MAZMUR 93:5 - Allah Wene Fano Wene Hupla Inane

⁵ Tuhan neisena. Haren yi'nogo hilingiti logoino, ti'nogo hilingiti logoino, iluk komotninafen wene andi etok mondok logolik, eberogo nek aga logogin o, nen Hat hawi horek mene andi yi tahun ti tahun wurik mondok logogin, neisena.

MAZMUR 93:5 ပူးပေါင်းရင်းမြစ်များ

2 TAWARIKH 29:5

andoma nen it inom wene ane mati lagaukwa. Aren yagaisikhi logolik he, ”Hit ap Lewi mene re, hit hinambu hinombalak ineisena Tuhan Allah a'nogo Awi wurik horogo enogo figik, yi mene ti mene mondogat alomat laga mene andoma waganogo wulak fisigik, hilingisubagaigen he, hit hinebe Tuhan obaget enogo fakhani.

MAZMUR 119:111

Haren yi'nogo hilingiti logoino-ti'nogo hilingiti logoino iluk isigin mene andi re an nangge mondok-mondok logogin mene hilingi'mo re, andi nen an nendawimo agaiyek mene hilingfikherek.

MAZMUR 119:129

Hat awene melalek andi re mondok wesa polan mene hilingi'mo re, an nendawinggenma nen foukhogo fetaluk lagi o.

MAZMUR 119:138

Haren yi'nogo hilingiti logoino ti'nogo hilingiti logoino, iluk yaganisikhi lagen mene andoma re, mondok katokhogo nek hilingi'mo oba tibet fou mene nek werek.

MAZMUR 119:144

Haren yi'nogo hilingiti logoino ti'nogo hilingiti logoino iluk wene fesigin mene andi re mondok katokhogo nek hilingik werek, an neluk ekhe inom logouwageluk Haren wenggelek mene ekhe inom wo'nom.

MAZMUR 29:2

At Tuhan enu ibi ebe mene andi fogera'ni o, At obaget hilingiti logolik su labetu mene andoma laberogo apne wanhi logoni o.

MAZMUR 99:5

Nit nineisena Tuhan Allah andi nek legeisogo fikhi logoni, At ebe hurek welagarek oba andoma hineindep awi yagaisogo fogerati logoni. At ebere horek mene werek!

MAZMUR 99:9

Nit nineisena Tuhan Allah ebe horek mondok werek andi nen he, At enek legeisogo fikhi logoni! Nen At andom horek meneba andoma nen hineindep awi yagaisogo fogerati logoni.

KELUARAN 28:36

Alilingge emas mondok fano meneba hilingfuluk he ebene hesesengge wokfikhi logolik ane yi'nogo wokfeino, ’Tuhan obaget enekhogo werek,’ iluk wokfeino.

YESAYA 52:11

Yago, hit Allah awi elonggoma hilingitu mene waluk logoin mene re, o kota Babel andi herakfuluk wulibi lani o! Yi mene ti mene emerek mene andoma re hinenggi fakhagubo, hit lagi'lek logolik hinebe tak tegelogo fakhani.

YESAYA 8:20

A'nogo yagahisugu halok he, hiren onggo yi'nogo yagaisano, ”Tuhan nen wene yaganisikhe mene andi hinesanggo holini o! Ap ekhe wene yaganisasikhe mene andi higithogo agarek lek mene halok he, hobuk ninggi'nogo hilinglasigin iluk obakhe palegat werego,” iluk yagaisano.

YEHEZKIEL 43:12

O Tuhan Awi andi obabut amu lenogo hilingik mene re yi'nogo, o sili era'lukwe punu legokwe ebene andoma mondogat he hihorek mene werek,” ikhe.

IMAMAT 10:3

Wa'lagaukwama at Musa nen Harun yagati logolik, ”Tuhan nen Afuni An nobaget hilingiti logogun mene halok he, An Nebe horek welagi mene a'nogo legeisogo nobagakhi logolik fogetnafi logogun, nen An nebe nanggiluk welagi mene a'nogo afuni An nagainafuri inunggulenu mene inoba inugisikhi logogin, iluk, Tuhan nen ikhe,” iluk Harun yagatikheba nen he, at ane igi'lek wamborek welagaikhe.

IMAMAT 19:2

”Afuni Israel mene Allah nen mel ikhe, iluk yagaisano: An hineisena Tuhan Allah nebe horek welagirek andi hak, hirogo An nobaget horegat logoni o.

MATIUS 24:35

Pogot inom, kweang inom, legasigin meneat he, an nane andi legasigin mondok lego,” iluk yagaisasikhe.

YOHANES 4:24

Allah ebe re, Areagun mene andi nen he, at fogerasuageluk Areagun inom hundik logolik eberogoat fogerasugun meneat fogerasugun o,” iluk yagatikhe.

IBRANI 12:14

Hit hinebe tegelogo Allah mene fisigi'lek logogun halok he, at ebe hineilenggen hogoin mondok lek andi nen he, afuni mondogat hinom fano lambukhogo logolik, hinebe at faget fisaluk weak hilingiti'lek fano tegelek mondok logouwogeluk hinomamerogo hilingiti logoino o.

WAHYU 21:27

A'nogo kwikhi logogun meneat he, afuni weak inabit mene hilingitik, ineranen wene igik, ikhi logolik inoba horinafi'lek mene re o andoma kwikhi logogun mondok le'ma higi. A'nogo meneat he, it ekhe ineluk mondok logouwageluk fanorinabigin mene halok inenu lisu palogo Domba Eak asuesinggaba fikhe mene nek o andoma kwikhi logogun higi o.