MAZMUR 97:6 - Allah Wene Fano Wene Hupla Inane

⁶ Pogoren he Aren katokhogo hilingiterek mene a'nogo faget fagetunem he, At Aselek welagarek mene a'nogo it afuni kweangma mene mondogaren ineilenggen hagarek.

MAZMUR 97:6 ပူးပေါင်းရင်းမြစ်များ

2 SAMUEL 22:47

Neisena Tuhan he eluk mondok werek! An werekwe a'luk telnaferek mene andi fogeratu mondok logogun. Allah an nebe telnaferek mene andi Hokho agun hilingi'mo re At enek legeisogo fikhi logogun.

MAZMUR 19:1

It ekhe nen wuni wati logouwagaluk, Daud en felalogo watikhe mene.

MAZMUR 50:6

Pogoren fageti logolik he, At Allah ebe afuni wene inoba figik kotik ugu mene logolik, Aren it againafuri omanogo inawene katokhogo tegeterek.

MAZMUR 67:4

Allah, nit nineisena, yi afuni ti afuni inunggulenu lombogen fogethafu logouwak, afuni o kweangma ekhema-ekhema welagaikharek mene nen hai wathafu mondok logouwak.

MAZMUR 89:2

Neisena Tuhan, Haren hendawi nealuk, hendawi hundik hilingnafi lagen mene andi faget, an nen wuni watu mondok logogin o, Nen Haren tiphogo nek hilingnobagakhi lagen mene andi faget he, inebe ekhe ta'lagik ekhe ta'lagik hilingirik wagu kwelek andoma an nen fakhogoat yagaisugu logogin o.

MAZMUR 89:5

Hat hebe kain henupogot logolik ferinarek logogin oba andi re, inenggi mondok-mondok andoma faget An nen nenggi omamerogo fisogo logogin o, nen mo lagagik-pigik andomaba re hat hagainafuri tagomangge mene nen ferinarek logogun,” iluk yagati, isigin a'nogo.

MAZMUR 98:3

At againafuri Israel mene inoba endawi hundik hilinginafik, tiphogo hilinginafik, hilingiti laga mene a'nogo faget eberek werek. Nit nineisena Allah omame aga lagaikhe mene omanogo re yi afuni ti afuni o kweangma welagaikharek mene mondogaren, ineil arat haga.

YESAYA 1:2

Hit pogot inom kweang inom yi sani, Tuhan ane igin enggere furogo holini. Aren ikhi logolik, ”An nagainafuri kulinafik, yanggulinafik, isigi mene omanogo nen An nawe a'ma logou inabiren nane oaksagalhu werek.

YESAYA 40:5

Andiba re At Tuhan Omame Mondok Hokho welagarek mene a'nogo weinamet fugunem yi afuni ti afuni inebe mondogaren ineilenggen hogoin o. Wene andi eberogo mene, Tuhan ebe nenat ikhe!”

YESAYA 45:6

Mondogat andoma An nen hilingisigin andi re mo eroma nen pikhit erumbul huli andoma mondogaren he ilah amu mene ekhe werek lek, we At amu nek Tuhan werego, iluk inelu asuagen hilingisigin.

YESAYA 6:3

A'nogo logolik it-it inane mondok hokhorogo ikhi logolik he, ”Horek mene, Horek mene, Horek mene. Tuhan Mondok Homame Hokho mene. Kweangma yikwe tikwe mondogat he Hat Homameba nek sagarek welagen o,” iluk fogerati lagaikha.

YESAYA 66:18

An he iren ili'lagwi mene inom wenggeli'lagwi mene inom mondogat he nelu o. An nen afuni yi awi ti awi inunggulenu lombok misi'mo lambulogo fisageluk wesigin. Nen andoma andogosugun sambul andi re iren An nomame welagi mene a'nogo ineilenggen enegat neogoin.

HABAKUK 2:14

Andi re, i laut hokho mene yenggelek agum puaksek welagarek andi hak, o kweangma mondogat he Allah omame werek mene inom At elu mondok welagarek mene inom mondogat saga igin o.

BILANGAN 14:21

A'nogo meneat he, An netok mondok logolik, afuni kweangma yoma welagaikharek mene eise welagirek mene a'nogo Nonggwarek nenu hombuk palogo wene yi wathisak.

MATIUS 6:9

Halok he, samban ikhi logolik he, yi'nogo ikhi logoino: Nineisena pogoroba mene honggwarek henu esinet fikhi logouwageluk, hilingninabime o. Ninebe hawe a'ma logouwageluk ninobagaime o. It pogoroba hat hendawimo anggegendek mene hilingitarek hak, nit kweangma a'nogoat hilingiti logouwageluk, hilingninabime o.

WAHYU 19:2

Haren wene inoba figik, kotik, Eberogoat enek egendek, Higithogo nek egendek a'nogo nen, Afuni o Babel mene inobabut, He yanani hilingirik nikherek mene hangge omanogo nen, Afuni o yi awi ti awi welagaikharek mene, Weak hilinginafarek andi nen, Wene inoba fegendik weagerinafen, Iren hamingmingengge mene inamep wulagaisogo inoatukwa mene faget, Inunggulmo inoaten andi nen, Fogethafi lago,” iluk wuni wati lagaikha.