MIKHA 2:13 - Allah Wene Fano Wene Hupla Inane

¹³ An nen hit hinanggwe huthisigik, hele warogo wokhinarek lagaukwama welagep oba andoma nen wokhinarek wilibi wagik, igin o. A'nogo wokhinarek wilibi waga logolik hiren leget pa'leget ambe palek mene andoma langgukhogo lakfisaluk wilibi wesugun. An hineisena Tuhan nebe Raja welagimo re, An nenat hit hinebe wokhinarek wilibi wesigin o,” iluk yagaisasikhe.

MIKHA 2:13 ပူးပေါင်းရင်းမြစ်များ

KELUARAN 14:19

A'nogo yagatikhesik, Allah agoromi malaikat ekhe afuni Israel mene esa logalek inelokhoma waga lagaikhe mene higilogo inambotma higit asi lagunem he, o hena telik welagaikhe a'nogo higilogo,

YESAYA 42:7

Afuni ekhe ineilenggen mum mene fenggenogo fanorinafik, it ekhe inebe mummo hele warogo ferinarek were'ma fikhalogo telinafik, igin o.

YESAYA 51:12

Tuhan nen ikhi logolik yi'nogo ikhe. ”An nenat hat konhabigin o. Nenahalok haren afuni legasugun mene andoma inoba inom, afuni engga hakhogo hugisogoin mene andoma inoba inom, hailorinafi lagen nogo?

YESAYA 52:12

Tuhan nen hit logoin kwe wokhinarek lagik, Allah Israel mene ineisena a'nogo nen hinelokhekwe, hinambotkwe hinabel fena-fena hinalong palogo fethinarek mondok werek andi nen he, afuni nen heise louwogeluk hale'legengge lagaikharek andi hak hiren weak-weak logogin iluk hilingisu fugo.

YESAYA 55:4

Ebe eberogo mene re, at andi An nen melalinafu mene inom sikhe fisogo inap inoe panglima inom logouwageluk hilingfigi, An nomame welagi mene a'nogo it inunggulenu amu mene werekwe andoma fakhogo yagaisikhi logouwageluk hilingiti.

DANIEL 2:44

A'nogo meneat he it ap andi raja menlasimbik afuni ferinarek logogun sambul andem he, Allah pogoroba mene andi nen ap ekhe Enupogot mondok-mondok logogin mene menfagain o. A'nogo menfoumo re afuni aren ferinarek were'ma, afuni inunggulenu ekhe nen at mabenet figik, ap raja andi obulu'mo ekhe menlagik, ikhi logogun mondok lego. A'nogo menfoumo logolik, aren ap ekhe raja a'luk afuni ferinarek logogun mene andi mondogat wulil tagalogo legetfisagain o.

HOSEA 1:11

A'nogo yagaisambik, afuni inunggulenu Yehuda mene inom, Israel mene inom, hobuk inambotkwe lambulogo misi'mo fisugunem, iren inoe kain raja misik mene nen ferinarek logouwagaluk menfogoin o. A'nogo menfembik inaiba andoma were'ma, inebe hokhorogo sik-pik igik, inenggi werekhogo welagik, ugun o. O andi sambul he, An nen afuni Israel mene inebe sumburu awi kweang fano heisele'ma yatarek hak yaginabigin, iluk u hak he, hari enu Yizreel igi andi esin mene asigin o,” iluk yaganete.

HOSEA 13:14

Unggulenu ari mene arire wa'lagaikharek mene omameba nen An nen telinabigin mondok lego. Wa'lagaikharek mene yi, ou enggin mene andoma sagarogo lakfei me o! Hat heabu inebe legetfisikhi lagen mene a'nogo hilingisin o. An nen afuni inunggulenu yi mene hobuk nendawirinabigin mondok nabiro.

HOSEA 2:2

Tuhan nen ikhi logolik mel isikhe: ”Nagainafuri e. Hinagaisa re an nagwe fuk. Nen, An he at agun legaro. At obabut yanani nilik nikherek mene andi herakfisaluk, obabut hebelasuagen he, hiren komot hano.

HOSEA 3:5

A'nogo meneat he, it afuni Israel mene hobuk inafe hebelasimbik it ineisena Tuhan Allah hera'nabi wagik, inoe raja Daud en tagomangge mene ekhe oba wagik, ugun oba werego. A'nogo wesimbik hilinglasigin andi elugun kobokhogo re, inailorogo fogetnafu were'ma, an nen fanorinafi logogin o,” iluk yaganete.

MIKHA 2:12

A'nogo yagaisasikhesik At Tuhan nen ekhe inom yagaisikhi logolik, ”Hit afuni Israel mene fena hineluk welagep mene ya re. Wam domba ambotkwe sugulogo inailoba wagaikharek andi hak, An nen hit hinebe misi'mo andogorogo hinobagaumo re, o leimo wam domba hokhorogo welagarek andi hak hit hinaiba andoma hinebe hokhorogo logogun o.

MIKHA 3:1

Hit afuni Israel mene hinogogwi kaindek yi, An nen wene igin andi hinesanggo fanorogo holini o. Hiren he afuni wene fanorogo halinabu hinelu logoligenat he,

MIKHA 4:7

It afuni andoma re, ineisok endenek mene hakhogo hilingfisaluk it inawi eroma nen he, yatma woginarek fisa lagagi mene andomaba nen, it fena ineluk werek mene andoma re An nen inunggulenu ket mene salogo fisamo, inunggulenu hokho mene hilinglagik, inomame hokho agik, ugun o. A'nogo hilingfisambik An nebe Tuhan At logolik Tom Sion oba andoma melalinafu mondok logogin,” iluk ikhe.

ZAKHARIA 10:12

An nen nagainafuri inomamet fisagain, andi nen he, iren An nane hologo hilingiti logolik An nobaget enek hilingitu logogun, iluk An Tuhan nen nane mondogat igi o.” isikhe.

IBRANI 6:20

At Yesus nit faget kwe ebekwe yatikhesik o andoma kwisikhesik, ap Melkisedek Allah eisewerek logolik hilingiti lagaikhe andi hak, mondok-mondok hilingiti logogin mene Allah eisewerek kain agaikhesik welagarek andi.

YOSUA 3:6

A'nogo yagaisasikhesik, it ap Allah eisewerek mene nen Peti a'nogo waluk he, afuni Israel mene inebe hokhorogo hobugetfisaluk attagat wesuagaluk yagaisasikhemo, iren at Yosua nen yagaisasikhe hagat hilingitukwa.

WAHYU 17:14

A'nogo eisewerek fembik, Domba Eak a'nogo weim inom yabuogeluk ugun meneat he, at Domba Eak ebe afuni kaindek inenupogot inom, inenuwerek mene inom, mondogat inoe enuwerek lego mene arat andi nen he, againafuri wenaginafikhesik inayonggo fesikhemo inobabut at faget humbunhogo hilingitarek mene omanogo, at ebikhit agaikhasik, inomen, at mene olomene hangge a'nogo agoromi inom mabenetfisogoin o,” iluk yaganete.