MIKHA 6:6 - Allah Wene Fano Wene Hupla Inane

⁶ Niren nineindep awi yagaisogo nineisena Tuhan Allah pogoroba mene a'nogo obaget hilingisuogeluk he, nena mene wogosi waga logogun nogo? Niren At obaget endawimo agaiyek hoageluk wam warogo noleti logolik he, wam sapi ket kotorek mene warogo nolesu hak anggegep?

MIKHA 6:6 ပူးပေါင်းရင်းမြစ်များ

2 SAMUEL 21:3

it inoba heinok wogisikhi logolik,” Hiren afuni Tuhan againafuri fanot fisikhi logobagaigen he, an nen hit hinoba weaget hinafi lagaukwa mene faget onggo fagain anggigi hilingi'mo re, hit hinoba ninggi'nogo mene hilingisiok?” iluk yagaisasikhe.

MAZMUR 116:12

Neisena Tuhan nen, an noba fanorogo hilingnaferek andi faget an nen onggo nena mene wogosigin nogo?

MAZMUR 95:2

Niren wuni hai watu awuni warik-warik At were'ma louwogen we'ni o, wuni At fogeratu awuni ikhi logolik hinagaiyege'ni.

MAZMUR 95:6

Andi nen he At elokhoma ninelokhe sogoum fogerasuogen we'ni o, Nineisena pogot kweang yi mene ti mene mondogat elalhikhe mene andi nineindep awi yagaisogo fogerasuogo.

KELUARAN 12:5

Hiren he, wam domba a, athe kambing a, ekhe wendeberogo fogoin higit mene at he, ebe ai mene umur satu tahun mene esi ebe mondok fano mene halok wendeberogo fogoin o.

KELUARAN 23:15

Tugi Abib andi oba re, huli warek werek higithogo hiren Roti Fiterek Lek mene, Linggene Esin mene An nen hilingiti logouwageluk melalhinobagasigi higithogo seni isati logogun andi, ero re tugi andiba hit o Mesir herakfuluk wulibi wagagip andiba re a'nogo hilingiti logogun. Hiren hinenggi sabiren andem oba An napne wanhi logolik roti fiterek meneba weragongge ninggi lagou fuk. Nen hiren An were'ma andogosi waga logolik he, hundik-handik andoma An nobaget fugu meneet waluk waga logoino.

AMSAL 15:8

Tuhan nen he, afuni ekhe inobabut fano hilingitarek mene nen samban ugunem inane esanggo holherek. A'nogo meneat he, it ekhe inobabut weak mene nen yi mene ti mene At faget fisugunem abit anggikherek.

AMSAL 21:3

Yi mene ti mene Tuhan obaget fagarek andi re maben hak oba nen he, tiphogo hilingitik eberogo mene hilingitik agarek andi nek he, Tuhan endawimo agaiyek anggikherek mene hilingitarek.

YESAYA 40:16

Yi mene ti mene o Libanon oba eluk welagarek engge andoma re, Tuhan endawimo agaiyek hoageluk warogo nolhu mene inom emberek higitsek lek, nen e nolhu mene faget wutu mene re e wilibik mene andem emberek he higitsek legat.

YEREMIA 6:20

Iren kemenyan amben fanongge a'nogo o Syeba nen inom, nen yi mene ti mene enduk fano mene ekhe o yatma nen inom, An faget waluk weri'lagwi andi nenahalok nogo? Andoma re tulem aro. Iren yi mene ti mene An nobaget nobagali'lagwi mene andoma re, An nen wanhi lagi mondok lek. Wam warogo nolneri'lagwi mene andoma ogore, An noba liok ili'lago legat.

YEHEZKIEL 46:9

Agamhogo re, afuni linggene hokho meneba Tuhan fogerasuogeluk andogosi we'luk he kwe ambe palek utara fikhit andi bene nen kwikhi logogun, nen inawilokwe inambotkwe wilibuogeluk halok he kwe abel selatan fikhit andi nen wulibi laga logogun. Nen it kwe abel selatan fikhit andi nen kwi lagu mene re wilibuogeluk halok he utara fikhit andi nen wulibi laga logogun. Afuni re ebekhe kwikhi logogun kwe andi nen wilifi logoinogo, athe ebekhe obakhe tekhogo andi meneba wilifi logogun fano.

DANIEL 3:26

Andi nen at Nebukadnezar ebe endu fesukwaba kwe ambeba a'nogo lagaikhesik, ane hokho mene kweti logolik mel isikhe: ”Sadrakh, Mesakh, Abednego, hit hinebe Allah Lego Mondok welagarek mene a'nogo amingmingengge mene yi sani. Hit hinebe endumo ari nen wulibi we'ni a,” iluk ane kwetikhemo it aremnogo wulibi wagaukwa.

DANIEL 4:9

Beltsazar. Ap wene hobuk hilinglasigin mene faget yagaisagarek mene inoe yi. Nagore. Hat he afuni ekhe nen, Nineisena tegelek mondok welagarek mene ebe yi aro iluk fogeratarek mene a'nogo areagun hendawimo peterogo were'ma re, yi wene ti wene ekhe hat heilhanem hinago welagarek mondok lek andi re an nelu o. Ma re, an nen nabi higi mene tindelogo yagahesigin andi re, hesanggo holimbik, ’Ebe ti'nogo hilinglasigin mene faget hegenma o,’ iluk yagane'no.

DANIEL 5:18

At Allah Lego Mondok werek mene a'nogo nen hat heisena Nebukadnezar ebe kain enupogot logouwagaluk menfesikhesik afuni at enggiba ferinarek logouwagaluk wogotik, enu hokho were'ma fogerati logouwagaluk hilingisogo figik, isikhe andi.

DANIEL 5:21

At ebe afuni inoba nen mugusogo wulakfisasukwama, obabut wam obabut hangge hilinglagaikhe. At ebe wam keledai maro mene inom enggama andoma welagik, sapi nen engga ninggerek hak ninggik, hilingiti logolik, enda'ma nogo ugu mondok were'ma henanggaluk pogoroba nen ebene sali pi waga lagaikhe. A'nogo welagaikhesigen, aren ikhi logolik, Ap inenupogot logolik afuni ferinarek welagaikharek andi re, at Allah Lego Mondok welagarek mene enggiba welagaikhare'ma higi. A'nogo enggiba logolik Aren, At andi hak ebe raja logouwak, iluk anggikherek higithogoat ebe kain inoe raja logouwageluk menfisikhere'ma higi o, iluk ambeba nen fakhogo isikhe.

HOSEA 5:6

Iren he ineisena Tuhan ebe herasugun iluk wam, domba inom, sapi inom, At faget warogo noleri'lagwi meneat he, Aren it inebe herakfisasikhe andi nen he, hinom ambi asugun lek, andoma mondogat he alomarogo hilingiri'lagwi.

AMOS 5:22

Hiren wam, sue inom, gandum inom, An faget nobagaluk nolnesuogoluk waluk wesugun halok, An nen wanigin mondok lego. Nen, hiren An nane sagalogo weak hilingitigip mene andi faget, ninom lambuluogoluk hinanggo sei hokho mene warogo nolnesi wesugun mene re, An nen wanigin mondok legaro.

MATIUS 19:16

At Yesus a'nogo lagaikhesik were'ma, ap ekhe oba wagaikhesik he, mel yagatikhe: ”Guru, noe. An nabulal-habulal hilingnabuagen he, an nobabut hilingiti logogin he, fano ki hangge hilingiti logogin anggegen,” iluk yagatikhemo,

MARKUS 12:33

Halok he, at Allah anggo warogo ebe abirengge endumo noletik, yi mene ti mene at faget fisigik, ikhi logogun elo'lek hak, mene re, ninendawinggen inom, ninebe inom, ninomame inom, misigat a'luk, at Allah ebe ninendawinggen hundik logolik he, it afuni ekhe ninom welagorek mene ninonggwarek ninebe hangge ninendawinggen hundik logogun andi esin aro” iluk yagatikhemo,

MARKUS 5:7

”Yesus Allah Enupogot amlogo yi, ninggi'nogo hilingnabigeluk wagen,” iluk yagatikhemo, at Yesus nen he, ”Munggwarengge hobabut weak mene yi, ap yi endawimo nen henegeisogo wulibi lan o,” iluk yagatunem, at a'nogo ane hokhorogo ikhi logolik, ”Eige. Nabire. Allah oage. Weagetnafun,” iluk ane hokhorogo isikhe.

LUKAS 10:25

Wene a'nogo yagaisikhi lagaikhemo re, hobuk ap Allah ane lisu palek yagaisikhi lagaikhe mene ekhe Yesus obabut paligeluk oba wagaikhesik he, mel yagatikhe: ”Noe. An neluk mondok logoigen he, nobabut ninggi'nogo hilingiti logoik he,” iluk yagatikhemo,

YOHANES 6:26

Aren he, mel iluk yagaisasikhe, ”An nebe futnobagauwageluk elalin mene hilingitunem hineilnggen neegep a'nogo nen hera'nabik wagep fuk. Lego. Sumburu roti mene sumburogo wokhisigimo hinalabut ninghogo nenggep a'nogo nenat hera'nabik wagep hisigi o, iluk eberogoat yagahisigi.

KISAH PARA RASUL 16:17

Nit Paulus ninom lagunem, at helenggerek andi ninombo'neat lagaikhe. Laga logolik he, ane hokhorogoat afuni mel yagaisasikhe: ”It ap yi inebe Tuhan Allah amingmingengge welagaikharek mene nen wene hinebe telhinabigin wene yagahisuogeluk wagaikha o,” iluk yagaisasikhe.

KISAH PARA RASUL 16:30

Hobuk, at kain a'nogo menlagaikhesik, inebe woginarek wulibi wagaikhesik he, mel yagaisasikhe: ”Nogogwi. An nebe Allah nen telnabuageluk nobabut ninggi'nogo hilingisik,” iluk yagaisasikhemo re,

KISAH PARA RASUL 2:37

A'nogo yagaisasikhemo, inesanggo holhukwasik, wene andiba inendawinggen abolok isikhemo re, iren Petrus inom, it ekhe Yesus nen wenagaisogo inayonggo fuluk lakfisasikhe mene ekhe inom, yagaisikhi logolik he, ”Nagaila'lak. Nit ninobabut ninggi'nogo hilingisu,” iluk yagaisasukwa.

EFESUS 3:14

Andi nenat, an neisena Allah eilhanem neindep awi yagaisogo ayonggo fikhi lagi.

IBRANI 10:11

It ap Allah eisewerek inebe lombogen afuni faget hilingiti logolik he, hundik-handik hobugalep wam wareti lagaukwa andi mene nek warogo Allah wogeti lagaukwa andi nen, Allah nen it weak hilingiti lagaukwa mene korogo wokhagain he, mondok elo'lek agaikhe andi o.

1 SAMUEL 15:22

A'nogo yagatikhe meneat he, at Samuel en he, ”At nineisena Tuhan amolore, At ane hologo hilingisugun andi esin a? Athe, wam warogo nolesugun andi esin a. At nineisena Tuhan ane hologo hilingisugun andi esin mondok meneat he, at wam warogo nolesugun andi re elo'lek hangge o. Wam asei andi re elo'lek hak oba nen he, yi'nogo hilingi'no iluk ikherek mene andi hologo hilingitu mene nek he mondok fano o.