NAHUM 1:2 - Allah Wene Fano Wene Hupla Inane2 Nineisana Tuhan Allah re afuni nen At inom higirabetarek mene andi re mondok abit. Nen, ap At ane oak sagalharek mene andi re unggum helogoin werek. Nen At a'mage mondok hokho a'nogoba re, it inoba onggo lagalogo inoaterek. အခန်းကိုကြည့်ပါ။ |
An hineisena Tuhan Allah nebe Anatma re, hiren he, yi mene ti mene ekhe at emberek higit, iluk anggogoin mondok nabit andi nen he, tugwi kembu a'nogo ekhe alik waganogo wurogo fembik fogerasugun mondok lego. Afuni an nebe inapsiri mene andi, An nen it inebe inom, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat unggum inoba fugu mondok logogin o.
An nen he, afuni hobuk alep yi teng ti teng ta'larik laga logogun mene nendawirinafuat logolik, kwanirogo hilingiti logogun mene inom, weak hilingiti logogun mene inom, sagalogo legetfisikhi logogin o. A'nogo meneat he, it afuni andi ekhe kwanirogo hilingitarek mene andi unggum inoba figi'lek herakfisagain lego. We, unggum inoba fembik, iren taginabik laga logogun mene, huli henagan oba he a? enggaminogoba he a, it inagainafuri inom, it inagainafuri nen tagomangge mene inombawilak inom, it inombawi andi nen ta'lasugun mene inom, inomat, it ineisugwi weak hilingita andiba unggum inoba fugu mondok logogin o,” iluk yagatikhe.
Hit An hineisena Tuhan ninom wene wat-wat agagu mene a'nogo pukhogo fisogo logoni o, nen hit afuni Yehuda mene inom Yerusalem mene inom he hinebe An nobaget enogo fakhaluk logoni o. A'nogo hilingiti logogun lek halok he An nanini endu wabunak ninggerek higit hilingi'mo, ap sa nen ogo nagulu mondok elo'lek a'nogo higit hinoba lakfei wesigin o. Mondogat andoma re hiren hina'mageba nek hilingiti logolik weak mondok hilingiti lagep andiba re enggin mene hinoba asi wesigin andi,” iluk ikhe isikhe.
Kota andi haningisogo andoma nen he weim abolok enek firip farap uak. Yogondak he at Babel en yi'nogo ti'nogo ekhe hilingisu elo'lek aga, at oba leget fak waganek mene re langgukhogo kwikhi logolik mondogat wolelenggenhogo taik ikhe. An nen he at Babel en hilingite mene omanogo ambisangma hilingfikhi lagi. Andiba re iren afuni amu mene inoba hilingfisikhi lagaikha andem higit he it inoba ogo a'nogoat hilingfisano.
Tuhan Lego Mondok welagarek mene a'nogo ane ikhi logolik, ”Oba nen he yogondak Yakub ambisangma ta'lagaikha mene afuni Israel mene andoma An nen nendawi hundik hilinginafik, nen it attak welagaukwa hak inangge hokhorogo logouwageluk hilingfisigik, igin o. A'nogo hilingfisagain andiba re An nenu a'nogo legeisogo fikhi logouwageluk hal fikhi logogin.
An na'mage mondok lagagunem nanini ari'lago mene andi hat hoba figik, weagethafik imbik halok enek he An noba lombuk igin o. A'nogo andoma mondogat hilinglasumo nek he, haren An noba tiphogo hilingiti lagen le'ma An nanini hat hoba fikhi lagi mene andi re An Tuhan nen nane yagaheti lagi mene andi faget eberogo anggagain o.
Nineisena Allah, Hat hemberek higit mene ekhe werek lek, it hagainafuri fena werek mene inaweak hilingiri'lagwi mene omanogo haren sagalogo leget fisikhi lagen. Nen Hat he wene ninoba fuluk aninurogo welagen lek, oba nen hebekhogo re hendawi hundik hilingninafi lagen mene huli warek lek mene andiba hagaiyek ninoba fugu welagen.
Nerugwi nagaila'lak. Hinebe nendawi e. Afuni ekhe nen hit weagethinafu halok, hinonggwaregen onggo fugubo. We, Allah a'mage lagaluk, aren hilingisuagen he, at enggiba fikhi logoino. Wene a'nogo hilingiti logogun, iluk lisu yi'nogo palek werek: ”Wurep oba an nen inoatik, onggo an nen figik, igin o, iluk Nineisena Tuhan nen ikherek,” iluk lisu palogo fesukwa.
It pemerintah re, Allah nen menfisasikhemo, at amingmingengge logolik, hit fanorogo logouwageluk hilingiri'lagwi o. Mene re, weak hilingitep halok he, hinailorogo logoino. It sikhe waluk nikho andi, tulemat waluk nikho fuk. We, afuni weak hilingitunem he, Allah nen a'mage lagaluk wene inoba fou hak, it menfisasikhemo re, iren wene inoba fagarego.
A'nogo isukwama, at Yosua nen he mel yagaisasikhe: ”A'nogo meneat he, Nineisena Tuhan Allah ebe horek logolik, Ami-amuat welagarek andi nen he, hiren At obaget enek hilingitu aple hilingisu elo'lek hak anggegeba? At Allah re, afuni at amingmingengge logolik, hunogoat mene amingmingengge hilinglasugun abit mondok welagarek. Hiren At kofologo herakfisaluk allah hunogoat mene ekhe amingmingengge hilinglasugun halok, Aren hit weak hilingisugun mene andi sagalogo legetfisagain mondok lego. At Allah attagat he, hit fano hilinghinafi lagaikhe meneat he, hit a'nogo hilingiti logogun halok, At ebe hit hinaselei mene hangge asimbik he, wene hinoba fuluk, hinebe mondok leget hinabigin o,” iluk yagaisasikhe.