MIKHA 7:19 - Allah Wene Fano Wene Hupla Inane

¹⁹ Nineisena, hobugen ogo nit hendawi hundik hilingninafik, ninaweak sebelogo legetfisigik ninobagagik, ikhi logoino o. A'nogo hilingninafi logolik niren ninaweak hilingiti lago mene andoma, Hat heisogen sibil sebelisaluk he i laut yenggele'ma ma'lima hugisa pino o.

MIKHA 7:19 ပူးပေါင်းရင်းမြစ်များ

2 SAMUEL 24:14

A'nogo yagatikhemo at Daud en onggo ikhi logolik he, ”Eige! An a'nogo re alomat lagi o! Oba nen he At Tuhan andi re endawi hundik hilinginafu aple andi re mondok hokho hilingi'mo afuni nen unggum noba fogoin andi re elo'lek hilingi'mo we nit ninebe mondogat At Tuhan nen unggum ninoba fagain andiat fano o,” iluk yagatikhe.

MAZMUR 103:12

Mo lagai wagarek huli nen ubuk ikherek huli eil uan andi hangge, nit weak hilingitorek mene waganogo yatmaat lakfisikherek.

MAZMUR 130:8

”Nit weak hilingitorek mene andi mondogat hele warogo fetninarek were'ma, hobuk At Allah nen telninabigin o,” iluk wuni watukwa.

MAZMUR 85:3

It hagainafuri inaweak hilingita mene andoma re Haren mondogat honggoraphogo fisegen, iren kwanirogo hilingirik laga lagaukwa mene omanogo re Haren mondogat leget fisegen.

YESAYA 33:24

Nit ninaiba nen ap misik iluk ogo ouen ekhe heinet wati logogun lek, nen weak mene mondogat he Aren sagalogo leget fisagain.

YESAYA 38:17

Ale weak mondok hikhi lagi mene andem agamhogo re nendawinggen abolo'lek fanorogo welagaikharek mene asigin o, enggin mene oba nen Haren telnafi lagen, an naweak mondogat he Harenat sebelogo leget fisikhi lagen.

YESAYA 43:25

A'nogo hilingiti lagep meneat he, An Allah nobabut he, hiren weak hilingiti lagep mene andoma sagalogo leget hinobagambik, hobuk nendawimo ebethikhi logogin mondok lego.

YEREMIA 31:20

Israel ao, hat hebe re An nomalik nendawinggen hundik mene o, nendawi hundik hilingik welagi mene, nendawinggen tulem mene welagen. An nen hat wenakhe'luk hagut palhealugen he, nendawi ou agunem hat hobaget ebet hiugu welagi. Hat he An nen mondogat nendawit habimbik fanorogo hilinghobagagin.

YEREMIA 31:34

It inebe mondogaren inalue mene inom, yenggerugwi mene inom An nebe mondogat inelu andi nen he, afuni ekhe nen it ekhe inoba An ineisena Tuhan nebe inelu asuageluk yagaisikhi logogun mondok lego. Iren mondok kwanirogo hilingiti lagaukwa mene andoma An nen sagalogo legetfisambik he, it inaweak andoma oba ekhe ebesigin mondok lego. Iluk An Tuhan nen nane mondogat igi o,” ikhe.

YEREMIA 33:8

An nen he iren weak An nelokhoma hilingiti lagaukwa mene andoma horogo herakfisagain, it inaweak inom nen ineranhogo wene lalinafi lagaukwa mene andoma inom An nen sagalogo legetfisagain o

YEREMIA 50:20

Andem sambul he Yehuda mene inom Israel mene inom he An nen afuni inagap telinabigin mene andoma inom inaweak horogo legetfisamo re, weak meneba nen mondogat horek mene logogun. Iluk An Tuhan nen nane mondogat igi o,” ikhe.

RATAPAN 3:22

Tuhan nen endawi hundik nafe mene andi re mondok-mondok logogin mene, At endawimo fanoba hilingnaferek mene andi re lek asigin mondok lek,

RATAPAN 3:32

Aren nit ninebe endawit ninaferek mene andi re huli-huli werek lek meneba endawi hundik hilingninafere'ma re, Aren enggin-fenggin ninoba fuluk mene ogore endawitninafu mondok werek.

YEHEZKIEL 18:22

At fano eberogo mene hilingite halok, at aweak mondogat sagalogo legetfisamo at ebe eluk logogin.

YEHEZKIEL 39:29

Nen An nareagun a'nogo kweisalogo it inunggulenu Israel mene inoba figi halok he An nelokhe it inelokhoma nen ekhe hina'lasigin mondok lego, iluk An Tuhan Lego Mondok welagirek mene a'nogo nen nane mondogat igi,” ikhe.

DANIEL 9:24

Inenggi yi teng ti teng kofokhogo wenatarek hak, 7 kali 70 tahun logogun andi ebe re, Afuni hat hinom hinunggulenu misigat mene hinebe o kota Allah onggwarek awi hat were'ma andoma logolik, Allah ane sagalogo hilingitik, weak hilingitik, ikhi lagep mene andi, Allah nen herakfisigik, sagalogo legetfisigik, higithogo hilingitu mondok logouwageluk esinet figik, ugunem he, Yi'nogo hilinglasigin, iluk habikanggo oba yethegen mene andi ebe agik, Allah onggwarek awi tegelek mondok welagaikhe mene weaget fesukwa mene andi hobuk fanot figik, igin mene faget, Allah nenat huli warogo fesikhesik hobuk ebe andi huliba hilingisigin mene faget hegenma o.

HOSEA 14:2

A'nogo isikhemo, an nen afuni Israel mene yagaisikhi logolik mel isigi, ”Hit afuni Israel mene yi. Hinebe nineisena Tuhan Allah oba hinambotkwe we'ni o! Hit weak hilingiti lagep oba, hineisok peikhogo hinebe warikhi lagep.

HOSEA 14:4

Ap Asyur mene nen telninabugun he lego. Nen wam kuda weim yabi lagaikharek mene andi nen telninabugun he legaro. Niren tugwi kembu ninonggwarek ninenggi nen agauwak hilingiti lago meneba yagati logolik, allah nineisena, iluk yagatorek andi hak, ikhi logogun legaro, neisena. Tuhan, Hat he afuni suarek mene hendawirinafendek mene o, neisena, iluk ayonggo fikhi logoino,” iluk yagaisasigi.

ZAKHARIA 3:4

A'nogo were'ma at malaikat a'nogo nen he pogoroba at lebethagarek mene omanogo inoba yagaisikhi logolik, ”Ap yi nen asu sinduk weak laberek werek ari nonggologo hugisani o,” ikhesik he aren Yosua ba ikhi logolik, ”Hat haweak he an nen mondogat hugisigi o, nen hat he hasu ket mene laberanogen wokhesigin o,” iluk yagati laga.

ROMA 6:14

Hit he, wene Allah nen komotninafikhe wene a'nogo oba himbirik welagep lek. We, Allah obabut fano nen endawitninaferek mene andi oba himbirik welagep andi nen he, weak mene awe a'ma logogun lego.

ROMA 8:13

Hit hinobabut afuni inobabut higit hinetogat logolik hilingiti logogun halok, hinebe mondok wa'lasugun andi. Mene re, hinobabut a'nogo hilingisu hak hilinghinafunem, Allah Areagun ayonggo fuluk, at omameba watfisikhi logogun halok he, hineluk mondok logogun o.

ULANGAN 30:3

nineisena Tuhan Allah nen endawithinabigin o. A'nogo endawithinabimbik, o hinebe pugulogo afuni inunggulenu hunogoat mene inanggele'ma lakhinobagagin oba andoma nen hinambotkwe hinobagai wesimbik he, attagat fano logogun andi hak logouwagaluk hilinghinabigin o.

ULANGAN 30:6

A'nogo hilinghinabimbik, hit hinebe inom, hiren tagongge mene inom, hinagap hinenggalimo mene palhinabu hak, hinendawinggen tegelogo hinobagaumo, hinendawinggen inom, inobabut inom misik asimbik, nineisena Tuhan Allah hinendawinggen hundik logolik, hinebe hineluk hinaiba andoma logogun o.

ULANGAN 32:36

Nineisena Enupogoren, againafuri telinabimbik, it afuni at amingmingengge mene, inomame legasimbik were'ma, it hilingisu elo'legen he, Aren eilenggen isambik endawirinabigin.

TITUS 2:14

Nit attak Allah ane herakfisaluk yi weak ti weak hilingiti lagagu andi nen ninenggi hele warek hak fetninarek were'ma, at Yesus Kristus nen he, ”It inebe an nonggwarek nagainafuri asimbik he, inobabut fano mene anggilukhogo hilingiti logouwagen, inebe hele fikhalogo inonggo paligeluk, an nebe wa'lasigin,” iluk isikhe.

IBRANI 8:12

It weak hilingitarek mene andi, an nen sebelogo legetfisaluk, hobuk nendawimo eberek logogin lego,” iluk yagaisasikhemo lisu palek werek.

1 YOHANES 3:8

Nen, at ekhe nen obabut weak hilingitu mondok welagarek halok he, at Iblis obabut eroba nenat weak hilingiri'logo andi nen he, at andi ebe re, Iblis amlogo werego. Mene re, at Allah amlogo weinamhogo wagaikhe andi re, at Iblis obabut hilingiterek mene andi, mondok sebelogo legetfisageluk wagaikhe o.