MIKHA 6:10 - Allah Wene Fano Wene Hupla Inane

¹⁰ Ap inanini mondok weak mene inaiba andoma re inangge yi mene ti mene inane nen lalhigik helagarek mene werek. Iren yi mene ti mene enggin walhikhi logolik, ilirengge ebe mene werek kwelek taganhogo walhagarek mene andoma re, An nen nabit anggigirek mene hilingiri'lagwi andi nen he nonggorasigin lego, Ap a'nogo hilingiri'lagwi mene andoma re An nen unggum inoba fagain.

MIKHA 6:10 ပူးပေါင်းရင်းမြစ်များ

AMSAL 10:2

Afuni inangge lalhigik helaluk enggi werek agarek mene andiba ambisangma fano mene hela lek hak, oba nen he it higithogo hilingitarek mene andiba inagap telagarek.

AMSAL 11:1

At Tuhan he ap ilirengge taganhogo walhagarek mene andi re abit anggikherek, oba nen ap ilirengge higithogo walhagarek mene nek he Aren agaiyek anggikherek.

AMSAL 20:10

Enggin walhugungge inom huli-huli walhugu mene inom taganhogo walhagarek mene andi re, Tuhan nen mondok abit anggikherek.

AMSAL 20:23

Helep meneba inom walhugungge meneba inom henarogo iliretarek mene andi re Tuhan nen abit anggikherek.

AMSAL 21:6

Inangge yi mene ti mene henathigik helagarek mene andoma re weak-weak lek aga logolik he, afuni wa'lagaikharek oba andoma woginarek lili'lago.

AMOS 3:10

Tuhan nen a'nogo ikhesik, ekhe mel ikheat: ”Afuni Samaria mene nen he, inawi fano mondok wuri'mo andoma yi mene ti mene weak hilinginafi logolik, telogo heligik, hugulengge wanhik, aga mene omanogoba mondok peterogo fakhaluk werego. A'nogo logolik, inobabut higithogo hilingitu aplere mondok inonggot werek.

AMOS 3:9

A'nogo isikhesik he, ekhe mel isikhe: ”Hiren he, afuni o Mesir mene inogogwi inom, Asdod mene inogogwi inom, werek mene andoma inoba lambik wene yi yagaisa lani. Yagaisikhi logolik he yi'nogo yagaisano: Hit hinebe re afuni Samaria mene inawi tom-tom welagaikharekwe andoma andogosi laluk he, it weak mondok hilingitik, hesangge-pesangge hilingitik, inenggi omameba sebelinarek welagik, mondok hokhorogo hilingiri'lagwi mene andoma, hineilenggen penesino o,” iluk ikhe.

MIKHA 6:9

Tuhan omame werek iluk anggikhi logolik hilingitarek mene andi re, ap mondok hebelek mene nen hilingitarek he andi aro. Nen, Aren afuni o kota ba werek mene inoba yagaisikhi logolik, ”Yago, hit afuni o kota ba welagep mene andoma hinesanggo holini o!

ZEFANYA 1:9

Nen afuni An inonggot mene nen hilingitarek hakhogo An nobaget a'nogo hilingitarek mene inom, nen it inogogwi inailoba andoma yi mene ti mene hugul wanharek mene omanogoba hoporasugun iluk inangge hinatik, inebe inoatik, hilingitarek mene andoma re An nen unggum inoba fagain enego,” iluk ikhe.

ZAKHARIA 5:6

A'nogo yaganetemo an nen heinok wokhikhi logolik, ”Andi re, nenamene nogo?” igimo aren he, ”Si ugu misik were'ma higi o. Andi re, afuni o kweang yiba nen weak hilingiri'lagwi mene omanogo ilirenggerogo werek andi o,” iluk yaganete.

YOSUA 7:1

Tuhan nen afuni Israel mene inoba komorinafi logolik yi mene ti mene o Yerikhoba nen mondogat hugul kugun mene andoma re, we misik iluk ogo ekhe wanugun lek iluk yagaisasikhe. Yagaisasikheba nen he wene melalek a'nogo tiphogo hilingitukwa lek. Ap misik ekhe enu re Akhan andi nen wene melalek andi sagalogo hilingitikheba Tuhan anini afuni Israel mene inoba fesikhe. (Hun Akhan andi eisena enure Karmi nen omba re hun Zabdi inunggulenu Yehuda meneba nen he unggulenu agaukhogo re Zerah mene welagaikhe.)