MIKHA 7:6 - Allah Wene Fano Wene Hupla Inane

⁶ O yogondak ya ha'ma re, it misik mene ineisok erokwe meneba nen ogore, inom minggilik logolik he, amlogo nen eisena abok palhik, a'logo nen agaisa ane sagalogo figik, eamalhe tugum mene inom he eamalhe eisena agwe inom wene palhik, hilingiri'lagwi ambisangma hilingi'mo re.

MIKHA 7:6 ပူးပေါင်းရင်းမြစ်များ

KEJADIAN 49:4

A'nogo meneat he, hendawinggen i hangge abolok werek welagen o. An nagagwi inamingmingengge mene woginafigi mene hinom nogo egepma An nogo igirek oba weak hilingisogo fegen andi nen, Hat hebe esin mene at he, abelma asimbik logogin o.

2 SAMUEL 16:11

A'nogo yagaisasikhesik, hobuk at Abisai inom, at Daud agoromi mondogat inom, yi'nogo yagaisasikhe: ”An namlogo nonggwaregen tati mene ogore, nebe noasigiluk walhili'lago andi. Nen, ap Benyamin mene yi hunogo meneat hilingi'mo re, u hagat yaganeri'logo o. At nineisena Tuhan nenat, yi'nogo ino, iluk yagatemo nen ili'lago logou hak. Halok, at oba yi'nogo ti'nogo ekhe hilingitubo. We, aren homan nobagauwageluk herakfisani.

MAZMUR 41:9

Iren ikhi loglik he, ”At oba ou a'nogo re mondok enggin se'ma re, inganghogo menlasu lek hak,” ili'lagwi.

AMSAL 30:11

It ekhe nen he ineisugwi homan fisigik, nen inagaisawi aganget fisigi'lek hilingitik, agarek.

AMSAL 30:17

Ap ineisugwi inagaisalak yaman a'luk were'ma puliaphogo fisagarek mene andi re it inebe hambokhogo enda'ma wulak fisa wesumo sue kuri nen ineilenggen hulelogo ninggik, nen sue rajawali nen inebe warek fili omanogo ninggik igin andi re inobabut obaat hilingisigin.

YESAYA 3:5

Iren he inenggi omameba ekhe sebelfisigik, nen ekhe weagetfisigik hilinginafi logogun. Ap souge mene nen he inaluendek mene sebelogo fisigik, nen ap sebelek mene nen he ap lego mene sebelogo fisigik hilinginafi logogun.

YESAYA 9:19

O kweang andiba mondogat andoma re afuni nen yi mene ti mene helaluk, nenggarek mene omanogo re iren nili'lagwiba nen he inoba homot fisili'lago lek. Ariginhi logolik he it inonggwarek inagaila'lak mene oba nen ogore nili'lagwiat.

YEREMIA 12:6

Hat he it herugwi hagaila'lak hat werekwe meneba nen ogore inal ngesukum watheaga, iren he hat hebe hoasugun iluk hilingiri'lagwiat. Enggere iren inane amusu tephogo ugun oba nen ogore it inane ugun mene faget eberogo angga fugo,” iluk yaganete.

YEREMIA 20:10

It afuni ekhekwe-ekhekwe mondogat inane nguluk habuk ikhi logolik, ”Yikwe tikwe mondogat youk kwelaklagama inailo nek agasik inoak leigeri'lagwi o! Niren at ari faget ap inalong werek inap inoba yagaisa louwogo!” iluk ili'lagwi. Nen, it an ninom fano hundik welago mene nen ogore, at ki sambul weak hilingisigin iluk nenangot nafu weregat. Iren ikhi logolik, ”Niren nina'mage lagagunem sebelhikhi lago mene oma faget ambisangma at oba ogo hilingfogoin o, oba nen he niren at endawinggen wanimbik hilingisugun oba nek he, elok mabenet fogoin o,” iluk ili'lagwi.

YEREMIA 9:4

Yakub en hilingitikhe hak he iren ogo inebe lombogen inagaila'lak lalinafunem, inagaila'lak meneba nen ogore inafe hebelogo nek hilingiti logou hak, nen inagaila'lak inamep meneba nen ogore eberogo iluk angga lek hak. Wene ineranhogo wene sagarik lagik, afuni inabok pilip-palaphogo palhik, uogeluk he inebe lombok ekhema-ekhema lili'lagwi.

YEHEZKIEL 22:7

Afuni haren mene werekwe oma nen ap misigen ogo ekhe ineisugwi inagaisawi legeisogo fisagarek mene ekhe werek lek. Hat hane nen ap pok mene lalinafi logolik, hemi sogwe mene inom, yenggerugwi suarek mene inom inangge omanogo ekhe inomat mangorogo helikhi lagen.

OBAJA 1:7

Hat he it hinom sebe'luk hilingiti lagep mene omanogo nen lalhealuk he o hat hebe welagen oba andoma nen mugusogo wulak hobagagun. Hat he it hinom hundik welagep mene omanogo nen mabenet hobagagik, nen it hinom sumburu misi'mo ninggi lagep mene omanogo nen alomat hobagagik, imbik he iren hat hebe faget afuni inoba heinok woginafi logolik, ”Attak he at mondok elu-pelurek welaga agun a'nogo re yogondak he elu mene a'nogo koma lagama?” iluk yagaheti logogun.

MATIUS 10:21

Agailak ekhe nen he, at onggwarek agailak ekhe wasuageluk waluk lagik, eisena nen he, amlogo wasuageluk waluk lagik, inagainafuri nen he, ineisena inagaisa inabit a'luk he, inoasuageluk inabok palhik, ugun aro.

MATIUS 26:23

A'nogo ilik lagaukwama re, at Yesus nen he: ”Hat ekhe an nemberek ninenggi ambineat piring elema pelakfuluk amusu yugulogo nonggo mene andi nenat noasuageluk yonggo lagain o.

LUKAS 12:53

Inom a'nogo heksek logolik he, eisena nen amlogo emberek weak agik, amlogo nen eisena emberek weak agik, agaisa nen eak emberek weak agik, eagen agaisa emberek weak agik, oan en he, a'logo emberek weak agik, a'logo nen he, oan emberek weak agik, a'nogo inom weagarik logoin o,” iluk yagaisasikhe.

LUKAS 21:16

Nen, hineisugwi hinagaisawi nen, hinogogwi hinagoromi nen, hinagaila'lagen, hit wokhinarek he, o wene inoba figik, kotik, agarek oba hinobagai lagik, hinebe ekhe mondok hinoatik, ugun o.

YOHANES 13:18

An nen wene andi hit hinebe mondogat faget yagahisigi fuk. Lego. Hit yi an nenat hinebe wenakhinafigi iluk nelu meneat he, wene andi faget Allah aneba mel iluk lisu palogo fesukwa: Ap ekhe sumburu nemberek misi'mo ninggi lago mene yi nenat weaget nabigeluk menlaga o, iluk isukwama lisu palek werek andi legasigin lek. Eberogoat hilinglasigin.