MAZMUR 96:10 - Allah Wene Fano Wene Hupla Inane10 Hiren afuni inunggulenu amu mene inoba yagaisikhi logolik he, Tuhan andi re ebe Raja werego! Kweang he mondok ningmanibere'ma re abolok u lek hak, Aren afuni kweangma werek mene katokhogo nek inawene pilingisogo ayo wurinafarek, iluk yagaisikhi logoni. အခန်းကိုကြည့်ပါ။ |
MAZMUR 96:10
30 ပူးပေါင်းရင်းမြစ်များ
Tuhan nen againafuri inoba yagaisikhi logolik, ”An nendawimo nagaiyek hit hinoba were'ma andemat An nen onggo yagahisikhi logogin o,” Linggene An nen hinagap telhinabigin sambul andi re, An nen hit lebethinabigin aro. Hit he, An nen nawe a'ma fethinarek logolik kagalhinarek logogin, An nen hit hinebe nen yi afuni ti afuni omanogo ninom wene wasugun. O sili afuni inareng mondok tiring-terengse'ma omanogore An nen ambotkwe pugunhogo fembik, kweang andoma hit eiserogo logogun oba hilingisogo fagain.
Ap yonggo lakfisugu mene wagunem ineilenggen eberogo nenat hambik he inagaiyek asugun, at wesigin he tom unggulkwe andoma yaning-haning wesigin. Aren he wene fano lioksek awene waluk wesigin, wene o Sion agap teligin mene faget waluk wesimbik yi'nogo igin, ”Hit hineisena Allah andi re Raja werego!” iluk yagaisagain.
A'nogo meneat he it ap andi raja menlasimbik afuni ferinarek logogun sambul andem he, Allah pogoroba mene andi nen ap ekhe Enupogot mondok-mondok logogin mene menfagain o. A'nogo menfoumo re afuni aren ferinarek were'ma, afuni inunggulenu ekhe nen at mabenet figik, ap raja andi obulu'mo ekhe menlagik, ikhi logogun mondok lego. A'nogo menfoumo logolik, aren ap ekhe raja a'luk afuni ferinarek logogun mene andi mondogat wulil tagalogo legetfisagain o.
Afuni inunggulenu lombok o kweangma yi awi ti awi welagaikharek mene nen An agaukhogo fogetnafarek andi nen he, iren an fogetnafi logolik, o ekhema-ekhema nen dupa amben fano mene Nenuba nolnetik, wam, yi mene ti mene An nobaget nobagaluk nolnesubaat nolnetik, agarek andi. Andi re, yi afuni ti afuni mondogaren An fogetnafu welagaikharek andi nen o.
An Hineisena re, Raja Lego Mondok welagimo re, yi afuni ti afuni inunggulenu lombok o kweangma welagaikharek mene An nenu agaukhogo fogetnafarek andi nen he, ap sa nen anggo ai mene agambut palek lek mene An nobagaikhe mene werek kwelek meneat he, munenogo herakfikhi logolik weak mene nobagaikhe halok, eranenat lalnafe andi nen he, homan ugu logouwago,” iluk ikhe.
Mo eil tilelek-walelek lakfei wagarek andi hak, Allah ebe fogeratarek mene a'nogo nen, Yesus ebe lakfei wagaikhemo kweangma selekhogo logolik, eisena obali'mo at ebeat welagarek. A'nogo logolik, yi mene ti mene mondogat welagarek andi, at ane omameba welagarek. Were'ma, nit weak hilingiti lagagu mene korogo legetfisasikhesik he, Allah Enupogot esin mene a'nogo oba lagasikhesik era'lu kainat welagarek andi.
A'nogo isigiri'mo nen, it malaikat inebe 7 nen omanogo, inebe falfalik mene inambinggong arat anet hagasi'mo nen, ekhe ambinggong anet hugunem he, pogoroba nen inane hokhorogo yi'nogo ugunem holhi: ”Attak afuni kweangma mene nen inawe a'ma fisaluk ferinarek welagaukwa mene re, yogondak nineisena Enupogot Allah nen ninoe Kristus nen telninabuageluk menfesikhe mene a'nogo emberegen inawe a'ma arat ninobagagasik, at Kristus nen fetninarek mondok-mondok logogin o,” iluk ikhi lagaikha.
A'nogo ugunem nesanggo holhiri'mo nen ombo'ne re, afuni hokhorogo andogorek logolik, inane re, i hut hokho mene ane ikherek hangge inom, unggunggu ane hokho pak ilugen ane lulu lagarek hangge inom, mel ikhi lagaikha: ”Nineisena Allah fogethafi lago, u hak, Haleluya, ikhi lago. Hat homame mondok hokhoma, yi mene ti mene hilingitendek enek a'nogo nen, yogondak arat hawe a'ma ninobagegendik fetninarek welagen o.
ကြော်ငြာတွေ