higiroba An nen inebe mondogat inoasigin. It mene inangge kuda andoma re haren eisok ombambi a'makwe tegerisilik lano, nen iren inangge kereta weim yabik lagaikharek mene omanogo re haren endu nolino,” iluk yagatikhe.

YOSUA 11:9

Yosua nen he Tuhan nen hilingi'no iluk melalfesikhe higithogo hilingitikhe. Aren he it inangge kuda omanogo eisok ombambi palfisigik, it mene kereta omanogo endu oba nolfisilik lagaikhe.