MIKHA 6:16 - Allah Wene Fano Wene Hupla Inane

¹⁶ Andoma mondogat a'nogo nek hikhi logogun andi re, hiren hun raja Omri inom, at amlogo raja Ahab inomen inobabut mondok weak hilingiti lagaukwa mene omanogo ilirenggerogo nek hilingiti lagep. Nen, ekhe re iren hilingiri'lagwi mene omanogo hiren ogo hilingiti lagebat. Andiba re, An nen hit hinebe mondogat weagerogo hinobagaumo re, yi afuni ti afuni inunggulenu lombogen piliphogo pelakhinafi logolik hinebe weaget hinobagakhi logogun o,” iluk yagaisasikhe.

MIKHA 6:16 ပူးပေါင်းရင်းမြစ်များ

1RAJA-RAJA 18:4

Aren he Izebel en ap nabi-nabi Tuhan ane yagaisikhi lagaukwa mene omanogo inebe mondok inoatunem, at Obaja andi nen he, it ap andi mene inebe 100 mene re, 50 fena minggilogo oumo ekhema hinakfisigik, nen 50 fena oumo ekhema hinakfisigik, isikhesik inamburu inom, inagai inom, wogisikhi lagaikhe.)

1RAJA-RAJA 9:8

O An nobaget hilingiti logogun oba yi mondok meisak lambukhogo hilingfoumo were'ma, afuni kwe yi kwe lagik-wagik ikhi logogun mene nen ina'manggen laluk inali'lip aga logogin o. A'nogo hilingiti logolik he, mel ikhi logogun: Tuhan nen, o yoma elokhonggen weagetfigik, o wurik yi, weagetfigik, ikhe andi nenahalok?

2 RAJA-RAJA 16:3

At eluk logolik he it afuni Israel mene inogogwi raja-raja omanogo logolik hilingiti lagaukwa hakhogo re, aren he afuni o Kanaan oba andoma welagaukwa mene it inebe o andi kwi laga logolik Tuhan nen mugusogo wulakfisasikhe mene omanogo nen inetokhogo weak mondok hilingiti lagaukwa hakhogo, aren he onggwarek amlogo warogo kembu dewa wogetik, isikhe.

2 RAJA-RAJA 21:3

Afuni nen kembu fogerati lagaukwa kwe inom, kembu Baal faget hilingiti logolik wam warogo nolhi lagaukwa mene mezbah omanogo inom, at eisena Hizkia nen mondok wolelenggen tagalogo hilingfesikhe mene omanogo inom he aren nekhengge wutik, kembu dewi Asyera a'nogo alik hilingisogo wutik, nen ap Ahab raja Israel mene a'nogo nen hilingiti lagaikhe hak he, hesagalenggen apne wanhik, ikhi lagaikhe.

2 TAWARIKH 22:4

At Ahazia eisena wa'lagaikheba andem he it hun Ahab eisok erokwe mene omanogo re Ahazia komotu mene agaukwasik komotunem he, it Ahab eisok erokwe mene andoma nen hilingiti lagaukwa hakhogo re at Ahazia ogo Tuhan elokhoma kwanirogo nek hilingiti lagaikhe. At Ahazia ebere it komoti lagaukwa mene andoma nen alomarogo fesukwa.

MAZMUR 1:1

Afuni ekhe inobabut he, it ekhe weak hilingitarek mene nen, komorinafunem inane holhi'lek, weak hilingitarek mene inobabut wanhi'lek, Allah inendawimo serametfisagarek mene inom huniti'lek herakfisaluk Tuhan nen ”Yi'nogo hilingiti logoino ti'nogo hilingiti logoino,” iluk komorinafikhe wene andi inendawimo inagaiyekhogo hilingiti logolik hup hundik lingge hundik, wene andi enu salogo oba ebetu mondok welagaikharek mene andi, hobuk Allah nen fanorinafunem inendawimo inagaiyek asugun o.

MAZMUR 44:13

Nit hagainafuri omanogo we onggo legat endep meneba wokninafigin. Nen a'nogo hilingitigin oba ambisangma ebe agaikhe mondok lek.

MAZMUR 44:14

It afuni nit ninom horok-horokwe werek mene nen ninom eilhogo puliapninafi logouwageluk hilingninobagegen. Nen iren he endo yagaisogo ninobagagik, asegen wo'ninafik ili'lagwi andi.

YESAYA 25:8

Tuhan Omame Mondok Hokho mene a'nogo nen he wa'lagaikharek mene a'nogo mondok-mondogat lek hilingisogo fagain! Aren he afuni inelokhe lombok it ineil amusu mondogat terinabigin. Nen, At againafuri o kweangma yoma nen sebelogo fisugunem welagaikharek mene omanogo inoba nen waganogo lakfisagain. Tuhan nen hilingisigin iluk ane mondogat ikhe mene andi re eberogo nenat hilingisigin.

YESAYA 9:16

Ma re it inunggulenu andi mene re, mondogat Tuhan herakfuluk lagik, nonghong igik, hiling lagaikha, nen it inane ugu mene andoma mondogat he kwanirogo nek ili'lagwi. Andiba re, it ap souge mene inanggele'ma nen he, Tuhan en misik iluk ogo ekhe tindel fisagain mondok lek. Nen, aren he it hemi sogwe inom yenggerugwi suarek mene inom endawirinabigin legat. It he, At Tuhan a'mage lagagunem he eberogo nenat unggum inoba fagain aro.

YEREMIA 19:8

An nen kota yiba re enggin-fenggin mondok hokho mene lakfei wesumo re afuni kwe andoma kwe lagu mene nen inebe lombogen he youk laluk inamelmel enek aga logogun.

YEREMIA 25:18

Yerusalem inom, o Yehuda ba nen kota abirengge andoma inom, ap raja-raja inom, kaindek yabu legoma hilingitarek inap inom he an nen anggur agai a'nogo noageluk wogisugunem nunggunem he it inebe re lei mondok pirimhogo esi lek andi higit aga lagaikha. Nen, yogondak huli nen he it inenu igisogo aben homan fisagarek.

YEREMIA 25:9

”An nen he it inunggulenu mene o utara fikhit werek mene inebe mondogat inom, nen An namingmingengge Nebukadnezar raja Babel mene a'nogo inom wolinabigin o. A'nogo wolinabimbik he An nen it andi lirinarek he afuni o Yehuda ba werek mene andoma inom, inunggulenu it inera'lukwe werek mene andoma mondogat inom An nen legaphogo fisambik, mondok-mondogat wolelenggenhogo lakfisagain. Afuni ineilenggen isogoin mene nen he inailo nen inamelmel hikhi logogun. iluk An Tuhan nen nane mondogat igi o,” ikhe.

YEREMIA 29:18

An nen it inebe weim en inom, sumburu ouwagen inom, ou amben weak mene nen inom, siginarek muginarek nugunem he yi afuni ti afuni inunggulenu lombok inanggweangma welagaikharek mene andoma nen it inoba hilingik mene andoma ineilenggen isaluk inamel-mel enek aga logogun. An nen mondogat telfol isagain kwe andoma afuni nen it inoba hilingik mene andoma isaluk he inamel-melhogo inailoti logogun. It he aben puliap inafi logolik homan ikfisouwogeluk he it inenu ulugen homan ikfisikhi logogun.

YEREMIA 51:51

Hiren ikhi logolik,” Nit he afuni nen wena'nisikhi logolik, ninenggali warogo hilingninabi'lagwi o. Nit he Tuhan awi wuri'mo senggelek horek meneba omanogo re ap pok mene hu'lasi kwagama re ninelokhe enggali aga o,” iluk ikhi lagep.

YEREMIA 7:24

Oba nen he, iren holhi'legengge hilingitik, fut figi'lek welagik, hilingiti lagaukwa. A'nogo hilingiti logolik iren he ina'mageba nek wene mondok kwanirek mene omanogo hilingiti lagaukwa. It inebe re fano aga lagaukwa lek, meneat he ekhe inom mondogat inanini weak mene aga lagaukwa.

RATAPAN 5:1

Tuhan neisena, nit ninoba hilinglaga mene ari faget futninobagain o, nit mondogat sebelek mene hangge agosik welago mene yi faget heilenggen wo'ninabin.

YEHEZKIEL 39:26

It ambi, inanggweang oba inabolo'lek femhogo were'ma, ap misigen iluk ekhe minggilinafi logogin mondok lek. Ma re iren An noba li'norogo weagetnobagakhi logolik inendawinggen noba tibet fikhi lagaukwa mene a'nogo re inonggorasugun.

DANIEL 9:16

Neisena. Haren attagat hendawirogo telninafi lagagin andi hak, yogondak ha'mage lagaluk, o kota Yerusalem inom, honggwarek handom oba inom, weaget fesigin andi hendawimo fano a'no o, neisena. Nit ninebe nen inom, ninombalagen inom, ninobabut weak hilingitik, kwanirogo hilingitik, ogorek andiba, afuni ninera'lukwe welagaikharek mene nen he, nit hagainafuri inendawimo seramet ninobagagik, nen, o kota Yerusalem inendawimo seramet figik, ili'lagwi o, neisena.

HOSEA 12:14

Tuhan nen ap nabi misik ekhe ap Israel o Mesir hele warek were'ma nen woginarek wilibimbik halinafi logouwageluk lakfesikhe.

HOSEA 5:11

Hit afuni Israel mene nen it ekhe telhinabu lek meneat he telhinabuageluk ninghogo inayonggo fikhi lagep andi nen he, it ekhe nen wene hinoba fagasik weagethinafi logolik hinawi mondogat sebelaga andi.

MIKHA 2:6

A'nogo yagahisamo afuni ekhe nen an noba ikhi logolik he, ”Haren nit wene yaganisugu lego. Wene mondogat andoma asigin mene faget nit yaganisa fuk, nit he ninenggali asigin lego.

MIKHA 6:13

A'nogo hilingiti lagep andi nen he, yogondak hit hinaweak hilingiti lagep andi onggo An nen ogo yei hinoasimbik wolelenggen tagalogo hinoasigiluk welagi o.

WAHYU 2:20

A'nogo meneat he, at he Izebel a'nogo nen eranenat, An nebe Allah ane yagaisigirek mene aro, iluk afuni an namingmingengge mene inebe hokhorogoat pailak fakfisikhi logouwageluk yagaisigik, wam tugwi anggo warek mene kurik ninggi logouwageluk yagaisigik, ugu kwelek, hiren he, wenageti'lek, At oba lombok, iluk, herakfikhi lagep andi nek he, It weak hilingiri'lagwi, iluk hinobabut palhi lagi o.