MAZMUR 96:4 - Allah Wene Fano Wene Hupla Inane

⁴ At Tuhan ebe hokho agun werek andi nen he At enu legeisogo fagarek. Ma re dewa omanogo sebelek hak hilingik kwelek, At enek he hokhorogo inailoti logogun.

MAZMUR 96:4 ပူးပေါင်းရင်းမြစ်များ

2 TAWARIKH 2:4

Nen yogondak he an nen neisena Tuhan Allah a'nogo enu legeisogo fikhi logolik At obaget o enogo amu ekhe wene kabogetuba wusigin. Nen, o andiba re an inom it nagainafuri holhu mene inom At obaget wene kabogeti logolik, niren dupa amben fano mene nolhik, roti At obaget femhogo fei waga logogunat. O wurik andiba re nit nineisena Tuhan Allah along anggaluk legeisogo fikhi logolik, niren wam warogo hubet inom, hu'mokwe inom noletik, linggene sabat sambul a'nogo nolhik, tugi ket mene weinam agunem obaget kabogeti logolik warogo nolhik, linggene amu lenek werek mene omanogoba warogo nolhik, ikhi logogunat. A'nogo hilingiti logogun andi re Aren it afuni Israel mene inoba melalfisikhi logolik, a'nogo hilingitu mondok logogino iluk yaganisasikhemo re a'nogo hilingiti logogun andi.

NEHEMIA 9:5

Samban a'nogo isukwasik, o andi sambul he, ap Lewi mene, Yesua inom, Kadmiel inom, Bani inom, Hasabnea inom, Serebya inom, Hodia inom, Sebanya inom, Petahya inom, it andemen Allah againafuri nen Allah fogerasuagaluk mel isukwa: ”Ninebe menlasimbik he, nineisena TUHAN Allah fogerasuogo. Nineisena TUHAN fogeratu mondok werek mene a'nogo fogerasuok. It ekhe endebat hangge fogerinabugun mene re, At enek he, enu elalin mene yi awi ti awi mondogat lili'lago a'nogo enu seralhu mondok logouwogo,” iluk isukwa.

MAZMUR 145:3

At Tuhan andi ebe re mondok lego mene were'ma enu mondok legeisogo fagarek andi nen he, At andungdang werek mene andi re it ekhe nen iliresumo re elo'lek.

MAZMUR 150:2

At Allah nen elalin mene omamerogo hilingiterek andi nen fogerati logouwok. At Tuhan omame hokho meneba hilingiterek andi nen At ebe fogerati logouwok.

MAZMUR 18:3

At Tuhan andi re, leget pa'leget omamerogo waganek andi hak an nebe awea'ma fetnarek mondok werek. An neisena Allah andi re helep oumo an nebe hinaklaguba higit werek, afuni nen tok peiyengge ma'mut fagarek hak Aren an ma'mut narek werek, nen an nebe nailo lekhogo logouwageluk he Arenat kagalnarek werek.

MAZMUR 48:1

It inunggulenu Korah mene inawuni.

MAZMUR 66:3

Hiren Allah ba ikhi logolik he, ”Haren hilingiti lagen mene andoma re mondok hanggiluk werek mene nek hilingiti lagen! Hat homame re mondok hokho mene welagenma re, it haselei mene re inailo nek agunem Hat ha'ma sebe agarek.

MAZMUR 66:5

Hit hinebe we'luk he At Allah nen hilingiterek mene andoma hineilenggen ha waga logoino, Aren afuni inanggelekwe yi mene ti mene elalogo fesikhe mene andoma re mondok wesa polanhogo elalogo fesikhe.

MAZMUR 76:7

At Yakub eisena Allah nineisena, it ap wam kuda ba lagaluk weim yabi lagaikharek mene inom, kuda ebe inom ogore, Hat hane pararagen he it inebe mondogat wa'lagaikha.

MAZMUR 86:10

We Hat hamu nek Allah welagen, nen Hat he Allah hebe Lego mene logolik he, Haren hilingisu elo'lek mene omanogo nek hilingiti lagen.

MAZMUR 89:7

O pogoroba andoma re, Tuhan hebe higit mene ekhe werek lego, nen it pogoroba ineluk welagaikharek mene andoma Hat hinom higit mene ekhe werek legaro.

MAZMUR 95:3

At Tuhan andi re, Allah mondok andungdang werek mene hilingi'mo re, At ebere it dewa omanogo sebelek werek kwelek, At he Raja mondok lego mene werek.

KELUARAN 18:11

It afuni Mesir mene nen wonoget fakhikhi logolik hilingitu kwelek At Tuhan nen a'nogo hilingiti laga andiba re, it mene inanggembu ilahi omanogo mondok sebelek werek kwelek At Tuhan enek he mondok hokho mene werek iluk an yogondak futfikhi lagi o,” isikhe.

YEREMIA 5:22

An nebere Tuhan, nenahalok hiren An noba hinailo welagep lek nogo? Eberogo nenat he hiren An nobaget hinoak leigeti logou meneba nen o! An nenat i laut huli warek logouwageluk kar waganogo mondok-mondok faget hilingisogo fesigi. I laut agum founalhik, esinggen lenggalhik, hilingiterek oba nen he huli warek mene andi taganhogo lagaikherek mondok lek.

DANIEL 2:47

A'nogo yagaisasikhesik, Daniel mel yagatikhe: ”Daniel. Afuni nen hunogo mene faget, Nineisena ebe yi aro, iluk fogeratarek mene andi, elo'lego. Mene re, we hat heisena Allah andi nek he, mondok esin lego mene werek. Ap raja-raja nen afuni inawe a'ma ferinarek welagaikharek mene andoma re, At enggiba nek welagaikhare'ma o. Haren he, wene hinago mene andi, Ebe yi'nogo hilinglasigin mene faget hegenma, iluk fakhogo yaganeten andi nen, Allah nen yi wene ti wene hinago mene fakhogo eberogoat yagaisikhere'ma higi, iluk futfigi o,” iluk yagatikhe.

LUKAS 12:5

Meneat he, hit sa hinailorogo logogun nogo. An nen yagahisak. At Allah nen hinebe hinoasimbik he, hobuk endu ai'mo elok lakhinobagagin werek andiat hinailorogo logoino, iluk yagahisikhi lagi andi.

WAHYU 15:4

Nineisena Henupogot hat halegat tegelek logolik, Afuni wene inoba figik, kotik, ikhi logolik, Afuni mondogat ineilhanem, Eberogoat mondok hilingitendek. Afuni inunggulenu lombok mondogat, Hawe a'ma kwi we'luk, Ineindep awi yagaisogo, Fogethafik, hai wathafik, ugunem, It afuni sani hagen hat inailo lek logolik, Fogethafi'lek kamo ugun, Lek,” iluk wuni wati lagaikha holhi.

1 SAMUEL 4:8

Eberogoat weaget ninabugun o! Halok he, it ineisena dewa fogeratarek mene omame hokho andi nen ninoasinogoluk sa nen telninabigin anggegep? It ineisena fogeratarek mene andi nen endamat ap Mesir mene o leimo afuni le'ma nen wulil tagalogo inoatikhe lek nogo? Eberogoat inoatikhe aro.