MAZMUR 92:14 - Allah Wene Fano Wene Hupla Inane

¹⁴ It andi re, e o Tuhan Awi wuri'mo yakfugu mene hangge welagik, nen nit nineisena Allah awi wuri'mo andoma nen hokho agu mene hakhogo hilingik logogin.

MAZMUR 92:14 ပူးပေါင်းရင်းမြစ်များ

AYUB 17:9

Ap higithogo hilingitarek mene inom, nen ap weak hilingitarek lek mene inom, nit At Allah endawimo agaiyek anggikherek higithogo welago iluk, it inebe werek mene faget ekhe inom omamet fakhikhi logouwak.

MAZMUR 1:3

It andi inebe re, e awi i elesimo yakfugunem, engga sawet agi'lek, ket mondok logolik enggen itu sambul itu mondok welagarek hak, iren yi mene ti mene faget hilingitunem he higithogo nek hilinglagarego.

MAZMUR 71:18

Neisena Allah, Hat homame hilingik welagen mene faget inom, Hat hanggiluk welagen aple faget inom, an nen it hobuk ta'lasugun mene inoba fakhogo yagaisikhi logogin enggere, an nebe yaman asimbik, nesi helel wilife halok ogo, neisena Haren oboget nealuk la fugo.

AMSAL 4:18

Ap weak hilingiri'lagwi mene andi inanggwe lagukwe mondok mumeak hilingi'mo re, ineisoga'lip silukhogo warogoin wenggelek le'ma pule pagarek. Oba nen he it ap fano hilingitarek mene andi inanggwe lagaikharekwe re mo yegelogo liabi wagunem endep hikhip hokho hikhip kweangma mondogat selegeraterek andi higit werek.

YESAYA 46:4

An he hit hinebe yaman asugun huli andoma re, hit hineisena Allah at logogin. A'nogo logolik halhinafu werek kwelek enek he hinesi helel wulibigin. An nenat elalogo hinobagasigimo re halhinafu mondok logogin, An nenat lebethisigik hinagap telhik hilingiti logogin.

YEREMIA 17:8

At andi re e i lagarek mene esanggoma wilibik were'ma, omanggen yagaisogo ima kwelabek welagarek mene hak werek. O hibi lagagunem aren ailoterek mondok lek, enggare muli-mulithugu mondok werek. Nen, o kweang andomaba yi mene ti mene mondogat pugarik wagarek oba nen, athe enggen itu mondok were'ma endawinggen fiterek lek.

YEHEZKIEL 47:12

I aik fena-fena ligabek-pelabek andoma re e enggen iterek mene yi agayo-ti agayo hokhorogo wilibik welaga. Enggare puk agi'lek enggen omanogo lek agi'legat welaga. E andoma re i o Tuhan awi wuri'mo wuliferek mene a'nogoba nen he, tugi ebe lombok he enggen ket mene iti logogin. E andoma enggen he nunggu mene hilingfuluk engga re ou higirinafu mene faget logogin o,” iluk ikhe.

MATIUS 3:10

E ero lombok enggen fano mene iti'lek halok, mugusogo endumo lakfisageluk posie e omanggen oba lego werego,” iluk yagaisasikhe.

FILIPI 1:11

Yi mene ti mene awi yatunem ero hokho a'luk enggen iterek hak, at Yesus Kristus nen hilinghinafi logogin oba, hinobabut higithogo hilingitu mondok ekhe inomat hilingiti logogun halok, at ebe wagunem he, afuni ekhe nen Allah hai watik fogeratik, uguno.

YUDAS 1:12

Hit hinerugwi hinagaila'lak inebe hinendawi nen seni isago hinom misi'mo andogorogo nunggunem, it ap andi inenggali legat hinoba kwi wesimbik he, afuni ekhe kwelaginarek welagi'lek inonggwarek faget enek oba ebeti logolik hinom ninggi lagep andi re, weago. Su fano mola were'ma muli mene oba labulagarek andi hak, hinom weak ninggi lagep andi o. Inebe re, ohena meiso nagain lek meneat sogoien aburungweak waluk nikherek andi hak nikho o. Nen, ekhe re, e enggen iti'lek, engga mondok lek agunem, omanggen inom feisalhunem mondok puk agarek andi hak werego.