MAZMUR 97:11 - Allah Wene Fano Wene Hupla Inane

¹¹ It afuni inendawimo eberogo anggili'lagwi mene inoba re selek meneba liarinafi logogin, nen it afuni higithogo hilingiri'lagwi mene inoba re inagaiyek mene hilingfikhi logogin.

MAZMUR 97:11 ပူးပေါင်းရင်းမြစ်များ

ESTER 8:16

A'nogo hilingitukwama re afuni Yahudi mene omanogo re inendawinggen yamuk igik, inagaiyegetik, inalong anggigik, hilingitukwa.

AYUB 11:17

Hat hebe heluk logogin huli andoma re mo asinandi a'nogo endep hak werek kwelek, mondok alonghogo hilingik logogin, nen yogondak hat hebe heluk welagen oba o hubanggo hak hikhi lagen mene andem he mo hubet asinandi kwelabi wagunem andem higit hilingik logogin.

AYUB 22:28

Haren hilingiti logogin mene andoma re ambisangma fano nek agunem hikhi logogin, nen hat heluk oba re selegen liathafi logogin.

MAZMUR 112:4

Afuni nen higithogo nek hilingitik, katokhogo nek hilingitik, inendawi hundik welagik, inelagaik mene fanot fisigik hilingisugun oba re, mum mene anggele'ma nen selegerinafi logogin.

MAZMUR 18:28

Afuni inendawi sebelfakhaluk hilingitarek mene inoba re Haren inagap telogo fisikhi lagen, oba nen he, afuni inonggwaregen legetfakhugu mene halok he, Haren sebelogo fisikhi lagen.

MAZMUR 68:4

Oba nen he afuni wene melalek fanorogo futfuluk hilingitarek mene re inagaiyegen inanggiluk kwelafi logogun, iren At Allah eilhanem andoma nen he inagaiyegetik, inabunuk oba fogerakhigik ikhi logogun.

AMSAL 4:18

Ap weak hilingiri'lagwi mene andi inanggwe lagukwe mondok mumeak hilingi'mo re, ineisoga'lip silukhogo warogoin wenggelek le'ma pule pagarek. Oba nen he it ap fano hilingitarek mene andi inanggwe lagaikharekwe re mo yegelogo liabi wagunem endep hikhip hokho hikhip kweangma mondogat selegeraterek andi higit werek.

YESAYA 58:8

A'nogo hilingisugun halok enek he, selek hit faget o wei ikherek hak hinoba asi wagik, nen hinebene hinoumo werek mene weak-weak agambut agik, igin o. An nen hit hinagap telhinabigiluk ninom mondok logogun. An ninom logogun andiba re hit hinebe o unggut-unggut logogun kwe andoma nen hinagap telogo fethinarek logogin.

YESAYA 62:1

O Yerusalem faget he An nane igi'lek logogin lego, nen o Sion faget he An nebe yamukhogo logogin legaro, fano wene andi yagaisugu were'ma o hubanggo ombak-bak eterek andi hak asigin. nen telinabigin mene andi re esage ibil fugunem hangge hilingik logogin.

MIKHA 7:9

Niren Tuhan oba weak mondok hilingitugumo re, yogondak nit hilingitugu onggo At anini ninoba fugunem ikhi lago. Oba nen he, aninurogo welagi'legat Aren nit ninebikhit asimbik ninili wanhik, ninobaget higithogo hilingninobagagik, Aren nit ninebe wo'ninarek o selek oba wilibi wagik igin. Aren telninabigin mene andi hilingitunem he nit ninebe lombogen hogoin enek.

YOHANES 12:46

Nen, it afuni inendawinggen an noba himbiret fogoin mene halok mondogat he, o mum oba logoinogo iluk, selegerinabigeluk an nebe selegerinafirek mene kweangma yoma pi wagagi o.

GALATIA 6:8

at sa nen obabut etogat logolik hilingiri'logo halok, obabut andibaat alomat lakhagain andi. Mene re, at ekhe sa nen, Allah Areagun emberek hundik logolik, at mene hilingiri'logo mene halok, Allah Areagun andi nenat, eluk mondok logouwageluk fanot fagain andi.

WAHYU 21:23

Nen, o kota andoma Allah amulit yatik, Domba Eak a'nogo esage hangge yatik, selekhogo yatu kwelek andi nen he, mo inom, tugi inom, yati logogun legat welaga higi.

WAHYU 22:5

Nen, Allah ebe aselegen it inebe selegerinafu kwelek andi nen he, o hup aga logogin lek, nen iren esage ibilhi logogun lek, mo yagati logogin legat, werek kwelek it kaindek inenupogot logolik, afuni ekhe inawe a'ma fisaluk ferinarek mondok-mondok logogun isigi o.