MIKHA 6:7 - Allah Wene Fano Wene Hupla Inane

⁷ Niren wam domba mondok hokho-pokhorogo inom, zaitun amusu hokho-pokhorogo inom, At obaget waluk fei wesumo nen he, At endawimo agaiyek asu haknogo a? Nit weak hilingiti lago mene andoma lek hilingisogo fouwageluk, nit ninagainafuri manggusa mene warogo Allah obaget fuluk wogosumo re higira?

MIKHA 6:7 ပူးပေါင်းရင်းမြစ်များ

2 RAJA-RAJA 16:3

At eluk logolik he it afuni Israel mene inogogwi raja-raja omanogo logolik hilingiti lagaukwa hakhogo re, aren he afuni o Kanaan oba andoma welagaukwa mene it inebe o andi kwi laga logolik Tuhan nen mugusogo wulakfisasikhe mene omanogo nen inetokhogo weak mondok hilingiti lagaukwa hakhogo, aren he onggwarek amlogo warogo kembu dewa wogetik, isikhe.

2 RAJA-RAJA 21:6

At onggwarek amlogo ogore nolengge faget iluk warogo nolhikheat. Nen andi higithogo re it hareise mene nen hilingitarek mene omanogo hilingitik, heinogenggeba heinok wanhik, afuni wa'lagu mene inaheimengge nen yaganesuageluk heinok woginabi lagik ikhi lagaikhe. A'nogo nek weak mondok hilingitu were'ma Tuhan a'mage kwelafi lagaikhe andi.

2 RAJA-RAJA 23:10

Nen arenat o Hinom tonggoma wesama iluk fogerati lagaukwaba omanogo weagarogo seramet fisasikheat. A'nogo hilingisogo fesikhe andi nen, o andoma afuni inagainafuri tugwi kembu Molokh faget fisaluk warogo noleti lagaukwa mene a'nogo, lek agaikhe.

2 RAJA-RAJA 3:27

A'nogo agaikhemo re aren onggwarek amlogo manggusa tago at onggwarek obali'mo menlasigin iluk mene a'nogo wanhikhesik kembu dewa Moab mene a'nogo faget iluk warogo o kota leget waganek mene a'nogo amboloba nen nolhikhe. A'nogo hilingitikhemo re, ap Israel mene omanogo inailo agaikhesik he it inebe hesimnorogo re o kota a'nogo herakfuluk inambotkwe inaiba wagaukwa.

AYUB 29:6

Nanggo sapi, domba inom omanogo nen he eilak amusu hokhorogo keralhi lagagi. Nen, nagayo zaitun omanogo nen he, kweang helep enggen werek kwe yak fuguba nen ogore amusu hokhorogo keralhi lagagiat.

MAZMUR 50:9

An he hit hinanggo sapi awi wuri'mo werek mene andoma faget namolo welagi fuk, athe hiren hinanggo kambing ai mene andoma misik ekhe iluk ogo namolo welagi legat.

MAZMUR 51:16

Neisena Allah telnafendek mene, an nendawimo nagaiyek hikhi logolik, haren higithogo hilingiti lagen wene andi, an nen yagaisilik laga logoigen he, noati'lek heraknobagain o.

MAZMUR 51:18

Hat he, wam warogo wokhesu re habit andi nen he, an nen Hat faget wam warogo nolhesigin mene ogore, Haren habirat andi.

AMSAL 15:8

Tuhan nen he, afuni ekhe inobabut fano hilingitarek mene nen samban ugunem inane esanggo holherek. A'nogo meneat he, it ekhe inobabut weak mene nen yi mene ti mene At faget fisugunem abit anggikherek.

AMSAL 21:3

Yi mene ti mene Tuhan obaget fagarek andi re maben hak oba nen he, tiphogo hilingitik eberogo mene hilingitik agarek andi nek he, Tuhan endawimo agaiyek anggikherek mene hilingitarek.

YESAYA 1:1

Wene yi re afuni Yehuda mene inogogwi raja-raja Uzia inom Yotam inom, Ahas inom, Hizkia inom, hobugalep ferinarek logolik welagaukwa andem oba, Allah nen it Yehuda mene inom Yerusalem mene inomen hilingisugun mene faget, Yesaya hun Amos amlogo a'nogo bene nen yagaisoageluk Allah nen weinamhogo yagatikhe.

YESAYA 40:16

Yi mene ti mene o Libanon oba eluk welagarek engge andoma re, Tuhan endawimo agaiyek hoageluk warogo nolhu mene inom emberek higitsek lek, nen e nolhu mene faget wutu mene re e wilibik mene andem emberek he higitsek legat.

YEREMIA 19:5

Iren he Baal faget mezbah wutasik inagainafuri re Baal endawimo agaiyek hoageluk warogo wogetuba faget wuta. Andi re An nen ekhe a'nogo hilingiti logoino iluk ogo isigi lek, nen a'nogo hilingiri'lagwi mene andoma re an nendawimo endephogo ekhe werek lek oba nen hilingita.

YEREMIA 6:20

Iren kemenyan amben fanongge a'nogo o Syeba nen inom, nen yi mene ti mene enduk fano mene ekhe o yatma nen inom, An faget waluk weri'lagwi andi nenahalok nogo? Andoma re tulem aro. Iren yi mene ti mene An nobaget nobagali'lagwi mene andoma re, An nen wanhi lagi mondok lek. Wam warogo nolneri'lagwi mene andoma ogore, An noba liok ili'lago legat.

YEREMIA 7:31

Mezbah misik ekhe enu Tofet andi re o Hinom Tonggoma andoma, iren kembu endawimo agaiyek hoageluk inomalik warogo nolhuba faget wutha. Andi re iren a'nogo hilingisuageluk An nen ogo ekhe yagaisigi lek oba nen, nen ariginik mene andoma re An nendawimo iluk ogo eberogo wagarek lek mene oba nen hilingita.

YEHEZKIEL 23:37

Iren babi hilingitik, ap inoatik hilingita, iren mondogat kembu inom babi lagik, An nagainafuri iren taginafa mene inoatik, aga. A'nogo inoatasik he omalik omanogo it mene inanggembu faget fisaga.

HOSEA 5:6

Iren he ineisena Tuhan ebe herasugun iluk wam, domba inom, sapi inom, At faget warogo noleri'lagwi meneat he, Aren it inebe herakfisasikhe andi nen he, hinom ambi asugun lek, andoma mondogat he alomarogo hilingiri'lagwi.

HOSEA 6:6

Hiren wam, yi mene ti mene An nobaget warogo nolneti lagep andi nabit hangge. Oba nen he, An nebe tukhumhogo hinelu agik, hinendawinggen hundik mondok welagik, ikhi logogun andi nek he, an namolo re andi o,” iluk yagaisasikhe.

IMAMAT 18:21

Haren homalik misik ekhe kembu molokh fogeratuba warogo saluak iluk wogisa fuk. A'nogo hilingisugun oba heisena Tuhan Allah a'nogo enu sebelogo fegen hanogo.

IMAMAT 20:1

Tuhan nen it afuni Israel mene inoba wene yi yagaisoageluk Musa yagati logolik, ”Afuni hit mene nen ogo nen it pok meneba nen hinanggelekwe welagaikharek mene ogo inomalik warogo kembu enu Molokh andi wogetu halok he, afuni inebe mondogen huk helep oba wasumo ebe pinggi wa'lasigin.

AMOS 5:22

Hiren wam, sue inom, gandum inom, An faget nobagaluk nolnesuogoluk waluk wesugun halok, An nen wanigin mondok lego. Nen, hiren An nane sagalogo weak hilingitigip mene andi faget, ninom lambuluogoluk hinanggo sei hokho mene warogo nolnesi wesugun mene re, An nen wanigin mondok legaro.

FILEMON 1:12

Andi nen, at ebe an nendawinggen tulem mene ambotkwe hoba lakfei wagi andi o.

HAKIM–HAKIM 11:31

it inomame leget fisaluk an nebe nagap telek naiba wesigin halok he, ap ekhe fem attak-attak an wagunem nelokhoma nawiloba nen wulibi lagain mene andi re, Tuhan hendawimo hagaiyekhogo iluk warogo nolhetu mene wokhesigin o,” iluk yagatikhe.

HAKIM–HAKIM 11:39

Le arik nugu kwelek tugi pire agaikhemo re, at ebe eisena were'ma ambotkwe wagaikhemo, eisena nen he Tuhan inom wene watukwa higithogo hilingitikhe. Andiba re hele tugum a'nogo ap agap onggorengge welagaikhesik ebe wa'lagaikhe. A'nogo hilingitukwa andi nen he helime tugum it Israel mene nen he tahun hundik-hundik oba re

1 SAMUEL 15:22

A'nogo yagatikhe meneat he, at Samuel en he, ”At nineisena Tuhan amolore, At ane hologo hilingisugun andi esin a? Athe, wam warogo nolesugun andi esin a. At nineisena Tuhan ane hologo hilingisugun andi esin mondok meneat he, at wam warogo nolesugun andi re elo'lek hangge o. Wam asei andi re elo'lek hak oba nen he, yi'nogo hilingi'no iluk ikherek mene andi hologo hilingitu mene nek he mondok fano o.