MAZMUR 94:6 - Allah Wene Fano Wene Hupla Inane

⁶ Iren he hemi sogwe mene inom, yenggerugwi suarek mene inom pinggi inoatik, nen ap pok mene o kweang yiba werek mene omanogo inoatik ikhi logolik werek.

MAZMUR 94:6 ပူးပေါင်းရင်းမြစ်များ

YESAYA 10:2

Hiren a'nogo hilingiti lagep andiba re afuni inenggi lek mene omanogo it inangge mene heligik, it inawene higithogo palinafi'lek kwanirogo hilingitik, hemi sogwe mene inom, yenggerugwi suarek mene inom inangge teligik ugun iluk inanggwe palinafi lagep.

YEREMIA 22:3

”Hiren hinobabut higithogo hilingiti logolik katokhogo hilingiti logoni o. Afuni enggin-fenggin inoba fisugunem werek mene andoma it enggin inoba fugu mene inenggimo nen lologo wulakfisikhi logoni. Hiren ap pok mene inoba inom, yenggerugwi suarek mene inoba inom, hemi sogwe mene inoba inom sebelogo fisigik, hinaniniba hilingfisigik, u fuk. Afuni o yi nen weak hilingiti'lek kwelek inebe pinggi inoasu fugat.

YEREMIA 7:6

Ap pok mene inom yenggerugwi suarek mene inom, hemi sogwe mene inom sebelogo fisagarek mene andi re ariginhi logou fuk. O kweang yiba nen ap weak hilingiti'lek kwelek he inoasu fuk. Nen kembu ilah omanogo inoba apne wanhi logou fugat. Hiren a'nogo hilingiti logogun halok he hinebe weaget hinabigin enggere.

YEHEZKIEL 22:7

Afuni haren mene werekwe oma nen ap misigen ogo ekhe ineisugwi inagaisawi legeisogo fisagarek mene ekhe werek lek. Hat hane nen ap pok mene lalinafi logolik, hemi sogwe mene inom, yenggerugwi suarek mene inom inangge omanogo ekhe inomat mangorogo helikhi lagen.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.