NAHUM 1:5 - Allah Wene Fano Wene Hupla Inane

⁵ Nen at elokhoma nen he tom-tom mondogat leigetik, nen punu-punu louk lagenggetik, ikherek. Nen At Tuhan ebe weinam asi wagunem he, kweang mondogat abolok ikherek, nen a'nogo hilingitunem kweangma werek mene inom, afuni inom ogore mondogat inoak abolok ikherek.

NAHUM 1:5 ပူးပေါင်းရင်းမြစ်များ

2 SAMUEL 22:8

Nen At Allah a'mage lagunem he, kweang mondogat abologetik, leigetik ikherek. Tom-tom anduli liabek mene ma'lima talotik, leik waririm etik ikherek.

AYUB 26:11

Nen, aren ane supuk tololang esumo nen he, pogot tik liabek mene a'nogo abolok mondok u hak.

AYUB 9:5

Afuni inonggot werek kwelek At Allah nen enek o tom oma hambokhogo ale'ma fei laluk, a'mageba enden-fenden isikherek.

MAZMUR 104:32

Hat heilenggen kweangma yetha wagunem he kweangma mondok leigeterek. Henggi tom unggul fakhugunem he, so'le wulibi wagarek.

MAZMUR 114:4

No kambing en hilingiterek hak o tom-tom omanogo nen mulugetik, domba eak en hilingiterek hak punu-punu omanogo holombokhogo lagagik pigik hilingiti lagaukwa.

MAZMUR 114:6

Nenahalok hit tom-tom oma muluk mulugenggeti logolik welagep? Nen nena mene weregen hit punu-punu oma re holombokhogo lagagik pigik hilingiti lagep nogo?

MAZMUR 18:7

An nebe mondok nonghonghogo logolik neisena Tuhan oba nane yagati lagi, an lebetnabuageluk neisena Allah ba nane hum etunem he, At ebe awiloba omanogo nen an nane holnobagaluk he fut nobagali'lago.

MAZMUR 18:8

A'nogo holnobagaluk At Allah mondok a'mage lagagunem he, abologet hugunem, o kweangma mondogat abolok ikherek, nen tom ero yago mene andoma ogore abologetik, leigetik ikheregat.

MAZMUR 46:6

At Allah ebe o andoma welagarek andi nen he, o kota andi, leget fisamo re mondok elo'lek. O hil mogolhu kwelek At ebe we'luk leberisugu mondok logogin.

MAZMUR 68:8

Neisena Allah, Haren hagainafuri woginarek, o lei mondok iringik weakwe laga lagaukwa sambul aremnogo re,

MAZMUR 98:7

I laut inom elonggoma welagarek engge andoma inom ane mondogat uak, nen kweang inom it kweang amboloba welagarek engge andoma inom ogo inabolok uak enek.

KELUARAN 19:18

Were'ma, Tuhan ebe endu amuilok elema tom Sinai oba pi wagaikhe andi nen, tom Sinai oba mondogat he endu so'le nen salogo fesikhe. Endu so'le andi lei fatunem so'le mondok hokhorogo mon-mon lagaikherek andi hak lagakhi logolik, tom ebeet lang-fanget hasikhe.

YESAYA 24:1

Tuhan nen kweang unggum wogosumo re, mondogat ungguloakhogo re abolok lek asigin. Nen Aren he kweang enden hamo re yi afuni ti afuni mondogat telfol ugun.

YESAYA 24:20

Kweang pogola hangge abuk-abuk waganek engge ari re ap i naluk lugu-lugwi palhi logolik talo-talongge hilingitarek hak hilingisigin, nen o sabu sale'ma sogoi sielu waga logolik langfang hikherek hak hilingisigin. Kweang ari re afuni inaweak enggin nen sunukhogo pigin. At mondogat wolelenggen tagalogo hilinglasumo re hobuk ambotkwe fano asigin lek.

YESAYA 5:25

Tuhan a'mage At againafuri mene inoba fikhesik werek andi nen he, it inoba unggum feigeluk fik foukhogo werek. Tom-tom andoma mondogat yelandi-kwelandirisagain, it inebe warek he engga fili filingge ebekhe kwe hugisugunem werek andi hakhogo warek enek pipou ugun. Oba nen he Tuhan a'mage legasigin lek andi nen he unggum inoba fagain.

YEREMIA 10:10

Oba nen Hat enek he nineisena Tuhan Allah eberogo mene o, Raja hetok mondok logolik nineluk wo'nisegendek mene welagen. Nen Hat ha'mage lagagunem he kweang leik eterek, nen Hane pararak etunem he yi afuni ti afuni hambuget hare elo'lek.

YEREMIA 4:24

O tom-tom uandek omanogo inom punu punukwe omanogo inom neilenggen yethugunem he, mondok wesa polanhogo yelandi-kwelandit hugunem higi.

YEHEZKIEL 38:20

Yi ikan ti ikan inom, yi rue ti rue inom yi mene ti mene mondok mage mene inom hokho mene inom, afuni kweangma welagaikharek mene inom mondogat he, An niikhi logolik inailo nen inoak leigesugun. Tom unggul uan mene nagul higik pigik, nen pule eil alilukwe andoma mesak hogouk higik pigik, leget pa'leget waganek mene mondogat langgukhigik pigik, igin.

YOEL 2:10

Nen it inebe kwi lagunem he, kweang abolok igik, pogot abolok igik, ikherek. A'nogo ugunem, mo inom tugwi inom mum agik, hesagal yati'lek kamo igik, ikherek.

AMOS 9:5

Kweang leigetunem afuni inendawimo weak hikhi logogun, andi re At Tuhan Lego Mondok logolik Omame Hokho welagarek mene a'nogo nen sebethugunem hilingiti logogin. I Nil fu wagunem hetogerik lagagik, hibi agunem firitokhogo pigik, ikherek andi hak he, it inalong asimbigen hobuk maben asugun o.

MIKHA 1:4

A'nogo pi waga logolik tom unggul andoma At eisogen sebelik wagunem he, hendali endu amulogen nunggunem lebelek agarek andi hak hilinglagik. Nen i tom oba nen wilipluk lagarek hak kweang he mesagen waluk o tonggokwe pi lagik, ikherek.

HABAKUK 3:10

Hebe wagunem, tom en eilenggen healuk he abolok igik, pogoroba nen i kweangma houwalanghogo pelabi wagik, i kweang elema nen eindep ane hokho mene igik, i ha'labu esinggen foinalogo hugesi lagai wagik, ikherek.

ZAKHARIA 4:7

Nen, hat helokhoma andoma tom hokho mene kwe palek logogin oba nen ogore, higilogo laga logogin o. An Nawi a'nogo re haren wusigin, harenat helep attak-attak mene ubule fagain sambul andi re afuni nen ikhi logolik, ’Mondok fani-fanorek agi!’ ikhi logogun.” iluk yaganetunem higi.

MALEAKHI 4:1

Tuhan Omame Mondok Hokho mene a'nogo ane ikhi logolik he, ”Hobuk An nawi andi wei ugunem he, afuni ekhe inonggwaregen foget fakhagarek mene inom, inobabut weak hilingitarek mene andi inom, inebe engga puk mene endu nen ninggerek andi hak ekhe fena herakfisigi'lek endu mondok nagain o.

MATIUS 27:51

Wa'lagunem, Allah awi wuri'mo su kain mene o senggelek ti'mokwe palek welagaikhe mene a'nogo tulem heirogo pelangerik pi wagik, lugul langethigik, helep heirogo kagalagik, isikhemo re,

MATIUS 28:2

Wagu kwelek aremnogoat he, lugul hokhoat langet hugu kwelek malaikat pogoroba yonggo nikherek mene ekhe pi wagaikhesik, kwe helep mene to'morogo yagatukwa a'nogo lenggakhogo lakfesikhesik he, oba hu'lagaikhe.

WAHYU 20:11

A'nogo higiri'mo nen, ombo'ne re, Allah kain welagarek oba obuluk hokho kut mene were'ma, at ebe andoma welaga higi. A'nogo were'ma pogot kweang mondogat at agaiserogo legasugun andi nen he, hobuk ineilenggen hogoin legat aga laga higi.

WAHYU 6:14

pogot andi re, lisu palek yinggilik mene andi hak, yinggilogo legagik, tom unggul inom, i enggen kwe inom, welagarek kwe omanogo lombogen higilogo amumu lagunem yethigik, ugunem yethigi o.

HAKIM–HAKIM 5:5

Nineisena Tuhan handom Sinai eisewerek mene, Israel mene ineisena Allah helokhoma yi tom ti tom mondogat abolok ikhe.