NAHUM 1:3 - Allah Wene Fano Wene Hupla Inane

³ Eberogo nenat At Tuhan andi re a'mage weak-weak lagaikherek lek. A'nogo meneat he, o yi awi ti awi At enek sagarek werek andi nen he afuni ekhe nen weak hilingitu halok he Aren unggum inoba fisikherek mene a'nogoba nen ekhe longgo u lek hak. At Tuhan ebe koma kwe lagu halok he, andoma sogoi sielu wiliferek. Nen At eisok sebelhugukwe andoma re, wul age hena higit palogo lagaikherek.

NAHUM 1:3 ပူးပေါင်းရင်းမြစ်များ

2 SAMUEL 22:10

O pogot heal haluk he, At ebe pi wagarek, Nen, At ebe lagain kwe re ohena muli mene ebene eisok filik lagarek.

NEHEMIA 9:17

Haren yi mene ti mene faget mondogat fano hilinginafi lagagin mene andi inom, elalin mene hokhoat hilingiti lagagin mene andi mondogat inom, hologo hilingisu inabiren he, inendawimo eberek welagi'lek inonggoret fisasukwa andi. A'nogo inonggoret fisasukwasik, inonggwaregen fogerakhikhi logolik, it inoe ap ekhe nen it woginarek o Mesir inambotkwe lagaukwasik afuni Mesir mene inamingmingengge logouwageluk fisa loageluk, wenagaisogo fesukwa andi. A'nogo meneat he, afuni weak hilingitunem hat Allah nen sagalogo legetfisigik, inebe hendawirinafik, ha'mage horogat het-perigi'lek herakfisigik, egendek andi. Inebe hendawinggen hundik mondok logolik, it inebe kofologo herakfisigi'lek farinarek mondok welagagin andi.

AYUB 10:14

A'nogo hilingitigindik a'luk he, an weak hilingitunem nealuk, at aweak lek hilingisogo fagain lek iluk heilenggen fuluk welagen.

AYUB 38:1

A'nogo isikhemo, At Tuhan ebe ane mil-mil ikherek oba anggele'ma omanogo nen Ayub wene yi'nogo yagatikhe.

AYUB 9:4

At Allah andi re hebelek mondok logolik along werek agun hilingi'mo re, ap sa hagen, At ane sagalogo fulugen eluk mondok logou hak nogo?

MAZMUR 103:8

At Tuhan he endawi hundik hilinginafik, inelagaik were'ma endawirinafik ikherek mene werek. At obabut mondok hombunsek logolik, endawi hundik mondok hokhorogo hilinginafu werek.

MAZMUR 104:3

nen Hat hawi re o pogoroba andoma, i amboloba ambe palhigik wurogo fesigin. Kereta ba lagaikharek andi hak, Hat hanggwe nikhi logogin kwere, ohena elalogo fesigin. Sue ogolabiba tarogo lagarek hak, hogolabi sogoi oba tarogo nikhi lagen.

MAZMUR 145:8

Nineisena Tuhan andi re, endawi hundik mondok logolik, ninelagaik were'ma endawit ninaferek mene. Aren weak-weak wene ninoba figi'lek, endawi hundik hilingninaferek.

MAZMUR 147:5

Nit nineisena Tuhan andi re Mondok Hokho agun logolik elalin hilingiterek mene werek, At endawi wenggelek mene andi re huli warogo fou re elo'lek.

MAZMUR 50:3

Nit nineisena Allah andi ebe waga logolik he At ane legengge wagarek lek, At waga logolik elokhoma re endu amulok kulung-kulung wagarek, nen sogoi sielu hokho mene re At ebe huli'liphogo wagarek.

MAZMUR 62:11

Hit hinenggi omameba afuni sebelinarek logolik inangge helikhi lagep mene andomaba hinendawinggen eberek lagou fuk, nen afuni inangge telikhi lagep mene andomaba hinendawinggen tibet fuluk logou fugat. Nen, hit hinangge yi mene ti mene hinenggi werek agunem oba nen ogore, hit hinendawinggen andiba tibet fuluk logou fugaro.

MAZMUR 66:3

Hiren Allah ba ikhi logolik he, ”Haren hilingiti lagen mene andoma re mondok hanggiluk werek mene nek hilingiti lagen! Hat homame re mondok hokho mene welagenma re, it haselei mene re inailo nek agunem Hat ha'ma sebe agarek.

YESAYA 19:1

Mesir mene inoba hilingfisagain mene yagaisoageluk isikhe mene re yi. Tuhan o Mesir lageluk ohena weak-weak lagarek meneba weri'logo a'li yethani! O Mesir oba tugwi kembu werek mene omanogore At elokhoma inoak leigetik, nen afuni Mesir mene re inendawinggen eak agik hilingiri'lagwingge andi.

YESAYA 29:6

Tuhan Omame Mondok Hokho mene a'nogo nen o kota andi sogoi sielu hokho meneba nen inom, lugul hokho meneba nen inom telogo fagain. Aren sielu inom, endu amulok inom, herogo tak ikherek mene lakfei wesumo re mondogat libunghogo nagain.

YESAYA 66:15

Ibi eberogo nen, Tuhan hobuk endu inom wesigin. At he angge kereta andi sogoi sielu nen hilingiterek hak, Nen At a'mage endu amulok hak lagakhi logogin mene a'nogo At ebe waga logolik anini afuni inoba filik wesigin.

YEREMIA 4:13

Yethani, ninaselei mene re ohena hakhogo weinam agaikha a'li. It inangge kereta weim yabuogeluk lagunem he sogoi sielu nen hilingiterek hangge, nen inangge kuda ba lagunem he sue ikwesahop he aninurogo tarogo lagarek oba nen mondok furungwarogo lagarek. Ariginik hilingi'mo re, eigei, nit he alomat ninabugun higi! Nit leget ninabuogeluk werego!

DANIEL 7:13

O hubanggo andi sambul nabikanggo a'nogo yethigirik, neilenggen oba mondok were'ma nen At ekhe abat ta'lagaikhe mene ohena oba huli'liphogo re, At eluk mondok welagarek mene a'nogo oba higit lagasik he, era'lu horokhogo lagasik hai wat-wat ugunem yethigi.

HOSEA 8:7

An nagainafuri nen sogoi awi yatu halok he enggen he sielu palikhi logogun! Gandum yabu yago mene wurik agu lek halok he nunggu mene faget gandum weregabet fakhikhi logogun lek! Oba nen gandum andoma wurik asi le'ma nen ogore ap inunggulenu amu mene nen ninggi logoilep.

YOEL 2:13

Hiren he, ”Nit weak hilingito iluk hinasu tilibesu fugo, oba nen he hinendawimo warano,” iluk yagaisasikhe. A'nogo yagaisasikhemo, an nen he, mel yagaisigi: ”Hineisena Tuhan Allah andi re obabut sakhorek logolik endawirinafik, a'mage weak-weak lagagi'lek welagik, wene weak mene inoba figi'lek weak hilingitarek mene sagalogo herakfisigik, ikherek andi nen he, hinendawimo waraluk, hinebe hinelokhe hebelogo At woge'luk logoni o.

YUNUS 4:2

A'mage lagasikhesik, Allah ayonggo fikhi logolik he, mel yagatikhe: ”Tuhan neisena! O attagenat an naiba logolik aremnogo Haren a'nogo hilingisigin iluk an nen isigi lek nogo? Isigiat anggigi! Hat he hobabut inelagaik isigik, afuni hendawi hundik hilinginafik, hendawinggen sakhorek oba hilingitik, hobabut fetakhogo hilingiti'lek logolik afuni weak hilingitu mene inoasigin iluk inabok palherendigen he, hobuk hendawirinafi legen a'nogo nelu logolik he, an heise o Spanyol lagaluk lagagi anggigi.

ZAKHARIA 9:14

Nen At Tuhan ebere At againafuri mene inoba inugisigik, Nen At andok he eilabut hakhogo pising-pasang isigik, Tuhan Omame Mondok Hokho mene a'nogo nen weim yabi kwikhi logolik enekhogo iluk he trompet ane futhigik, nen selatan fikhiren sogoi sielu hokho mene funha wagik, igin.

BILANGAN 14:18

’An hineisena Tuhan nobabut he, weak-weak na'makwe het-periluk wenagisigirek lego. Nen, hokhorogo nendawirinafik, herakfisigi'lek ferinarek mondok welagik, afuni weak hilingitarek mene inom, inaselei mene hangge hilingnafarek mene inom, sagalogo legetfisigik, igirego. It a'nogo hilingitu kwelek meneat he, it weak hilingiti logogun andiba, onggo re, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat inoba fagain o,’ iluk isigin anggigi.

MATIUS 26:64

at Yesus nen he, ”Haren egen andi aro. Menere, an wene yi an nen hit mondogat yagahisak. Huli yogondagen he, an abat ta'lasi wagagi a'nogo, at Allah omame hokho yi mene ti mene hilingisigin enek a'nogo nemberek era'lu enggi ebekwe kainat logombik he, hobuk pogoroba andoma nen ohena anggele'ma pi wagunem hineilenggen neogoin o, iluk yagahisigi,” iluk yagatikhemo,

YAKOBUS 1:19

Nerugwi nagaila'lak. Hinebe nendawi e. Wene yi hinendawimo eberek logoni o. Hinebe lombok wene hinesanggo weak-weak holiluk he, hinaneba nen erogat yagaisigik, hina'mage lagai wagunem hinendawinggen sebelogo logombigen erogat igik, ikhi logoino o.

WAHYU 1:7

Yethani! At ebe ohena anggele'ma wagunem, afuni mondogat inebe lombogen inom, it at sige taukhogo watukwa mene inom, inomaren ineilenggen yethikhi logolik, inunggulenu lombok mondogat le asugun o, iluk yagahisigi andi, ”Ebe asuak,” u hak, ”Amin,” igi andi.