NAHUM 1:6 - Allah Wene Fano Wene Hupla Inane

⁶ A'nogo At Tuhan nen anini inoba fugunem andi re ap sa hagen hambuget haluk logou hak nogo? Nen At anini endu amulok hak lagagunem he ap sa hagen omamerogo mendek logou hak nogo? At a'mage het-pethogo lagagu mene a'nogo afuni inoba fugu sambul andi re, helep mene ogore mondok wolelenggenhogo At elokhoma re wul higit hilinglagarek.

NAHUM 1:6 ပူးပေါင်းရင်းမြစ်များ

1RAJA-RAJA 19:11

A'nogo yagatikhemo, Tuhan nen he, ”Hebe oumo ari nen wulibi me o. Wulibi wesimbik he, An noba tom unggul oba menlasi lagai we'no o,” iluk yagatikhe. A'nogo yagatikhemo lagaigiluk ugunem, Tuhan ebe Elia era'lukwe lagaluk ugunem, sogoi tak aninirogo funha laga logolik, tom unggul-unggul omanogo pagerik lagik, helep isa omanogo sere'lambuk igik, isikhe. A'nogo meneat he, sogoi andi anggele'ma re Tuhan ebe weinam agaikhe lek. Sogoi a'nogo lek agu kwelek he, lugul langet hasikhe meneat he, At Tuhan ebe lugul andiba weinam agaikhe legat.

AYUB 26:11

Nen, aren ane supuk tololang esumo nen he, pogot tik liabek mene a'nogo abolok mondok u hak.

AYUB 40:11

Afuni ekhe inonggwaregen fogerakhili'lagwi mene andoma heilenggenat yerisaluk, ha'mage het-pethogo inenggali warogo seramet fisano o.

AYUB 9:5

Afuni inonggot werek kwelek At Allah nen enek o tom oma hambokhogo ale'ma fei laluk, a'mageba enden-fenden isikherek.

MAZMUR 130:3

Nineisena Tuhan, niren weak hilingiti lago mene andoma, hendawimo eberek mondok welagen halok he, sa hagen endawinggen sebel fakhaluk, kamo u hak nogo?

MAZMUR 2:12

At Tuhan a'mage endu amulok weak-weak ibilagarek andi hak, a'mage het-periluk hit weagethinabinogo nen he, At elokhoma hinailorogo hineindep awi yagaisogo nen, fanorogo fogerati logoino o. Afuni nineisena Tuhan en inebe ferinarek logouwagaluk awe a'ma kwagarek mene nek, Aren fanorinafunem inendawimo inagaiyek hikhi logouwago, iluk isikhe.

MAZMUR 76:7

At Yakub eisena Allah nineisena, it ap wam kuda ba lagaluk weim yabi lagaikharek mene inom, kuda ebe inom ogore, Hat hane pararagen he it inebe mondogat wa'lagaikha.

MAZMUR 76:8

Hat he mondok elalin agun welagen! Haren wenagisugunem he ap sa hagen hambuk haluk logou hak nogo?

MAZMUR 90:11

Hat ha'mage mondok het-pet egendek mene andi sa elu nogo? Athe ha'mage mondok weakhogo ninoba fugunem wurep oba hilinglagarek mene andi sa nen futfikherek nogo?

YESAYA 10:16

Ap Asyur mene nen he inonggwaregen wonoget fakhagama re Tuhan Omame Mondok Hokho mene a'nogo nen ap sikhe fisogo inap perwira mondok fano mene omanogo nek ou mondok enggin meneba unggum wogisagain. It inebeba re ou aganhan engge mene inoba asumo re endu nen inagap weratunem hak hilingiti logogin.

YESAYA 13:13

An Tuhan nomame hokho mene a'nogo nen nanini welagi mene inuk hagain sambul andi re, pogot leigetik, kweang ebe werek oba abolok igik, uageluk An Tuhan nen hilingisigin,” ikhe.

YESAYA 27:4

Engga ogo athe alok-alogengge mene ogo werek halok mene ogore, An nen wene ugu aplere nabiro, An nen he warogo taiget fuluk mondogat endumo nolhi logogin.

YESAYA 33:14

Afuni weak hilingitarek mene o Sion werek mene andoma re inailo nen inoak legeti logouwak. It inane ikhi logolik he, ”Allah nen wene sikhiphogo palherek mene andi re endu amulok lagaikherek andi hak mondok-mondok logogin mene palhere'ma re, afuni nen endu nolinafarek mene andiba nen amulok lagagunem hambuget hogoin mene ekhe logogun nogo?

YESAYA 66:15

Ibi eberogo nen, Tuhan hobuk endu inom wesigin. At he angge kereta andi sogoi sielu nen hilingiterek hak, Nen At a'mage endu amulok hak lagakhi logogin mene a'nogo At ebe waga logolik anini afuni inoba filik wesigin.

YEREMIA 10:10

Oba nen Hat enek he nineisena Tuhan Allah eberogo mene o, Raja hetok mondok logolik nineluk wo'nisegendek mene welagen. Nen Hat ha'mage lagagunem he kweang leik eterek, nen Hane pararak etunem he yi afuni ti afuni hambuget hare elo'lek.

RATAPAN 2:3

At anini endu hakhogo yelang- melanghogo re, Israel mene inomame werek mene a'nogo inomame legetfisikhe. Nit ninaselei mene nen ninoasi kwi wagunem Aren lebetnisigi'lek eil fuluk welaga. Endu amulok wabunak ninggi logolik yi mene ti mene mondogat legabeterek a'nogo hak, Tuhan nen nit ninebe mondogat andi higirat a'mage ninoba fikhe.

RATAPAN 2:4

Nit At aselei mene hakhogo, Aren asikhe lirik logolik, andok he nit ninebikhit pisinghogo lakfei waga. Ap nit ninendawimo nina'ma lolo kwelafarek mene omanogo re, Aren inebe mondogat inoate. Endu engganggan palogo lagarek hak, Aren o kota Yerusalem yinogo aniniba hilingisogo fikhe.

RATAPAN 4:11

Tuhan a'mage endu amulok higit lagaikherek mene a'nogo o kota Sion oba fikhemo re o andi kweang inom luphogo ningge.

YEHEZKIEL 21:31

An na'mage endu amulok lagaikherek higit lagali'lago mene andi re hit hinunggulmo kweisalisagain. Hit hinebe re An nen ap inanini mondok weak logolik, ap legerinafarek mene faget mondok milil melalsek inap andoma inenggim hinobagagin.

YEHEZKIEL 30:16

nen kota andi enggin hokho mene hagain. Eberogo nenat An nen Mesir endu fagain. O kota Tebe leget pa'leget waganek mene andi mondogat wolelenggen isamo re, kota andi i fu nen hogoukhogo waluk lagain.

YEHEZKIEL 39:6

An nen o Magog kweang oba inom, i esanggokwe andoma inom afuni inendawi hambukhogo welagaikharekwe andoma endu fasigin. Andiba re iren An Tuhan nebe inelu asugun.

YEHEZKIEL 7:8

We horok yogondak yaba nek An nanini mondok hokho mene a'nogo hit hinoba fugunem hogoin. Hit hinobabut hilingiti lagep higithogo An nen ayo wurogo pilinghinabigin. Hiren weak mondok elo'lekhogo hilingiti lagep mene andoma onggore An nen hit hinoba ambisangma hilinghinobagagin weregat.

NAHUM 1:2

Nineisana Tuhan Allah re afuni nen At inom higirabetarek mene andi re mondok abit. Nen, ap At ane oak sagalharek mene andi re unggum helogoin werek. Nen At a'mage mondok hokho a'nogoba re, it inoba onggo lagalogo inoaterek.

ZEFANYA 2:2

hit hinebe owil-owilengge higit oan sawet agik, puk agik, igi'lek logolik he hinobabut hebelini o. O linggene Tuhan nen anini lagali'lago mene andi oan asi wagi'lek werek kwelek inom, nen Tuhan a'mage lagagu werek mene andi hinoba fei wagi'lek werek kwelek inom, wenggel hikhi logoni o.

MALEAKHI 3:2

Oba nen he ap sa hagen linggene Tuhan weinam asi wesigin oba andi hambuget haluk logou hak nogo? At ebere ap posiemanggen endu oba weragaisogo wurik asuageluk fano pugunhogo obabut palharek andi hakhogo inom, nen it sabun wurikhogo hilingitarek andi hakhogo inom hilingik logogin.

MALEAKHI 4:1

Tuhan Omame Mondok Hokho mene a'nogo ane ikhi logolik he, ”Hobuk An nawi andi wei ugunem he, afuni ekhe inonggwaregen foget fakhagarek mene inom, inobabut weak hilingitarek mene andi inom, inebe engga puk mene endu nen ninggerek andi hak ekhe fena herakfisigi'lek endu mondok nagain o.

WAHYU 16:1

A'nogo yethigiri'mo nen, ombo'ne re, Allah awi wuri'mo a'nogo nen, at ane hokhorogo it malaikat inebe 7 nen omanogo mel yagaisugunem nesanggo holhi: ”An Allah na'mage i hak iwak ebe 7 ba hinago mene ari kweisalogo afuni kweangma mene inoba pelabi lani o,” iluk yagaisugunem holhi.

WAHYU 16:8

At malaikat enggaminogo nek mene nen he, Allah a'mage i hak hinago a'nogo mene ekhe moba kweisalogo fugunem he, mo aigen afuni inoba endu hangge ninggi logouwageluk, mo aik hokhorogo hilingisogo fikhemo, afuni inoba endu hangge ninggi laga yethigi.