MAZMUR 94:16 - Allah Wene Fano Wene Hupla Inane

¹⁶ It afuni Allah ane taganhogo hilingitarek mene andoma inoba nen he ap sa nen an nili wo'nabu hak nogo? It ap weak mene nek hiligitarek mene andoma inoba nen he ap sa nen an nebikhit asu hak nogo?

MAZMUR 94:16 ပူးပေါင်းရင်းမြစ်များ

2 RAJA-RAJA 10:15

A'nogo hilingitukwasik he at Yehu a'nogo kwe lagain iluk lagunemen he, kwe tulem omanogo Yonadab hun Rekhab amlogo a'nogo re elokhoma wagaikhe. Wagaikhemo Yehu nen hai watikhesik yagati logolik he, ”Nit he ninendawinggen misik welago lek nogo?” Haren an lebetneamo re ningginik,” iluk yagatikhe. Andi yagatikhemo at Yonadab en onggo ikhi logolik he, ’Fano,” iluk isikhemo re at Yehu nen he, ”Ariginik halok he ninom hai wat-wat asuogen he henggi wo'nom o,” iluk yagatikhemo it inenggi fak hai wat-wat agaukwasik Yehu nen he Yonadab lebethageluk angge kereta ba liak fikhi logolik he,

2 RAJA-RAJA 9:32

Andi isikhemo re, at Yehu elokhe legeisogo jendela fikhit liakfesikhesik ane ikhi logolik he, ”Ap sa nen an nebikhit asigin?” isikhemo, a'nogo isikhe aple a'nogo holhikhesik, ap o he ratu a'nogo awi elonggoma yabu hilingiti lagaukwa mene omanogo inebe pire henagan mene nen hakhogo ineil pelakha wagaukwa,

NEHEMIA 5:7

an nen ninggi'nogo hilingisiok iluk fanorogo ebethigi. A'nogo hilingitigisik he an nen it ap inogogwi kaindek omanogo inom, afuni melalinafi lagaukwa mene omanogo inom, inoba ikhi logolik he, ”Hiren he it hinagaila'lak mene hinomameba sebelinarek welagep!” iluk yagaisasigi. A'nogo yagaisigirik he an nen wene andi faget ninggi'nogo hilingisiok iluk he afuni inebe abirengge inom wene ninane misik seberogo masuogeluk kabogetugu.

MAZMUR 118:6

At Tuhan he an werekwe werek andi nen he, an he noak leigesu lek hak, afuni nen an noba yi'nogo ti'nogo ekhe hilingnobagaumo re elo'lek.

MAZMUR 17:13

Neisena Tuhan, Hat hebe feisakhogo menla'luk he, an naselei mene oma hinom wal-wal iluk it inomame legetfisikhi logoino o. It afuni weak hilingitarek mene andi nen an noasuogeluk wagunem andi, Hat henggarok oba an nagap telogo nobagakhi logoino.

MAZMUR 59:2

Neisena Allah, it afuni naselei mene andomaba nen fikhalogo wulak nobagain o, it afuni an noasuogeluk weri'lagwi mene andomaba nen an nebe telnabin o.

YESAYA 59:16

It ekhe nen menlasi we'luk inebikhit agaikharek mene a'nogo, ekhe werek le'ma hikhesik he Tuhan oba fogikhe. Andiba re At onggwarek omameba re it inagap telinafik, inalonget fisigik, ikhe.

YESAYA 63:5

A'nogo anggigirik, An nen heraginafiba nen he lebetnafu mene ekhe welagaikha lek, andi nen An noba fokhogo welagi. A'nogo logolik An nonggwarek nomameba nen lebetniugunem welagi, nen An noggwarek na'mage lagagu meneba lebetniili'logo.

YEREMIA 5:1

Yago hit Yerusalem mene yi sani, hinawi kota andiba nen ebekhe kwe andoma hineilenggen kogolik lani o! Fanoro kogolik laluk hineilenggen nen fanorogo fut feino. O kota ebekhe kwe andoma nen ap misik ogo ekhe eberogo anggikhi logolik Allahba tiphogo hilingiri'lago mene ekhe werega, lega, iluk hera'no. Nen werek halok he An Tuhan nen o Yerusalem andi weaget fagain lego.

YEHEZKIEL 22:30

It ap Israel mene inanggele'ma nen ap leget pa'leget wanu higit mene inom, nen An nanini hanghogo leget pak waganek mene wolelenggen isagain iluk hilingitunem, o kweang andi ili waganogo leget pak mene meisalekwe omanogo mendek werek mene inom, ekhe werek hea iluk An nen herati lagiba nen nelokhoma ekhe ari'lago lek.

BILANGAN 10:35

Peti Allah nen wene warogo wo'ninafikhe iluk hilingik mene a'nogo waluk wesuogeluk halok at Musa nen ikhi logolik he, ”Tuhan nineisena Hebe menlame o! Mendek logolik he, afuni hat haselei mene hebe inabit mene andi heise pugulasuageluk mugisikhi logoin o,” iluk yagati lagaikhe.

MATIUS 12:30

”Nen, sa nen ebe an werekwe agi'lek halok he, at andi an nemberek weim palek mene aro. Nen, sa nen an nemberek afuni andogerinafi lago lek mene halok he, at andi nenat pugulogo wulakfisili'logo o,” iluk yagaisasikhe.

3 YOHANES 1:8

It andi ebe wene Allah ane a'nogo faget hilingiri'lagwi andi, nit ninomenat hilingisu hak hilingiti logouwagen, leberisikhi logouwogaro.

HAKIM–HAKIM 5:23

It ap Meros mene andi inom, ap Tuhan obaget inamurururogo weim yafarek mene nen hilingitarek hakhogo weim yafunem leberisa wagaikha lek andi nen he, malaikat Tuhan nen ikhi logolik, o andi inom afuni o andiba werek mene inom Allah nen homan fisoago, iluk ikhe.