MIKHA 3:11 - Allah Wene Fano Wene Hupla Inane11 Hit ap o kota ba hinebe kaindek logolik hinalonghogo welagep mene nen ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, hilingiti lagep andi. Nen, hit ap nabi nen ogore, Allah nen yi'nogo hilingisugun iluk ikherek mene yagaisouwogeluk he uang wokhisugu halok enek he inawene palhik, nen hit ap imam en ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, ikhi lagep andi. A'nogo hilingiti logolik, hit mondogaren he, ”Nit nineisena Tuhan ninom hundik welago, nen At ebe nit ninanggele'ma were'ma re, nit ninoba wene weak mene ekhe aga logogin lego,” iluk anggikhi lagep andi. အခန်းကိုကြည့်ပါ။ |
MIKHA 3:11
39 ပူးပေါင်းရင်းမြစ်များ
Hit hinogogwi kaindek fethinarek welagaikharek mene omanogo re wene oak sagalogo hilingiti logolik he, afuni yogot wanharek mene inom sebe'luk weak hilingiri'lagwi andi. A'nogo hilingiti logolik he yi mene ti mene weat wogisugunem heligik, inenggi a'makwe nen heligik hilingiri'lagwi. A'nogo hilingiti logolik he, yenggerugwi suarek mene afuni unggum pilingitarek oba omanogo nen unggum inoba fisugunem it inebikhit agi'lek, hemi sogwe mene inane agarek mene omanogo inane holhi'lek, hilingitarek andi.
A'nogo hilingiri'lagwi andiba re An nen it ineabu andoma re ap weagerinafarek mene inoba wogisigik, it inagagwi re ap amu mene inoba wogisigik, igin o. It inebe mondogat yenggerugwi inom inaluendek inom inonggwarek inenggi werek agu mene faget ineranhogo weneba lalhigik saburili'lagwi andi. Nen, it imam inom nabi inom oba nen ogore afuni ineranhogo wene yagaisili'lagwiat.
Afuni wa'lagaikharek mene yi re, haren ap raja Israel faget werek mene wenagisaluk he An Tuhan Lego Mondok welagirek mene nen it inoba ikhi lagi mene yi yagaisan o, ”Hit gembala Israel mene inobaget welagep mene andoma re alomat lakhikhi logoni o. Hiren he domba inobaget wenggelhi'legengge we hit hinonggwarek mene faget enek wenggelhi lagep.
Hineluk fano logobagaigen he, weak hilingitarek mene andi murok lagi'lek, higithogo hilingitarek mene andi nek murok laga logoino o. Hinobabut a'nogo hilingiti logogun halok, hineisena Tuhan yi wene ti wene hilingisu hagenek mene andi re, hit hinane ikhi lagep mene andi higithogoat hinanggele'ma mondok logogin o.
Afuni an nunggulenu mene ap nabi heaba lalinafi logolik he, it ekhe nen ambi uang wogisagarek mene inoba re, ”Hobuk fanorogo logogun,” iluk yagaisigik, nen it ekhe wogisugu lek mene omanogo inoba re inendawimo seramet fisaluk he inom weim palek hak welagik, hilingiri'lagwi andi. Nen it ap inebe nabi heaba logolik a'nogo hilingitarek inap andoma faget Tuhan nen ikhi logolik he,
It inebe mondogaren he weak hilingitu mene faget enek inobabut mondok hibil-hebelhogo hilingitu welagaikharek. It ap ineabu legoma welaikharek mene nen inom, nen it hakim wene tegetarek mene nen inom ogore, wene tegesuogeluk he onggo tak wo'nisani iluk kinotarek. Nen, it ap inogogwi kaindegen ogore, it inendawimo anggagarek mene nek hilingisuageluk miminginafarek. A'nogo nek hilingiti logolik it inebe mondogarenat hilingirik lagaikharek andi.
Tuhan Omame Mondok Hokho mene a'nogo nen ikhi logolik, ”Hiren wam yi mene ti mene warogo nolneti lagep oba endu tulemat ibilogo kwelafi lagep andi nen he, a'nogo hilingitu welagep hanogoluk, hit ekhe nen An naiba andoma kwe yagatfoumo re! Hit hinebe nabirat, nen an nobaget fikhi lagep mene andi helugu aplere nabit nabi'lago.
A'nogo isukwama re, at Musa a'mage hokho mene lagasikhesik Tuhan oba ane ikhi logolik he, ”Tuhan iren warogo wokhesi weri'lagwi mene andoma re wanu fugo. An nen afuni it mene nen misik iluk ogo ekhe it inanggele'ma nen weaget fisigi mene ekhe werek lek, nen keledai it mene ogo misik ekhe wanhi legat,” isikhe.
Allah nen he, ”An nagainafuri wam domba hangge yi'nogo kwelaginarek logoino,” iluk hinayonggo fesikhe hagat kwelaginarek logoino. Kwelaginarek logolik, hinonggwarek hinabit werek kwelegat, afuni ekhe nen, inane ninghogo yagahisugunem kwelaginarek welagik, nen, hinendawimo nen, ”Onggo ekhe wo nisoak,” iluk anggikhi logolik kwelaginarek welagik, ikhi logogubo. Athe, we, hinendawimo hinagaiyekhogo kwelaginarek logoino o.
It andi Allah nen weagerinabigin o! Attagat Kain hilingitikhe andi hak ombo'ne lili'lagwi andi. At Bileam weak hilingitikhe andi hak, inonggwaregen uang saburogo heluogeluk, a'nogoat hilingiri'lagwi. At Kora nen Allah faget, ”Anat hilingiti logogin,” iluk it ekhe sebelfisageluk hilingitikhe andi hak hilingiri'lagwi andiba, inebe nong akhili'lagwi andi.
A'nogo meneat he, it inobabut he, ineisena obabut higithogo hilingiti lagaikhe hak hilingiti lagaukwa lek. We, inonggwarek faget saburikhi logogun mene nek hilingiti lagaukwa. A'nogo hilingiti logolik, afuni weak hilingitarek mene nen he, at Samuel againafuri it werekwe asuagaluk uang inoba waluk wagunem helikhi logolik, wene afuni inoba higithogo figik, kotik, ikhi lagaukwa lek.
ကြော်ငြာတွေ