Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MAZMUR 93:1 - Allah Wene Fano Wene Hupla Inane

1 At Tuhan andi re Raja. At ebe homame hokho were'ma foget fagarek mene andi re su labetarek hak laberek werek. Kweang he tik ninghogo warogo fesikhemo re, abolok ikherek lek.

အခန်းကိုကြည့်ပါ။ ကော်ပီ




MAZMUR 93:1
30 ပူးပေါင်းရင်းမြစ်များ  

Yago, hit afuni o kweangma yoma mondogat, At elokhoma nen hinoak leigeti logoni! Kweang hambuk lele warek mene re abolok u lek hak.


Hit pogot inom kweang inom he hinagaiyege'ni! Tuhan andi ebe re raja o, iluk he afuni inunggulenu lombok omanogo inoba yagaisikhi logoni!


Yi mene ti mene inenggi werek welagaikharek andi inom, sik-pikhogo welagaikharek andi inom, mondogat ero re Hat hoba nek werek. Yi mene ti mene re Hat homame a'ma were'ma, it inamboloba we Hat hami hamuat welagen. Haren he we ap ningginik meneba nen ogo ap hokho mene a'luk omame logouwageluk Hat Homameba hilinginabu hak enek.


hobuk ane lagokhogo mel yagatikhe: ”Inalilingge wanharek andi hak, haren fogerakhigik, agaugwerakhigik, agarek mene andi likloukhogo hilingfakhigik, ikhigik, in o.


Nineisena Tuhan ebe pogoroba logolik, yi'nogo hilingi'ni ti'nogo hilingi'ni iluk melalinafu were'ma, yi afuni ti afuni ekhe mene-ekhe mene mondogat he, at a'ma nek welagarek.


O kerajaan Haren ferinarek logogin mene andi re yi tahun ti tahun mondok-mondok logogin mene werek. Inebe hobuk ta'larik laga logogun mene re, Hat henggiba nek ferinarek mondok logogin. Nineisena Tuhan he, Aren wene wa'nisasikhe mene a'nogoba nek tiphogo hilingiterek. Aren yi'nogo ti'nogo hilingiterek mene andomaba re endawi hundik mondok welagarek.


At Allah andi re we Tuhan amu nek werek, nen nit ninili wo'ninaferek mene ogore we At alegat werek.


It inambeba nen he weak mene nek agarek, athe ineranen wene nek ikhi logolik hururung inafunem he, iren foget fakhagarek mene andiba ke'nok ikhi logouwak.


Ninane hesanggo holuk, ninomame asuageluk, elalin mene hilingisogo, ninebe telninafendek andi. Afuni inunggulenu lombok, i laut yenggelek esanggo-esanggo mondogat hoba fanggoksek logolik werek.


Hat homame hokho logolik legaisogo hobagali'lagwi mene a'nogo enek asuageluk, Hat henggi homamerogo o tom mondogat menhigik fesigin.


At Allah nen ikhi logolik he, ”An nen nenggi wenagaisogo fagain oba higit asi wesigin oba re, An nen inawene fanorogo pilingisogo nen katokhogo ayo paligin.


Hiren afuni inunggulenu amu mene inoba yagaisikhi logolik he, Tuhan andi re ebe Raja werego! Kweang he mondok ningmanibere'ma re abolok u lek hak, Aren afuni kweangma werek mene katokhogo nek inawene pilingisogo ayo wurinafarek, iluk yagaisikhi logoni.


At Tuhan andi re ebe Raja hilingi'mo re kweang en agaiyegetik, i alonggen kwe andoma nen inanggilugetik, ikhi logouwak.


Tuhan andi re Raja werek. Yi afuni ti afuni inunggulenu lombogen inoak leik etarek. At ebere kerub amboloba hurek were'ma, kweang yelandit-kwelandit hili'lago.


Yi'nogo ti'nogo hilingiti logolik, Aren higithogo hilingitik, tiphogo hilingitik, ikhi logogin.


An he Tuhan kweang walhasigisik, afuni logouwageluk ogo elalinafigiat. An nomameba pogot tiaganet fesigi, higithogo hilingitu mene nek omamet lasuageluk hilingitigi, nen mo inom, tugi inom hesagal inom fanorogo afe halogo fisasigi.


Tuhan nenat pogot walhasikhe, At ebere Allah! Arenat kweang walhogo fesikhesik, kweang oba werek mene mondogat elalogo fesikhe, a'nogo hilingfesikhesik, hambuk lele warogo menfesikhemo werek andi. Aren obalik we selek logouwageluk elalhikhe fuk, oba nen he obalik andomaba logouwageluk elalogo fesikhe. At ane ikhi logolik, ”Tuhan he An namunek welagi o, amu mene ekhe werek lek,” isikhe.


Tuhan nen againafuri inoba yagaisikhi logolik, ”An nendawimo nagaiyek hit hinoba were'ma andemat An nen onggo yagahisikhi logogin o,” Linggene An nen hinagap telhinabigin sambul andi re, An nen hit lebethinabigin aro. Hit he, An nen nawe a'ma fethinarek logolik kagalhinarek logogin, An nen hit hinebe nen yi afuni ti afuni omanogo ninom wene wasugun. O sili afuni inareng mondok tiring-terengse'ma omanogore An nen ambotkwe pugunhogo fembik, kweang andoma hit eiserogo logogun oba hilingisogo fagain.


An nenat pogot tiaganet figirik, kweang ero inom talogo fesigi. An nen Sion oba ikhi logolik, hit he An nagainafuri o, An nen hit hinoba wene yagahisikhi logogin, An nomameba re hit nawea'ma fethinarek logogin o,” iluk ikhe isikhe.


Tuhan neisena, hebe heluk a'luk he nit lebetninabin o, Hat homameba ninili wo'ninabin. O attak Haren Rahab al perelogo fesigin sambul a'nogo inom, nen kisu naga laut i agumo welagarek mene talogo watigin sambul a'nogo inom, hilingitigin hakhogo hebe siakhogo menlame o.


Ap yonggo lakfisugu mene wagunem ineilenggen eberogo nenat hambik he inagaiyek asugun, at wesigin he tom unggulkwe andoma yaning-haning wesigin. Aren he wene fano lioksek awene waluk wesigin, wene o Sion agap teligin mene faget waluk wesimbik yi'nogo igin, ”Hit hineisena Allah andi re Raja werego!” iluk yagaisagain.


Aren he katokhogo hilingitu mene inom, inagap telhu mene inom a'nogo re, su posiemanggen mene hangge hilingisogo figik, nen, unggul topi re baja mene hangge hilingisogo figik, ikhe. Aren he, it inebe hilingik mene andoma halfisigik, katokhogo hilingitu lek mene andoma unggum wogisigik, hilingisigin iluk wenggelhe.


Ap ekhe kagalek welagaikhe mene ane re yi'nogo isikhe ”Ap ekhe asu eil mep mene laberogore, ebene asungge lik loukhogo liagaisogo oba mondok along palonghogo o Edom fikhiren o Bosra wesigiluk weri'logo andi re sa nogo?” iluk heinok ugunem he, Tuhan nen onggo ikhi logolik, ”An he hineisena Tuhan, hinebe telhinabigin mene a'nogo nen, Wene fano wene waluk wagi o,” iluk ikhe. A'nogo ugunem hobuk ap kagalek welagaikhe mene a'nogo nen heinok wokhikhi logolik,


Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.


Meneat he, amlogo yagati logolik: ”Hat hebe Allah at logolik, yi afuni ti afuni ferinarek mondok logogin. A'nogo logolik, wene higithogo nek pilingisikhi logogin o.


A'nogo ugunem nesanggo holhiri'mo nen ombo'ne re, afuni hokhorogo andogorek logolik, inane re, i hut hokho mene ane ikherek hangge inom, unggunggu ane hokho pak ilugen ane lulu lagarek hangge inom, mel ikhi lagaikha: ”Nineisena Allah fogethafi lago, u hak, Haleluya, ikhi lago. Hat homame mondok hokhoma, yi mene ti mene hilingitendek enek a'nogo nen, yogondak arat hawe a'ma ninobagegendik fetninarek welagen o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ