MIKHA 6:5 - Allah Wene Fano Wene Hupla Inane

⁵ Nagainafuri e. Hun raja Balak awi Moab mene a'nogo nen hinombawi weagetfisagain iluk hilingitikhemo nen ap Beor amlogo Biliam a'nogo nen onggo yagatikhe mene aremnogo eberek logoino. Nen, o Sitim o tenda meneba wuri'mo welagaukwasigen hobuk o Gilgal o tenda wusuogeluk tulem andoma waga logolik, hilingitukwa mene andi hinendawimo eberek logoino aro. A'nogo eberek logogun halok he, An nen telhinabigin iluk hilingiti lagi mene andi fut fogoin o,” iluk isikhe.

MIKHA 6:5 ပူးပေါင်းရင်းမြစ်များ

MAZMUR 111:4

At Tuhan andi re afuni endawi hundik hilinginafik, inelagaik isigik, hilingiterek, niren hundik-handik eberek mondok logouwageluk, Aren he afuni nen fogerasu mene omanogo nek hilingiterek.

MAZMUR 143:11

Tuhan neisena, Haren wene watnisasigin mene higithogo telnabin o, Haren fano hilinginafendek mene a'nogoba an enggin-fenggin noba agama welagi mene yi lologo nobagain o.

MAZMUR 36:10

Afuni yi mene ti mene ineluk werek mene andi ineluk erore we Hat hamuat welagen, Hat haselek oba nek niren selek mene hikhi lago.

MAZMUR 71:19

Neisena Allah, Haren katokhogo hilingiti lagen mene andi re pogot eil uan andi hak hilingik, nen Haren hilingiti lagen mene andoma re mondok hokho pokhorogo hilingi'mo re, ap sa hagen Hat hebe hilingik welagen mene faget mondogat futhobagau hak nogo? Mondok elo'lego.

YESAYA 1:27

Tuhan he katokhogo hilingiterek mene hilingi'mo re Arenat hit Yerusalem mene nit weak hilingitoma o, iluk hinendawinggen warugunem hinagap telhinabigin o. Oba nen he,

BILANGAN 22:41

A'nogo wogisasikhemo ohealekwe re, at Balak en Bileam waluk he tom enu Bamot Baal andiba lagasikhemo, tom andiba nen at Bileam afuni Israel mene inebe eilenggen elok yerisasikhe.

BILANGAN 23:27

Hobuk at Balak en Bileam mel yagatikhe: ”Nit o ekhema louwogo. O andoma nen, haren afuni Israel mene an faget homan fisanogen iluk Allah nen hilinghobagau mene faget hanogo,” iluk yagatikhe.

BILANGAN 25:1

Inunggulenu Israel mene a'nogo o Sitim Tonggoma esanggo fikhit andoma werek kwelek, it ap Israel mene nen hemi o Moab mene inom pailak hilingitukwa.

BILANGAN 25:2

Hemi omanogo nen he it ap omanogo hondoginarek inanggembu obaget inangge yi mene ti mene warogo nolfuluk fogeratarek oba omanogo louwogen iluk miminginafi lagaukwa. Nen ap Israel mene ogo re kembu omanogo fogerati logolik he, warogo nolhungge omanogo ogo ninggi logolik kembu it ap Moab mene nen omanogo fogerati lagaukwa.

BILANGAN 31:16

It hemi andoma nen he at Bileam ane komo wene isikhe mene holfuluk hilingitukwa andi nen o Peor omanogo afuni Israel mene Tuhan herakfisoageluk inendawimo kagalhukwa lek nogo? Andi hilingitukwaba re Tuhan nen afuni Israel mene inoba enggin-fenggin lakfei wagaikhe anggigi!

BILANGAN 31:8

Andi re it raja Midian mene inebe fuaben mene inenu re Ewi, Rekem, Zur, Hur, Reba inom aremnogo inom inoatukwa. Bileam hun Beor amlogo a'nogo ogo re watukwaat.

EFESUS 2:11

Hit attak he, hinebe endakwe mene welagagip andi, hinendawimo ebe'ni. It ap Yahudi mene afuni ineranen inagap inenggalimo mene palinafukwa mene andi nen, hit faget he, ”Inagap inenggalimo mene palek lek mene,” iluk ikhi lagaukwa.

ULANGAN 16:3

Wam linggene Paskah faget iluk watu mene andi re roti fiterek lek meneba weragongge inom ninggi logogun. Hit o Mesir herakfuluk hale'legengge wulibi waga logolik hilingitigip higithogo roti fiterek lek meneba werago mene andi re, linggene sabiren oba logolik ninggi logogun. Hit hinebe hineluk logolik o Mesir enggin-fenggin hikhi lagagip oba omanogo herak fisaluk wulibi wagagip sambul a'nogo faget ebethikhi logobagorigen he, roti enu enggin-fenggin andi ninggi logoino.

ULANGAN 23:6

Hit hineluk logolik inom, nen logogun huli andoma inom ogore it afuni andi inunggulenu lombok logogun mene andoma leberisigik, inenggi werek hilinginafik u fuk.

ULANGAN 8:18

We, nineisena Tuhan Allah nen yi mene ti mene yoma wo'nisili'lago higi, iluk hinendawimo eberek logogun o. Aren ninombalak yagaisikhi logolik, an nen hit yi'nogo hilinghinafi logogin, iluk wene warisasikhe andi nen, a'nogo hilinghinafu mondok huli yogondak hinoba eberek mondok werek andi.

ULANGAN 8:2

At nineisena Tuhan Allah nen he, hit hinendawimo anggaluk ninggi'nogo hilingisugun. Wene an nen, yi'nogo hilingiti logoino, ti'nogo hilingiti logoino, iluk komothinafi wene andi hologo higithogo hilingiti logogun a? Lega, iluk hinobabut paligiluk, kwe yatkwe nenat o leimo afuni lekwe wokhinarek wagu kwelek, 40 tahun hilinglaga andi hinendawimo ebe'ni o.

ULANGAN 9:7

Hiren o Mesir herakfuluk o leimo afuni inebe lekwe waga lagepsik, pikhit o yoma wagep huli nen, nineisena Tuhan Allah a'mage lagauwageluk hinom weim higit hilingirik wagep a'nogo hinendawimo ebe'ni o.

YOSUA 2:1

A'nogo yagatukwama, at Yosua nen o Sitim en ap inebe pire mene o Kanaan ineil penesi loageluk inayonggo fuluk wulakfisa wagaikhe. Ap inebe pire andem wulakfisa waga logolik, ”Hinebe hinagaisogo lambik, o Kanaan andoma ebe esin hangge re, o Yerikho andoma hineil fanorogo pene'no o,” iluk yagaisasikhemo ap aremnogo o kota a'nogo wulibi wagaukwasik, he yanani nilik nikhi lagaikhe mene enu Rahab aiba kwisukwasik welagaukwa.

YOSUA 3:1

A'nogo yagatukwama, ohealekwe re, at Yosua ebe inom, it afuni Israel mene mondogat inom, huberat siakhogo ineluk a'luk he, o Sitim o su mene wutukwaba andoma herakfuluk i Yordan ima wagaukwa. Wagaukwasik, i palogo wulibi logoin oba oan asi wagi'legen nenangoti logolik o su mene andoma wutukwa.

YOSUA 4:19

A'nogo hilingfesikhemo, it afuni Israel mene i aik yikwe wulibi wagaukwa andire, tugi iren attak wenati lagaukwa mene a'nogoba tanggal 10 ba wulibi wagaukwa. A'nogo wulibi wagaukwasik, inawi su mene o Gilgal o Yerikho abel mo liabi wagarek higit andoma wutukwa.

2 PETRUS 2:15

It andi re, kwe higithogo lagaikharekwe andi herakfisaluk he, attagat at Bileam Beor amlogo kwe kwanirogo lagaikhe andi kwe laga logogun andi. At Bileam endawimo nen he, ”An weak hilingitunem onggo wo'nesuak,” iluk endawimo amolo anggasikhemo,

1 YOHANES 1:9

Mene re, nit weak hilingito mene fakhogo fogoin halok, at obabut higit mondok logolik, wene wa'nisikherek hagat hilingiterek andi nen he, nit weak hilingitorek mene sebelogo legetfisaluk, weak hilingisuogeluk ninendawimo ebetorek mene sobalninaferek.

YUDAS 1:11

It andi Allah nen weagerinabigin o! Attagat Kain hilingitikhe andi hak ombo'ne lili'lagwi andi. At Bileam weak hilingitikhe andi hak, inonggwaregen uang saburogo heluogeluk, a'nogoat hilingiri'lagwi. At Kora nen Allah faget, ”Anat hilingiti logogin,” iluk it ekhe sebelfisageluk hilingitikhe andi hak hilingiri'lagwi andiba, inebe nong akhili'lagwi andi.

WAHYU 2:14

A'nogo meneat he, wene endebat ekhe an nabit mene hilingiti lagep mene andi yagahisago. Fageat afuni Israel mene inebe weak asuageluk, wam tugwi anggo warek mene kurik ninggik, pailak fakfisigik, uageluk, ap Bileam en Balak yagatikhemo, aren inendawimo kagalhi lagaikhe mene andi, hit ekhe at awene andi fisogo welagep higi.

HAKIM–HAKIM 11:25

Haren anggikhi logolik he, at Balak hun Zipor amlogo raja Moab mene a'nogo re weak hangge, nen an enek he fano welagi iluk anggikhi logolik ikhi lagen a? At Balak en ane wurik agik, nit ninom weim yafik igi'lek.

HAKIM–HAKIM 5:11

A'nogo yagaisilik lagunem, afuni i mogo habuli'mo wuni watu mondok logolik, nineisena Tuhan nen ninaselei mene mabenet fesikhemo, At againafuri Israel mene ninomame agosik, iluk agap sagalogo yagaisilik laga logoino. O kota leget ambe palekwe erathigik weri'lagwi.

1 SAMUEL 12:7

Andi nen he, yogondak hinebe an nen nineisena Tuhan eilhanem wene ekhe hinoba fugunemen lobagaigen he, lagubo. Nineisena Tuhan obabut fano nen hit hinombalak hinom faget hilingiri'lago mene andi mondogat hinendawimo eberek logoino o.