NAHUM 2:11 - Allah Wene Fano Wene Hupla Inane

¹¹ O kota a'nogo re yogondak koma werek nogo? O kota mene singa helep elema nogoikherek oba hak hilingi'mo a'nogo re koma werek? Mene singa eagwi nunggu mene wogisikherek oba, nen singa holou mene inom ai mene inom inebe misik a'luk werek oba, nen singa eagwi nen ogo inailo legengge werek oba omanogo re koma werek?

NAHUM 2:11 ပူးပေါင်းရင်းမြစ်များ

KEJADIAN 49:9

Hat he, hobabut mene aik anini mene hangge enu singa oan mene obabut higit welagen. Hobabut he, mene singa paik wa'luk aiba ambotkwe lagarek hak hilingiti lagen. A'nogo weagerinapluk haiba we'luk lagi-lagok ugunem, Hoba menggel habi wesu re, inailo nek werego.

YESAYA 13:7

Ap inebe lombok he ninenggi omame lek agama iluk anggigik, nen it inailo lek hilingiti logogun mene a'nogo longgo igik, hilinglasugun.

YESAYA 31:4

Tuhan nen an noba ikhi logolik he, ”Singa nen ninggerek engge sebelek logolik, it ap wam domba konharek mene esa logalek omanogo nen inane hokhorogo kwetu mene omanogo faget ailo agi'lek welagarek andi hakhogo re, An nen hobuk Punu Sion a'nogo faget weim yabimbik sebelogo fisogo logogin o.

YESAYA 5:29

It mene inagoromi tentara re mene singa nen at ninggeregengge ket senggelfakhaluk ane kouwaterek hak hilingiti logolik he mondok felelenghogo helaluk nanimuk ilagunem he aben ogo ekhe fakfou re elo'lek.

YEREMIA 2:15

It inaselei mene re olomene singa nen afuni heraginabik ane kwe agan wagarek higit, it inebe heraginabik waga logolik, kweang o it werek oba andoma unggul watik, yi mene ti mene mondok leget figik, inawi kota mondogat endu fatik, afuni inebe lek hilingisogo fisigik, agama inareng mondok lek werek andi.

YEREMIA 4:7

Mene singga hou salek oba nen wulibi wagarek hak, it afuni inunggulenu lombok weaget inafarek inap a'nogo it Yehuda mene leget fisogoin iluk arat wulibi wagaikhasik weri'lagwi. O kota-kota it Yehuda nen mene andoma re mondogat sinukhogo lobaget fisamo afuni werek lek oba asigin.

YEREMIA 50:17

Tuhan nen ikhi logolik, ”Afuni Israel mene re domba ulukhogo nugunem mene singga nen mugusogo telfol isugu mene hangge hilingik. It andi attak-attak he raja Asyur mene nen tak inoasi wagaikhe, andi nen ombo'nere raja Babel mene Nebukadnezar en he inoak kerephigik nawaga.

YEREMIA 50:44

Mene singa i Yordan esanggoma engga hi'mo omanogo nen siakhogo wulibi wagaresik o leikwe domba engga tekhigik nunggunem wagarek hak, An nen afuni Babel mene inoba kwi wesimbik he, ap Babel mene it inanggweang meneba nen ferekhogoat heise loageluk hilinginabigin. A'nogo hilingfembik An nen ap misik ekhe it ferinarek logouwageluk menfoumo re aren unggulenu andi mene halinafi logogin. Ap sa higiren An ninom walhamo higit nogo? Ap sa nen ambong serogo An ninom wene palu hak nogo? Ap kaindek An ninom elok walha mene ekhe werek nogo?.

YEHEZKIEL 32:2

Tuhan ane an noba yi'nogo ikhe: Afuni wa'lagaikharek mene yi re, haren ap raja Mesir mene andiba hane omamerogo wenggeluageluk yagaom. An nen wene at obaget ikhi lagi mene yi yaga'no, ”Hat he mene singa ket souge mene hangge it inunggulenu amu mene inanggelekwe andoma nikhi lagen, oba nen hat he buaya i elema nen fesi sogophogo i eil kulabeterek higit hilingiti lagen nen, heisogen he i mondogat weagerogo fikhi lagen.

YOEL 2:6

It inebe afuni inoba higit wagunem he, it mondogat inoak lei'leik ikheresik, ina'manggen laluk inelokhe heiselharek.

MIKHA 5:6

Tuhan nen he yi mene ti mene yago meneba lilengge ebene figik, meiso pelabi wagik, ugunem fano agarek andi hak, afuni Israel mene fena ekhe ineluk werek mene andi afuni inunggulenu lombok inanggelekwe logolik, afuni mene inoba himbirik welagi'lek Allah oba himbirik were'ma, Aren fanorinabigin.

NAHUM 2:12

Attak he, o andoma mene singa nen senggelhu mene senggelikhi laga, a'nogo senggel fuluk he, tulukhogo mene singa he mene inom eagwi inom faget fisikhi laga. Aren he inawi wuri'mo omanogo re eino senggelek senggelherek mene omanogo nen hopot fikhi laga.

NAHUM 3:1

O kota afuni inoatik, ineranhogo wene lalinafik, nen afuni inangge hugul helaluk hoporogo fetaluk welagik, agarek awi andi re weagerinabigin o.

ZEFANYA 3:3

It ap o andiba yi kain ti kain werek mene re mene singa ngin eterek hak hilingitarek inap werek. Nen, it ap Hakim wene higithogo tegetarek inap andoma re no serigala nen nunggu mene nele welerogo logolik hilingiterek hak, iren oak misik iluk ogo hobit nunggu mene iluk ekhe fagarek lek.

BILANGAN 23:24

It afuni inunggulenu andi mene re, mene olomene holou mene nen eluk a'luk welagarek hak welagik, ai mene nen menla'luk welagarek hak welagik, ikhi logolik, singa andi nen sue paik ekhe at ninggerek mene ebe warogo felelenghogo amep inomat ninggi'lek logolik ebe weinglagarek lek andi hak hilingiri'lagwi o,” iluk yagatikhe.