MIKHA 6:4 - Allah Wene Fano Wene Hupla Inane

⁴ An nen he, hit hinombawi afuni Mesir mene nen inamingmingengge higit ferinarek were'ma, telinafigisik, Musa inom, Harun inom, Miriam inomen woginarek wesuageluk inayonggo fisasigi.

MIKHA 6:4 ပူးပေါင်းရင်းမြစ်များ

2 SAMUEL 7:23

Afuni inunggulenu lombok o yi awi ti awi welagaikharek mene andi, nit afuni Israel mene ninom higit lego. Nit afuni ninunggulenu Israel mene andiat hat honggwarek hagainafuri logouwagaluk afuni Mesir mene nen inamingmingengge higit fetninarek were'ma, telninafigin mene nit ninamunek welago o. Nit faget elalin mene hokhorogoat hilingitigin andiba, henu o yi awi ti awi mondogat lili'lago andi, neisena. Hat hagainafuri weim yabik wagunem, afuni inunggulenu hunogoat mene inebe inom, it inandugwi kembu inom, mugusogo wulakfisasigin andi.

MAZMUR 77:20

Hat hebere i laut agum founalhukwe ambolebene andoma lagendek, oba nen Heisok sebelhukwe re obalik werek lek.

KELUARAN 12:51

Linggene andi sambul he, Tuhan nen it afuni Israel mene mondogat o Mesir en woginarek wulibi wagaikhe.

KELUARAN 3:10

Haren An nagainafuri Israel mene o andoma nen woginarek wulibi we'nogen he, yogondak ap raja Firaun a'nogo oba lan o,” iluk ayonggo fesikhe.

KELUARAN 4:10

A'nogo yagatikhe meneat he, at Musa nen he, ”Eige, Neisena. An he, o attak huli nen yogondak huli nane higithogo igirek le'ma re, hobuk haren yaganesumo nen nane higithogo u elo'lego. An nane mondok ebet-ebet logolik abiweak hilingi'mo re nambe enggin o,” iluk yagatikhe.

KELUARAN 4:16

Aren he, hat henuba it afuni ineilhanem yagaisoago. Hat he, Allah higit a'luk, At igin mene at yagatu kwelek aren hebelogo afuni yagaisikhi logouwago.

KELUARAN 6:27

Tuhan nen at Musa o Mesir en yagati logolik,

YEREMIA 32:21

Hat Homame hokho mene a'nogoba hagainafuri o Mesir en woginarek wulibi wagagin. Hat henggi pisat haluk homame hokho meneba, hilingisu elo'lek mene, elalin mene wesa polanhogo hilingitunem he afuni haselei mene re inoak leiget fisikhi lagagin.

AMOS 2:10

An nen hit hinebe o Mesir en wokhinarek wulibi wagagisik, o leikwe afuni mondogat lekwe nen wokhinarek wagu kwelek 40 tahun hilinglagaikhe. A'nogo wokhinarek wagagisik, afuni Amori mene inaiba yoma hit eise asubagaigiluk wokhisasigi.

BILANGAN 12:1

Attagat Musa agwe o Kus mene helasikhe andi nen oba lisin, at Miryam Harun emberegen Musa abok weak ikhi logolik,

BILANGAN 33:1

It afuni Israel mene o Mesir herakfuluk wulibi wagaukwasik, it inunggulenu omanogo tomok logalogo wagunem it Musa Harun emberegen woginarek he, o sabu ya wutik ta wutik hilingirik wagaukwa.

KISAH PARA RASUL 7:36

Ayonggo fuluk lakfesikhemo re, afuni Israel mene inebe woginarek wulibi wagaikhe andi, at Musa nen aro. Woginarek wulibi waga logolik he, o Mesir andoma inom, i yenggelek enu Laut Merah andi inom, o leimo afuni le'ma andoma, o mo lagagik pigik ugu kwelek 40 tahun logolik inom, it afuni nen wene futfouwageluk ekhe hilingisu lek mene elalinat hilingirik wagaikhe andi, at Musa nen aro.

ULANGAN 15:15

Hit ogore attak o Mesir afuni inamingmingengge were'ma nen At hineisena Tuhan Allah nen lologo wulak hinobagai wagaikhe a'nogo ebet hano. Andiba re an nen wene melalek yi hit hinoba yagahisikhi lagi.

ULANGAN 24:18

Hit hinebe afuni Mesir mene nen inamingmingengge higit fethinarek welagaukwa a'nogo hinendawimo ebe'ni o. A'nogo were'ma, at hineisena Tuhan Allah nen wokhinarek wulibi wagaikhesik telhinafikhe andi nen he, hiren wene palek oba loukhogo hilingiti logogun mene komorogo wene afe halogo figi yi o.

ULANGAN 4:20

A'nogo meneat he, hirenek he, o Mesir en yi enggin ti enggin mondok weak hikhi lagagip oba andoma nen telhinafikhesik, hinebe yogondak At onggwarek againafuri welagep andi hakhogoat logoubagaigeluk, o andoma nen wokhinarek wulibi wagaikhe andi.

ULANGAN 4:34

Nit nineisena Tuhan Allah nen ailo agi'lek hit hinebe afuni Mesir mene inanggele'ma fethinarek were'ma At onggwarek againafuri asuageluk wokhinafikhe andi hangge, afuni inunggulenu hunogoat mene ekhe ineisena nen a'nogo ekhe hilingitikhe nogo? Mondok lego. Nit nineisena Allah omameba re, afuni nit ninaselei mene andi yi enggin ti enggin inoba figik, weim yafi logolik inoatik, elalin mene hokhorogo hilingitik, inailo mene hokhorogo hilingitik, ugunem hineilenggen nen tomok hasigip andi.

ULANGAN 5:6

’Hit afuni Mesir mene nen sebelhinarek were'ma wokhinarek wulibi wagagi mene hineisena Tuhan Allah a'nogo An aro.

ULANGAN 7:8

A'nogo meneat he, nineisena Tuhan hinebe mondok endawi nen, Yi'nogo hilinghinabigin, iluk ninombalak wene warisasikhe mene andi, ebe tiphogo hilinglasuageluk hinebe wenagaisogo hinobagaigeluk hinayonggo fesikhe o. Hinayonggo a'nogo fesikhe andi nen, hit hinebe afuni Mesir mene inoe kain enupogot Firaun amingmingengge higit logouwageluk fethinarek were'ma nineisena Tuhan omame mondok hokho andiba telhinafikhesik wokhinarek wulibi wagaikhe andi.

ULANGAN 9:26

Neisena Tuhan Allah Esin Lego welagen mene neisena. Hat honggwarek hagainafuri andi it afuni o Mesir mene nen inamingmingengge hangge ferinarek were'ma homame hokho a'nogoba telogo woginarek wulibi wagagin mo re, inebe legetfisagun o.

1 SAMUEL 12:6

A'nogo yagatukwama, at Samuel en wene ekhe mel yagaisasikheat: ”Nineisena Tuhan nen Musa Harun emberek wenaginafikhesik, hit hinombalak o Mesir en woginarek wulibi wagaikhe o.