MAZMUR 98:3 - Allah Wene Fano Wene Hupla Inane

³ At againafuri Israel mene inoba endawi hundik hilinginafik, tiphogo hilinginafik, hilingiti laga mene a'nogo faget eberek werek. Nit nineisena Allah omame aga lagaikhe mene omanogo re yi afuni ti afuni o kweangma welagaikharek mene mondogaren, ineil arat haga.

MAZMUR 98:3 ပူးပေါင်းရင်းမြစ်များ

MAZMUR 106:45

It andi inobaget he Aren wene warisasikhe mene a'nogoba eberisikhi lagaikhe, nen Aren endawi hundik mondok hokho mene hilinginaferek mene a'nogoba endawirinafi lagaikhe.

MAZMUR 22:27

A'nogo nolhetunem, it afuni inelagaik mene re eberogo nen inalabut ninghogo nogoin aro. It afuni At Tuhan oba waga logogun mene re, At enek fogerati logogun. It andi yagaisikhi logolik he, ”Hinendawimo hinagaiyek hugu mondok logoino,” iluk yagaisikhi logogunat.

MAZMUR 67:7

Allah, Allah nit nineisena, yi mene ti mene yago mene ebe hokhorogo wo'nisikhi lagen, ninebe fanotninafi lagen.

MAZMUR 98:2

At Tuhan nen telinafe mene a'nogo faget fageri'lago, Nen katokhogo hilingite mene a'nogo faget yi afuni ti afuni inunggulenu lombok welagaikharekwe omanogo inoba inelu asuageluk weinameri'lago.

YESAYA 45:22

Hit afuni mondogat kweangma welagep mene yoma sani! Hineisena Allah re An namuat welagi, amu mene ekhe werek lek, andi nen he hit hinagap telasubagaigen An noba sugulogo waga logoni o.

YESAYA 49:6

At Tuhan nen yaganeti logolik, ”Namingmingengge yi sa, hat he yabu hokho mene ekhe haren hilingisigin mene nenangot habi'lago o, haren he Yakub ombawi mene fena andem enek inambotkwe woginarek inaiba fisa wesigin he fuk, athe Israel mene inunggulenu lombok lego welagaikhe mene a'nogo obali'mo halfisagain mene andi nek he fugat, oba nen he afuni o kweangma mondogat inagap telinabuageluk, An nen hat hoba inunggulenu ekhe mene-ekhe mene omanogo selegerinafu mene hobagagin o,” iluk yaganete.

YESAYA 52:10

Tuhan omame werek mene a'nogo it inunggulenu mondogat inoba inugisamo re, afuni o kweangma yi awi ti awi unggut-unggut welagaikharek mene mondogaren he, Allah nit nineisena telninaferek mene a'nogo ineilenggen hogoin o.

YESAYA 52:7

Ap yonggo lakfisugu mene wagunem ineilenggen eberogo nenat hambik he inagaiyek asugun, at wesigin he tom unggulkwe andoma yaning-haning wesigin. Aren he wene fano lioksek awene waluk wesigin, wene o Sion agap teligin mene faget waluk wesimbik yi'nogo igin, ”Hit hineisena Allah andi re Raja werego!” iluk yagaisagain.

IMAMAT 26:42

An nen wene warogo it Abraham inom Ishak inom Yakub inom yagaisigi mene a'nogo ebet haluk, An nen kweang andoma afuni inunggulenu An nagainafuri mene andoma wogisagain isigi mene a'nogo kerabenggerogo fagain.

MIKHA 7:20

Hagainafuri Abraham inom, Yakub inomen tagomangge mene andoma, ninombawi attak welagaukwaba honggwaregen henu hombuk palogo wene warisasigin andi nen he, Hat hebe it inoba hendawi hundik logolik he tiphogo hilingfisikhi logoino o, neisena.

LUKAS 1:72

Aren ninambulak andi endawi nen fanorinabigin iluk abok isikhe a'nogo ebe hilinginafik, Yi'nogo hilinghinabigin iluk, wene onggwaregen abok yagaisasikhe a'nogo ebe hilingitik igin o, iluk he, nendawimo eberek logogin o, iluk yagaisasikhe. Yi'nogo hilingisigin o, iluk hombuk palogo nineisena Abraham yagatikhe hak hilingisi waga yi.

LUKAS 3:6

A'nogo hilingitep halok, Allah nen afuni telninabigin mene ekhe lakfei wagunem hineilenggen hogoin o,” iluk, Yesaya nen lisu palogo fesikhe mene higithogoat, at Yohanes nen a'nogo yagaisilik nikhi lagaikhe andi.

KISAH PARA RASUL 28:28

A'nogo yagaisasikhesik, wene elugun warogo re, mel yagaisasikhe: ”A'nogo isikhe andi nen, wene yi hinelu asubagaigeluk yagahisak: Allah nen he, afuni ekhe nen, aren telinaferek wene andi, it afuni endakwe mene yagaisa loageluk inayonggo fikhemo yagaisili'lagwi. It a'nogo yagaisugunem, inesanggo hologo hilingisugun o, iluk hinelu asubagaigeluk yagahisigi andi o,” iluk Paulus nen yagaisasikhe.

ROMA 10:12

It afuni Yahudi mene hunogoat, nen, afuni Yunani mene hunogoat, ugun lek. Nit mondogat nineisena Enupogot he, Allah misigaro. Nen, aren wogisoageluk ayonggo fagarek mene halok inebe mondogat hokhorogoat wogisikherego.

ROMA 10:18

Mene re, an nen heinok ekhe wokhisak. It he, fano wene andi inesanggo holhi'lek werek nogo? Lego. Inesanggo arat holha. Allah aneba, ”It inane andi o yi awi ti awi mondogat wialagaikhesi'mo re, o esanggo-esanggo andoma mondogat inesanggo holhukwa o,” iluk isikhemo lisu palek werek andi nen igi o.

ULANGAN 4:31

Nit nineisena Tuhan Allah re, afuni mondok endawirinaferek mene o. Ma re, Aren hit kofologo herakhinobagagik, hinebe legethinafik, At onggwarek enat hinombalak wene warogo woginafikhe mene andi hinonggoragik, ugun mondok lego.

WAHYU 5:9

A'nogo wuni ket mene felalogo wati logolik: Oi ye oi ye hu, oae oae oae hu: ”Hat enek he, arat hoatukwama wa'lagagindik, Afuni mondogat inunggulenu lombok, inane lombok, Inagap lombok, inawi lombok, Hat hamep oba Allah faget onggo palogo fisaluk, Eisewerek agagindik, Suesingga uan meneba lisu palek yinggilik andi, Waluk he, silo fagarek andi hak, Amusu te'merogo fesukwa mene andi, Elok fikhaligin.