NAHUM 1:8 - Allah Wene Fano Wene Hupla Inane

⁸ A'nogo logolik At aselei mene omanogo re, i fu hokho mene waga logolik, yi mene ti mene mondogat legabeterek hak mondok weagerogo fikherek. It ekhe inailo legengge At ane sagalfuluk hilingitarek mene re, Aren he wa'lagaikharek meneba ineiloak homokhogo inoatunem wa'lagaikharek.

NAHUM 1:8 ပူးပေါင်းရင်းမြစ်များ

AYUB 30:15

Sogoi furogo lagarek hak an nebe fano welagi mene a'nogo mondogat lek agik, hena palogo lagarek hak an nagaiyek welagi mene a'nogo palogo lek agik ugunem he yogondak an nailo mene nek noba werek.

AYUB 40:11

Afuni ekhe inonggwaregen fogerakhili'lagwi mene andoma heilenggenat yerisaluk, ha'mage het-pethogo inenggali warogo seramet fisano o.

YESAYA 13:10

Hesagalenggen mondogat he selegerati'lek logogin, mo wulibi wagarek oba aremnogo mondogat mum asigin, tugi yati'lek logogin.

YESAYA 13:9

O Tuhan awi wei igin sambul andi re Tuhan anini a'nogo inoba kweisalogo foumo re, kweangma yi mene ti mene mondogat leget fisambik, afuni inebe lombok weak hilingitu onggo ineiloak leget fisagainat.

YESAYA 28:17

Katokhogo hilingitu mene andi re heleba ilirenggerogo fagain, nen higithogo hilingitarek awene andi re, o wuti logolik helebenggen hele kelogo walhagarek mene andiba walhogo fagain o,” ikhe. Hiren hineranhogo mene faget hinendawinggen oba himbirik welagep mene andi re meiso sogenggen helebenggen higit pelafi logolik felelenghogo waluk lagik, nen, hit hinebe hina'laga lagep oba andoma re i fu nen felelenghogo waluk lagik, igin o.

YESAYA 28:18

Hiren afuni wa'la'luk lagaikharek mene hinom wene watik, nen wa'lagaikharek mene hinom hinane seberogo matik, ikhi lagep mene andoma sugwi asigin andi nen he, enggin mene hinoba asi wesumo re hit mondogat alperelogo sebel hisogoin o.

YESAYA 28:2

Tuhan nen he ap omame logolik along werek mene ekhe lakfei wesigin. At ebere sielu meiso sogenggen inom seberogo pelabi wagarek hak, athe meiso hokho mene i wurogo yi mene ti mene ha'luk lagarek andi hakhogo wesigin. At a'mageba re it inebe kweangma hambokhogo hugisikhi logogin.

YESAYA 8:22

pogot liakhigik kweangma pelakhigik hilingisugun oba nen he, amu mene ekhe hogoin lego, we yi enggin ti enggin inom sumburu ouwak agarek mene inom, o mum mene hilingi'mo inendawinggenmaet yegelik ikherek mene inom enek were'ma hikhi logogun o. A'nogo hikhi logolik were'ma hobuk it inebe o mumse'ma andoma hugisa lagain.

YEREMIA 13:16

Aren hup agarek mene andi oan lakfei wagi'lek werek kwelek, nen hineisok tom oba tunget figi'lek werek kwelek, o selek faget eberek welagep mene andi Aren agaumhogo mum mene hilingfigi'lek werek kwelek, hit hineisena Tuhan Allah andi legeisogo fikhi logogun halok fano.

YEREMIA 51:64

hane yi'nogo ino, ’Babel oba re yi'nogo nek hilinglasigin. O kweang yi re Tuhan nen enggin-fenggin oba fei wesigin mene andiba re mondogat ubukhogo pumo re ekhe weinam asigin lego,’ ” iluk ikhi logolik hukhano yagati. Nen at Yeremia nen ane isikhe mene elugun warogo re huli yiba.

YEHEZKIEL 13:13

Tuhan Lego Mondok welagarek mene a'nogo ane ikhi logolik, ”An na'mageba, leget pak waganek mene andi lilibukhogo feigiluk he An nen sogoi sielu inom, meiso sogenggen hokho mene inom, meiso es mene inom lakfei wesigin.

DANIEL 11:10

A'nogo hilingisumo re it raja utara fikhit mene faget werek mene a'nogo agoromi weim yabugun nen iluk fik-fouk esimbik tentara esa hokho mene folugun. A'nogo folimbik it mene andem ap misik ekhe andi re i fu waga logolik hilingirik wagarek hakhogo kwi wesigin. A'nogo kwi waga logolik enggi pirenek meneba re pin kwikhi logolik it aselei mene nen inawi himbirengge helep huguloak wurik omanogo meisa'langkuk isilik kugun.

DANIEL 11:22

Tentara hokhorogo nen inom, nen Imam Agung en inom, at omame leget fogoin iluk hilingisugun mene andoma re aren mondok felelenghogo leget fisagain.

DANIEL 11:40

A'nogo hilingiti logolik were'ma nen raja utara fikhit mene faget werek mene a'nogo at along werek mene faget arat wurep oba asi wesigin se'ma andem he, at raja selatan fikhit faget werek mene nen weim sineli lagain. A'nogo hilingisumo re, raja utara fikhit faget werek mene a'nogo nen ogo onggo weim sineli wesumo re, weim andi re mondok anini weak mene yabugun. Aren he kereta weim yabik lagaikharek mene, kuda inom kapal inom, lirisambik he, i fu waga logolik hilingiterek hakhogo kwikhi logolik, o ekhema-ekhema mondogat sebelik-sebelik lagain.

DANIEL 9:26

A'nogo 62 kali 7 tahun logombik, ap Allah nen wenagaisogo menfagain mene andi weak hilingiti'lek meneat ebe wasugun. A'nogo wasumo, ap enupogot omame hokho mene agoromi tentara mene nen o kota Yerusalem inom, Allah awi wurik andi inom, meisalogo mondok leget fisagain. A'nogo logogun andem oba elugun kobokhogo re, Allah nen isikhe higithogoat, i fu nen yi mene ti mene waluk lagarek andi hak, weim yafik, yi mene ti mene mondok weaget figik, ugun.

AMOS 8:8

A'nogo igi andi nen kweang abolok igik, afuni mondogat le hokhorogo agik, ugun o. O kweangma yi awi ti awi mondogat abolok ikhi logolik, i Nil laga logolik esinggen founalik lenggalik, lagarek andi hak hilingisigin o.

NAHUM 1:1

Allah nen afuni Niniwe mene inoba wene yi'nogo yagaisano iluk nabi Nahum awi Elkosh agun a'nogo abikanggoba yagatikhe mene re yi.

NAHUM 2:8

Afuni Niniwe mene re i helage palek mene huthugunem houwakhogo lagarek hak it inebe telfol ili'lagwi. A'nogo hilinglagunem afuni nen inane ikhi logolik, ”Po'logoni, po'logoni!” iluk ili'lagwiba nen he, it ekhe nen sugulogo wesure inabit mondok werek.

ZEFANYA 2:13

A'nogo hilingfisambik he, At Tuhan omameba re, Asyur wolelenggenhogo fagain. O kota Niniwe re, afuni inareng tiring-terengse'ma lei enek pirimse'ma hilingisogo fagain.

MATIUS 7:27

meiso hokho pi wagik, i fu hokho wagik, sogoi hokho funha wagik, ikhi logolik, o a'nogo wathasikhemo, sanokhogo waluk laga logolik mondok meisak lambukhogo weaget fesikhe andi hagaro,” iluk yagaisasikhe.

MATIUS 8:12

Mene re, it afuni Israel mene andi re, o andoma irat eisewerek asugun meneat he, enda'ma o mum hikhakse'ma andoma lakfisamo re, inaik himbirogo li ago le ago mondok logogun o,” iluk yagaisasikhe.

1 SAMUEL 2:9

Neisena Tuhan hagainafuri hane hologo hilingitarek mene wea'ma lanogoluk henggi fetninarek mondok welagendego. A'nogo meneat he, it afuni inobabut weak mene andi, o mum hik-hakse'ma lakfisamo alomat lasugun o. It afuni inonggwaregen yi'nogo ti'nogo ekhe hilingitarek lek andi nen he, it inonggwarek inomameba inomame asugun mondok lego.