MIKHA 7:7 - Allah Wene Fano Wene Hupla Inane

⁷ Ariginik oba nen, nit he nineisena Tuhan nenangorogo logouwok. A'nogo logolik, ninendawimo nen eberogo anggaluk nineisena Allah yerogo logogun. Nen, Aren he, nit ninane holfuluk telninabigin.

MIKHA 7:7 ပူးပေါင်းရင်းမြစ်များ

KEJADIAN 49:18

Allah Henupogot neisena, haren telninabigin mene andiat serogo welagirego.

MAZMUR 109:4

An nen it faget nendawi hundik hilinginafi logolik inobaget samban ugu kwelek oba nen, iren an noba fu'mo hikhibet niili'lagwi.

MAZMUR 130:5

Neisena Tuhan nen, ”Yi'nogo hilinghabigin,” iluk wene wa'netigin mene andi, eberogoat hilingnabigin iluk, nenangorogo eberek welagirek.

MAZMUR 25:5

An nebe Hat hendawimo anggikhi lagen mene higithogo nek hilingiti logouwageluk yaganetik, yanggulnafik, in o. Allah an nebe telnafi lagen mene re we Hat hamu welagenma re, an nen Hat hoba nek nendawinggen eberek mondok welagi o.

MAZMUR 37:7

Hit hinendawinggen hambuget haluk logolik hineisena Tuhan serogo logoino, Aren hilingisigin mene oan werek kwelek hinafe morogo serogo logoino. Afuni nen hilingitunem ambisangma fano asigin mene faget hinendawinggen abolok u fuk.

MAZMUR 38:15

Ibi-eberogo an he ap inesanggo tagum mene hak hilingik logolik he, andiba re an nen onggo ikhi lagi lek.

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

MAZMUR 65:2

Nineisena Tuhan Allah re, Nit afuni mondogaren weak hilingiti lago mene, hoba we'luk hayonggo fugunem, ninane holhi lagen andi nen he, niren wene wathetugu hak, nit tom Sion oba logolik, fogethabugun obaat foget habugun o.

MAZMUR 85:5

Neisena Allah, Hat he nit ninagap telninafi lagen mene welagenma re, Hat ha'mage nit ninoba ekhe inom fugun o, nit ninebeba hilingik welago mene andi re Haren ambotkwe fanotninobagain o.

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

YESAYA 17:7

A'nogo hilinglasigin andiba re afuni nen hobuk it Isarel mene ineisena Allah Mondok Horek logolik pogot kweang elalhikhe mene a'nogo oba telninabin iluk yagati logogun.

YESAYA 25:9

Andi sambul afuni nen ikhi logolik, ”Nit ninagap telninabuageluk nenangot hikhi lago mene a'nogo Arenek he eberogo nenat Allah nit nineisena o. Eberogo Tuhan ebe yi aro, At andi niren nenangot hikhi logolik welago mene. Aren nit mondogat ninagap telogo ninobagaikhemo re yogondak niren ninagaiyegeti lago o,” iluk ikhi logogun.

YESAYA 45:22

Hit afuni mondogat kweangma welagep mene yoma sani! Hineisena Allah re An namuat welagi, amu mene ekhe werek lek, andi nen he hit hinagap telasubagaigen An noba sugulogo waga logoni o.

YESAYA 8:17

Tuhan ebe At againafuri Yakub en tagomangge mene inoba nen hina'lagaba nen he an nen hobuk fano asigin iluk At oba nendawinggen himbirik logolik mondok welagi o.

RATAPAN 3:24

Tuhan andi re an nonggwarek nangge we misik masik enek engge hilingi'mo re At oba nek nendawimo eberek welagi.

DANIEL 3:17

Ma re, haren ninebe endu amulok wabunak nunggunem andi kwelakninobagegen halok, nit nineisena Allah fogeratorek mene andi nen, hat homameba endumo kwelakninobagagunem, Aren elok telninabigin aro.

HOSEA 12:6

Allah andi re Tuhan ekhe mene-ekhe mene hilingisu hagenek mene a'nogo. At enu re Tuhan andi. At endawimo nen he afuni nen An nobaget fogetnafi logouwak anggikherek.

YOEL 1:19

A'nogo yagaisasikhesik Tuhan oba ikhi logolik he: ”Tuhan neisena. Lei nen nunggunem engga mondogat lek agarek andi hak, o leikwe engga mondok puk agik, yi agayo ti agayo endu nen ninggerek hak mondogat puga'luk wa'lagik, ikhe andi nen he, lebetnisan o, iluk nane hokhorogo nelagaik naneba yagaheti o, neisena.

HABAKUK 2:1

An nen wene Tuhan yagati mene a'nogo onggo ninggi'nogo yaganesigin? An nen afuni yagaisoageluk ninggi'nogo mene yaganesigin, iluk kwe pelare'ma ineilenggen welagaikharek oba andoma lagambik mendek logolik yerogo logogin,

HABAKUK 2:3

Wene ebe hilinglasigin oba oan andi nen he, lisu palogo fein o. Oba nen he, ebe hilinglasigin oba andi weak-weagat wesigin, An nen ebe hilinglasigin iluk yagaheti mene andi re eberogoat hilinglasigin o. We, wene ebe aninuat werek kwelek meneat he serogo logoino! Eberogoat hilinglasigin iluk eberek logoino.

BILANGAN 5:28

Oba nen he, at weak hilingite lek halok, homan ugu a'nogo at oba agi'legengge logolik, selekhogo omalik takhikhi logogin.