NAHUM 1:12 - Allah Wene Fano Wene Hupla Inane

¹² A'nogo hilingiri'lago andiba re At Tuhan nen againafuri Israel mene inoba ikhi logolik, ”Yago hit afuni An nunggulenu mene yi sani, An nen he hit hinoba enggin-fenggin hinobagasigiba nen he An nen a'nogo ekhe hilingisigin lego. Nen, it afuni Asyur mene andi re inebe hokho-pokhorogo logolik inomame ogo mondok hokho pokhorek welagaikharek oba nen he, it inebe mondogat wolelenggenhogo lek asugun o.

NAHUM 1:12 ပူးပေါင်းရင်းမြစ်များ

2 RAJA-RAJA 19:35

A'nogo isikhesi'mo nen, o hubanggo andibaat, nineisena Tuhan agot malaikat ap tentara Asyur mene inawi tenda wuri'mo wagaikhesik, inebe hokhorogo 185.000 nen inoatikhe. A'nogo inoatikhemo, ohealek hubet he, ap warek mondok hilinglagaikhemo hasukwa.

2 RAJA-RAJA 19:37

A'nogo lagaikhesik, inenggi ekhe sambul he, it afuni o Niniwe mene nen he, tugwi kembu faget, ”Nineisena ebe yi aro,” iluk agarek mene enu Nisrokh andi faget hilingitunem, at Sanherib onggwarek againafuri Adramelekh inom, Sarezer inom, emberegen karok weim yafarek meneba watukwa. A'nogo warogo fuluk heise o Ararat lagaukwa. A'nogo watukwama, at Sanherib obulu'mo amlogo ekhe enu Esarhadon andi raja menlagaikhe.

KELUARAN 12:12

A'nogo nogoin andi sambulat hubanggo An o Mesir yi awi ti awi mondogat neilenggen kogolik waga logolik, inagainafuri manggusa tago ap mene nek inom, it inanggo ai mene attagat tago mene inom mondogat inoasigin. Nen, afuni Mesir mene nen yi mene ti mene oba himbirik logolik fogeratarek mene andi mondogat weaget fisagain. An Nebere Hineisena Tuhan.

YESAYA 10:16

Ap Asyur mene nen he inonggwaregen wonoget fakhagama re Tuhan Omame Mondok Hokho mene a'nogo nen ap sikhe fisogo inap perwira mondok fano mene omanogo nek ou mondok enggin meneba unggum wogisagain. It inebeba re ou aganhan engge mene inoba asumo re endu nen inagap weratunem hak hilingiti logogin.

YESAYA 17:14

O hubagunem he iren inailo mondok hokho mene hilinglari'lagwi, nen o wei igiluk ugu kwelek he koma lagaikhaheat longgo ili'lagwi. Andi re afuni mondogat nit ninangge telagarek mene nen hogoin mene ebere a'nogo andi.

YESAYA 30:19

Yago, hit o Yerusalem welagep mene yoma re, hiren hundik-handik le aga logou fugo. Tuhan he inelagaik isikherek mene hilingi'mo re, hiren lebetninabin iluk yagasugun halok he Aren weak-weagat lebethinabigin werego.

YESAYA 31:8

Asyur he hobuk weim oba nen leget fisogoin, oba nen he andi afuni inomameba re fuk. Ap Asyur mene weim elema nen heise longgo imbik ap alegenek mene re afuni inamingmingengge mene asugun.

YESAYA 37:36

A'nogo lakfesikhemo re hup a'nogoba malaikat Tuhan wulibi wagaikhesik ap Asyur mene inawi sabu sale'ma omanogo wagaikhesik ap sikhe fisogo inap inebe 185.000 nen mene inoatikhe. A'nogo inoatikhemo hubet weirogo re ap warek enek hilinglagaikhe.

YESAYA 51:22

Hineisena Tuhan nen he yi'nogo ili'logo. Hit hineisena Tuhan Allah hit hinili wokhinaferek mene a'nogo nen he mel ikhe, ”An na'mage nen enggin-fenggin hinoba fikhi lagi mene andi re hobuk hit hinoba nen An nen lisogo wanigin o. Nen An nanini hinoba fikhi logogin mene a'nogo legarik lagunem he hit hinoba enggin-fenggin ekhe hogoin mondok lego.

YESAYA 7:20

Tuhan nen raja Asyur mene ayonggo foumo re, aren he ap inesi inom inomboro inom, inomosi inebene inom hogologo palogo hugisagarek andi hak hit Israel mene ogo a'nogo weaget hinabuageluk hilingisigin o.

YESAYA 8:8

It wesimbik he i fu hetok-hetok lagakhi logolik inalonggop huli lagaikherek hak yi mene ti mene mondogat sebeli wesugun, Nen it inebe seralogo mamingisi waga logolik o kweang hit hinawi hinebe welagep oba andoma fena minggilogo sebelhinabi wesugun o, iluk eberogonenat u hak he Imanuel igi andi.

DANIEL 11:10

A'nogo hilingisumo re it raja utara fikhit mene faget werek mene a'nogo agoromi weim yabugun nen iluk fik-fouk esimbik tentara esa hokho mene folugun. A'nogo folimbik it mene andem ap misik ekhe andi re i fu waga logolik hilingirik wagarek hakhogo kwi wesigin. A'nogo kwi waga logolik enggi pirenek meneba re pin kwikhi logolik it aselei mene nen inawi himbirengge helep huguloak wurik omanogo meisa'langkuk isilik kugun.

YOEL 2:19

A'nogo anggasikhesik Aren mel yagaisasikhe: ”Yogondak An nen hit hinalabut ninghogo ninggi logobagaigeluk, gandum inom, anggur inom, e zaitun amusu inom, wokhisagain o. A'nogo wokhisambik, afuni inunggulenu hunogo mene nen inendawimo seramet hinobagali'lagwi mene andi inom, endo yakhinabi'lagwi mene andi inom, arigin hinafi logouwageluk herak hinobagagin lego.

NAHUM 1:15

Yethani, ap yonggo misik ekhe o tomkwe a'lima nen waga logolik wene husumbi fano liolek logogun mene, inomame asugun mene faget waluk weri'lago a'li. Yago, hit afuni Yehuda mene yi sani, hiren he linggene hokho mene andi faget ebeti logolik, hineisena Allah ba yi'nogo hilingisugun iluk isigip mene andoma faget obaget fikhi logoni o. Ap inanini mondok weak mene re mondogat wolelenggen tagalogo lek agaikha hilingi'mo re, hit hinawi hinanggweang oba andoma afuni nen ekhe inomameba sebelhinabi wesugun lego.

WAHYU 7:16

A'nogo fisamo were'ma, Domba Eak a'nogo Allah kain welagarek mene obuluk oba ebe tulem logolik, afuni nen wam konharek andi hak, it kwelaginarek mondok logolik, i afuni inebe inelugerinaferek mene noageluk, i elesimo woginarek lagik, Allah nen ineil amusu tetik, ikhi logogun andi nen he, sumburu inom, i inom, nele aga logogun mondok lego. Nen, mo nen inom, endu nen inom, aigen heinet wati logogin mondok legaro,” iluk yaganete.